نىسان قۇرىلىستارىنىڭ ساپاسىن جوعارىلاتىپ، ونىمدىلىگىن ارتتىرۋدى بار كۇشپەن ىلگەرىلەتتى
شينجياڭ گازەتىنىڭ شولۋى
2022.03.23 16:29 كەلۋ قاينارى : شينجياڭ گازەتى
2022 - جىلعى ءبىرىنشى ماۋسىمداعى اۆتونوميالى رايوننىڭ كەلەلى نىساندارىنىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتى جانە بۇكىل رايوننىڭ كەلەلى نىساندارىن ورنالاستىرۋ ءماجىلىسى وتكىزىلىپ، كوكتەمدە ەكپىندەي ىلگەرىلەۋدىڭ دابىلى قاعىلىپ، شينجياڭ جوعارى ساپالى دامۋدى ىلگەرىلەتۋدىڭ كۇشتى سيگنالىن تاراتتى. كوكتەمنىڭ قىمباتتى ۋاقىتى ءبىزدى كۇتىپ تۇرمايدى، نىسان ءبىزدى كۇتىپ تۇرمايدى، تۇتاس رايون جوعارىدان تومەنگە دەيىن ۋاقىتتى قولدان بەرمەي، شىنايى يگەرىپ، ناقتى ىستەپ، نىسان قۇرىلىستارىنىڭ ساپاسىن جوعارىلاتىپ، ونىمدىلىگىن ارتتىرۋدى بار كۇشپەن ىلگەرىلەتىپ، كەلەلى نىسانداردى ناقتى تياناقتاندىرىپ، ناقتى ونىمدىلىگىن ساۋلەلەندىرىپ، تۇتاس رايوننىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋگە كۇش - قۋات توپتادى.
كەلەلى نىساندار − جوعارى ساپالى دامۋدى ىلگەرىلەتۋدىڭ ماڭىزدى دانەكەرى جانە قۋاتتى قوزعالتقىشى. نىساندى يگەرۋ دەگەنىمىز دامۋدى يگەرۋ، نىساندى جوسپارلاۋ دەگەنىمىز بولاشاقتى جوسپارلاۋ. نىسان قۇرىلىستارىنىڭ ساپاسىن جوعارىلاتىپ، ونىمدىلىگىن ارتتىرۋدى بار كۇشپەن ىلگەرىلەتىپ، كەلەلى نىسانداردىڭ جالپىلىق ونىمدىلىگىن تولىق ساۋلەلەندىرۋ − كاسىپ سالاسىنىڭ دامۋىنداعى ولقىلىقتاردى، ءالسىز تۇستاردى تولىقتاپ، ەكونوميكانىڭ دامۋ سەرپىمدىلىگىن كۇشەيتۋدە، ءسوزسىز، باسىپ وتەتىن جول. وسى رەتكى جۇمىستى شوعىرلى قالپىنا كەلتىرگەن جانە جۇمىس باستاعان ءىرى نىساندارعا كوز جىبەرسەك، دامۋدىڭ نەگىزىن بەكەمدەيتىن قۇرىلعى قۇرىلىستار بار، كاسىپ سالاسى قۇرىلىمىنىڭ دارەجەسىن ءوسىرۋدى ىلگەرىلەتەتىن ونەركاسىپ باستاماشىلارى بار، ەسىكتى ايقارا اشۋدى كوزدەگەن سىرتقا باعىتتالعان كاسىپ سالاسى بار، نازاردى جۇمىستانۋعا، شارۋاشىلىق قۇرۋعا شوعىرلاندىرعان حالىق تۇرمىسى ينجەنەرياسى بار. وسى كەلەلى نىساندار رايونىمىزدىڭ بايلىق باسىمدىعىن جانە ءوڭىر باسىمدىعىن تياناق ەتكەن، قارجى قوسۋعا باۋراۋ قۋاتى كۇشتى، كاسىپ سالاسىن باستاۋ قۋاتى كۇشتى، دامۋ جالپى جاعدايىنا سايادى، ءسوز جوق، جوعارى ساپامەن ىلگەرىلەتكەندە عانا، شينجياڭنىڭ دامۋ كومەسكى كۇشىن تولىق اشىپ، دامۋدىڭ قوزعاۋشى قۋاتىن جەتىلدىرىپ، ءار ۇلت بۇقاراسىن جومىستانۋعا ءونىمدى باستاپ، حالىق تۇرمىسىنىڭ ىرىس - قۇتىن ۇزدىكسىز ارتتىرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن بەرىك زاتتىق نەگىز قالاۋعا بولادى.
دامۋدى ماڭىزدى ورىنعا قويدى، ناقتى ىستەۋدى الدىڭعى ورىنعا قويدى. ناقتى ىستەگەندە عانا كەلەلى نىسان قۇرىلىسىندا ناقتى ونىمدىلىككە قول جەتكىزگە بولادى، ايتپەسە قۇر سوزگە اينالىپ قالادى. كەلەلى نىسان قۇرىلىسىن ۇيىمداستىرىپ، ويداعىداي اتقارىپ، كەلەلى نىسانداردىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋدە تۇتاس رايونداعى جەر - جەر، تاراۋلار فاكتورمەن قامتاماسىز ەتۋدى بار كۇشپەن كۇشەيتۋ كەرەك. ”قارجى، فاكتوردىڭ نىسانعا ىلەسە جۇرۋىنە“ تاباندى بولىپ، ۇكىمەتتىڭ، بانكەنىڭ، كاسىپورىننىڭ قارجى قۇراۋدى ۇشتاستىرۋىن كۇشەيتىپ، ءتۇرلى قازىنالىق قارجىنى ءبىر تۇتاس جوسپارلاپ، ويداعىداي پايدالانىپ، قوعامدىق كاپيتالدى قوسۋعا بەلسەنە شابىتتاندىرۋ، جەتەكتەۋ كەرەك؛ جەردەن پايدالانۋ، ەنەرگيادان پايدالانۋ، جۇمىسشى ىستەتۋ، ماتەريال پايدالانۋ جانە قالا ىستەرى سايكەستى قۇرىلعىلارى سياقتى نىسان قۇرىلىسى فاكتور قاجەتىن الدىمەن قامتاماسىز ەتىپ، قارجى قوسۋ نىساندارىنىڭ زاڭعا، ەرەجەگە ساي جەدەل تياناقتانۋىن قامتاماسىز ەتۋ، ءساتتى ىلگەرىلەتۋ كەرەك.
قىزمەت وتەۋ ونىمدىلىگىن ۇزدىكسىز جوعارىلاتۋ كەرەك. جەر - جەر، تاراۋلار كەلەلى نىسانداردىڭ ەكونوميكالىق، قوعامدىق دامۋدىڭ جان تامىرى ەكەنىن تولىق تانىپ جەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز تۇلعالاۋعا كۇش سالىپ، ”باسقارۋ، ۇقىقتى تومەنگە بەرۋ، قىزمەت وتەۋ“ رەفورماسىن تەرەڭدەتىپ، نىسان قۇرىلىسى ءۇشىن پارمەندى تىرەك ازىرلەۋ كەرەك. نىسان قۇرىلىسىن فاكتورمەن قامتاماسىز ەتۋگە قىزمەت وتەۋدى ساپالىلاندىرىپ، نىسان قۇرىلىسى مەن ساياسات جۇيەسىنىڭ سايكەستى ۇشتاسۋىن جەبەۋ كەرەك؛ ماسەلەنى باعدار ەتۋدەن جازباي، نىسان قۇرىلىسىنىڭ ءتۇرلى بۋىندارىنىڭ ىلگەرىلەۋ جاعدايىنا ۇزدىكسىز ىلەسىپ، نىسانداردى ىلگەرىلەتۋ بارىسىنداعى قيىن، كەسىرلى، بوگەتتى تۇيىندەردى بەلسەندى تۇردە اداقتاپ تەكسەرىپ جانە ءبىر جاقتى ەتىپ، زاڭ بويىنشا قاراپايىم، جوعارى ءونىمدى بولۋ پرينسيبى بويىنشا كەلەلى نىساندارعا تۇتاس تىرشىلىك پەريودىندا ويداعىداي قىزمەت وتەۋ جانە باسقارۋ كەرەك.
ءبىر تۇتاس جوسپارلاپ سايكەستىرۋدى شىنايى كۇشەيتۋ كەرەك. جەر - جەر، تاراۋلار ”ءبىر تۇتاس جۇيە“ يدەياسىن بەرىك ورناتىپ، نىسان قۇرىلىسىن ىلگەرىلەتۋدىڭ بىرىككەن كۇشىن قالىپتاستىرۋ كەرەك. نەگىزگى باسشىلار بەلسەندى ىسكەرلىك كورسەتىپ، الدا ءجۇرىپ قىزمەت وتەپ، تۇتاس بارىسقا ىلەسۋ كەرەك؛ قاتىستى تاراۋلار ءتۇيىندى مىندەت جانە شەشۋشى بۋىندارمەن تىعىز بايلانىستىرىپ، ءوز مىندەتتەرىن وتەپ، كۇش سالا سەلبەسۋ كەرەك؛ نىسان يەلەرى مەن جۇمىس جۇرگىزۋشى كاسىپورىندار تۇلعالىق جاۋاپكەرشىلىكتى ناقتىلاندىرىپ، دەن قويا ۇيىمداستىرىپ قۇرىلىس جۇرگىزىپ، عىلمي باسقارۋدى كۇشەيتىپ، ءوندىرىس حاۋىپسىزدىگىن قامتاماسىز ەتىپ، ەڭبەك ونىمدىلىگىن جوعارىلاتىپ، نىساندى ويداعىداي سالۋعا، ويداعىداي پايدالانۋعا، ەڭ ۇلكەن ونىمدىلىگىن ساۋلەلەندىرۋگە شىنايى كەپىلدىك ەتۋ كەرەك.
دامۋدى ىلگەرىلەتۋدىڭ كوكتەم سامالى ەستى، جەر - جەر، تاراۋلار نىسان قۇرىلىسىنىڭ ورايلى مەزگىلىن، التىن مەزگىلىن، شەشۋشى مەزگىلىن ويداعىداي يگەرىپ، اناعۇرلىم بيىك تۇرعىداعى جاعدايمەن نىساندى جوسپارلاپ، اناعۇرلىم تىڭعىلىقتى ستيلمەن نىساندى يگەرىپ، اناعۇرلىم پارمەندى شارامەن نىساندى سالىپ، نىسان قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى بار كۇشپەن ىلگەرىلەتىپ، باستاماشى كەلەلى نىسانداردى كورنەكتىلەندىرىپ، جەتەكتەۋ جانە باستاماشى بولۋ رولىن ساۋلەلەندىرىپ، شينجياڭنىڭ جوعارى ساپالى دامۋىن جۇزەگە اسىرۋعا تىڭ ۇلەس قوسۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
