جاڭا داۋىردەگى شارلاۋ قىزمەتىنىڭ زاڭدىلىعىن ىشكەرىلەي تانىپ، شارلاۋدا جاپپاي قامتۋ مىندەتىن جوعارى ساپامەن ورىنداۋ كەرەك

2022.03.24 15:51 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　«حالىق گازەتى»، 3 - ايدىڭ 23 – كۇنى، بەيجيڭ (ءتىلشى جاڭ ياڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ شارلاۋ قىزمەتىنە باسشىلىق ەتۋ گرۋپپاسىنىڭ باستىعى جاۋ لىجي 3 - ايدىڭ 23 - كۇنى مەملەكەتتىك شارلاۋ قىزمەتى ماجىلىسىنە جانە پارتيا 19 - كەزەكتى ورتالىق كوميتەتىنىڭ 9 - كەزەكتى شارلاۋ قىزمەتىنە جۇمىلدىرۋ، ورنالاستىرۋ جاساۋ ماجىلىسىنە قاتىناستى ءارى ءسوز سويلەدى. ءماجىلىس باس شۋجي شي جينپيڭنىڭ شارلاۋ قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، 2021 - جىلعى ءتۇيىندى قىزمەتتەردى حابارلاندىرىپ، 2022 - جىلعى شارلاۋ مىندەتىن ورنالاستىرىپ، ورتالىق پەن مەملەكەت ورگاندارىنداعى ءىشىنارا پارتيا ۇيىمدارىنا ورنالاستىرۋ جاساپ، مىنانى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ساياسي شارلاۋدى بەكەمدەپ، تەرەڭدەتىپ، شارلاۋدىڭ پارتيانىڭ وزىندىك توڭكەرىسىندەگى ماڭىزدى رولىن تولىق ساۋلەلەندىرىپ، پارتيانىڭ ءوز ماسەلەسىن بايقاۋ جانە شەشۋ قابىلەتىن ۇزدىكسىز جوعارىلاتىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك.

　　جاۋ لىجي بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى شارلاۋ قىزمەتىندە كورنەكتى ونىمدىلىككە قول جەتىپ، جاڭا تاجىريبەلەر توپتالدى. ىشكەرىلەي قورىتىندىلاپ، زاڭدىلىقتى يگەرىپ، جاڭا اماليات بارىسىندا سانالى تۇردە قولدانىپ، شارلاۋدىڭ باقىلاۋ ساپاسىن ۇزدىكسىز جوعارىلاتىپ، شارلاۋدىڭ وتكىر قانجارىنىڭ شاڭ باسىپ جاتپاۋىنا، سەس كورسەتۋ رولىنىڭ ۇنەمى ساۋلەلەندىرىلۋىنە مۇمكىندىك جاساۋ كەرەك. ساياسي شارلاۋ ورنىندا تاباندى بولىپ، «ەكىنى قورعاۋ» جاعىنداعى ساياسي باقىلاۋدى كۇش سالا نىعايتىپ، «مەملەكەتتىڭ ءىرى ىستەرىن» ارقاۋ ەتىپ، باقىلاۋ، قامتاماسىز ەتۋ، كەمەلدەندىرۋ، دامىتۋ رولىن ساۋلەلەندىرۋ؛ شارلاۋ قىزمەتى باعىتىندا تاباندى بولىپ، ماسەلەنى بايقاۋعا جانە شەشۋدى ىلگەرىلەتۋگە كۇش سالىپ، ءىرىپ - شىرۋگە باتىلدىق ەتە الماۋدى، ءىرىپ - ءشىرۋدى ويعا الماۋدى ءتىپتى دە ءونىمدى تۇردە ءبىر تۇلعادا ىلگەرىلەتىپ، باقىلاۋ، رەتتەۋ - تۇزەتۋ، جونگە سالۋدىڭ تاماشا اينالىمىن قالىپتاستىرۋ؛ حالىقتى وزەك ەتۋدە تاباندى بولىپ، شارلاۋ، باقىلاۋ، جەتەكشىلىك ەتۋ، بۇقارامەن بايلانىس جاساۋ دانەكەرلىك فۋنكتسياسىن كۇش سالا نىعايتىپ، بۇقارانىڭ ماڭايىنداعى شىرىكتەسۋ ماسەلەسى مەن بۇرىس ستيلدەردىڭ شەشىلۋىن جەبەۋ؛ جۇيەلى جوسپارلاۋدا، جۇيەلى ىلگەرىلەتۋدە تاباندى بولىپ، شارلاۋدا، شارلاپ تەكسەرۋدە جوعارى مەن تومەن بىرلەسىپ قيمىلدايتىن، ءتۇرلى باقىلاۋ تۇتاسقان، توعىسقان قىزمەت جاعدايىن كۇش سالا تەرەڭدەتىپ، جالپىلىق باقىلاۋ ونىمدىلىگىن كۇشەيتۋ؛ ەرەجە، ءتارتىپ، زاڭ بويىنشا شارلاۋ جۇرگىزۋدە تاباندى بولىپ، ارناعا ءتۇسىرۋ، زاڭمەن جونگە سالۋ، جۇيەلىلەندىرۋ دەڭگەيىن كۇش سالا جوعارىلاتۋ كەرەك. شارلاۋدى، رەتتەۋ - تۇزەتۋدى جانە جەتىستىكتەردى قولدانۋدى كۇشەيتۋ جونىندەگى پىكىردى مۇقيات تياناقتاندىرىپ، رەتتەۋ - تۇزەتۋدىڭ تۇلعالىق جاۋاپكەرلىگى مەن باقىلاۋ جاۋاپكەرلىگىن ناقتىلاندىرىپ، شارلاۋدىڭ سوڭعى جارىم مىندەتى تىڭعىلىقتى ورىنداۋ كەرەك.

　　جاۋ لىجي مىنالاردى دارىپتەدى: ورتالىقتىڭ 9 - كەزەكتى شارلاۋ قىزمەتىن تاباندىلىقپەن، ورنىقتى ىستەپ، پارتيا 19 - كەزەكتى ورتالىق كوميتەتىنىڭ شارلاۋ قىزمەتىندە جاپپاي قامتۋ مىندەتىن جوعارى ساپامەن ورىنداۋ كەرەك. ساياسي ولشەم، ساياسي تالاپ بويىنشا ماسەلەلەردى جانە پارىقتاردى تاۋىپ، ورتالىق پەن مەملەكەت ورگاندارىن ساياسي قۇرىلىستى باستاماشىلدىقپەن كۇشەيتۋگە قۋزاپ، «ءتورت تانىمدى» باستاماشىلدىقپەن كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، قىزمەت جاۋاپكەرلىگىن، بورىشىن باستاماشىلدىقپەن اتقارۋ كەرەك. نازاردى فۋنكتسيالىق جاۋاپكەرلىككە شوعىرلاندىرىپ، شارلاۋ جۇرگىزىلگەن ورىنداردىڭ ءىس جۇزىندىك جاعدايىمەن جانە ەرەكشەلىگىمەن ۇشتاستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋى، جاڭا داۋىردەگى پارتيانىڭ ۇيىمدىق لۋشيانى جانە شارلاۋ، رەتتەۋ - تۇزەتۋ سياقتى جاقتاردا ورىن تەپكەن كورنەكتى ماسەلەلەردى ىشكەرىلەي بايقاۋ جانە شەشۋ كەرەك. ۇيىمدىق باسشىلىقتى جانە ءبىر تۇتاس سايكەستىرۋدى كۇشەيتىپ، قازىرگى باقىلاۋ جەتىستىكتەرىنەن جانە قاتىستى كاسىپتىك كۇشتەردەن ويداعىداي پايدالانىپ، شارلاۋ جۇرگىزىلگەن پارتيا ۇيىمىنا سۇيەنىپ قىزمەت ورىستەتۋ كەرەك. شارلاۋ گرۋپپاسى ساياسي قۇرىلىستى كورنەكتىلەندىرىپ، قابىلەت قۇرىلىسىن كۇشەيتىپ، شارلاۋشى كادرلاردى پارتيالىلىقپەن جۇمىس ىستەپ، شىندىقتى ءىس جۇزىنەن ىزدەۋگە، «ۇشتە قاتاڭ، ۇشتە شىنايى بولۋعا»، جاقىن، سەنىمدى، قۇرمەتتى بولۋعا تاربيەلەۋ، جەتەكتەۋ كەرەك.

　　ج ك پ ورتالىق كوميتەتى ساياسي بيۋروسىنىڭ مۇشەسى، ورتالىقتىڭ شارلاۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى ياڭ شياۋدۋ ءماجىلىستى باسقاردى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىقتىڭ شارلاۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى چىن شي پارتيا 19 -كەزەكتى ورتالىق كوميتەتى 9 - كەزەكتى شارلاۋ گرۋپپاسىنىڭ باستىعىن ۇقىق بەرىپ مىندەتكە تاعايىنداۋ جانە مىندەت ٴبولىسى جونىندەگى قاراردى جاريالادى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved