ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى، ورتالىق اسكەري ىستەر كوميتەتى كەڭسەسى «جاڭا داۋىردەگى قۇربانداردى ماداقتاۋ قىزمەتىن كۇشەيتۋ جونىندەگى پىكىردى» باسىپ تاراتتى
2022.03.23 15:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 22 - كۇنى، بەيجيڭ. باس شۋجي شي جينپيڭنىڭ قۇربانداردى ماداقتاۋ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى قۇربانداردى ماداقتاۋ قىزمەتىندە جاڭالىق اشا دامۋدى ىلگەرىلەتۋ ءۇشىن، ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى، ورتالىق اسكەري ىستەر كوميتەتى كەڭسەسى جۋىقتا «جاڭا داۋىردەگى قۇربانداردى ماداقتاۋ قىزمەتىن كۇشەيتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» بىلاي دەپ اتاپ كورسەتىلدى: قاھارمان قۇرباندار − ۇلتتىڭ تىرەگى، ءداۋىردىڭ اتويشىسى، قاھارمان قۇربانداردىڭ ىزگى ىستەرى مەن رۋحى − جۇڭحۋا ۇلتىنىڭ ورتاق تاريحي ەستەمەسى جانە باعالى رۋحاني بايلىعى، بۇكىل پارتيانى، بۇكىل ەلدەگى ءار ۇلت حالقىن قاجىماي - تالماي كۇرەس جۇرگىزۋگە ىنتالاندىراتىن كۇش قاينارى. ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋىنا ىلەسە، قاھارمان قۇربانداردىڭ رۋحىن ساۋلەلەندىرىپ، قىزىل قان تامىردى جالعاستىرىپ، قىزىل بيلىكتى ۇرپاقتان - ۇرپاققا جالعاۋ ءداۋىردىڭ قۇربانداردى ماداقتاۋ قىزمەتىنىڭ ماڭىزدى بورىش - مىندەتىنە اينالدى.
«پىكىردە» بىلاي دەپ دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيا مەن مەملەكەت ىستەرىنىڭ دامۋىنداعى قۇربانداردى ماداقتاۋ قىزمەتىنىڭ جاڭا تالاپتارىن دۇرىس يگەرىپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى جانە ارميا قۇرىلىسىنا قىزمەت وتەۋ باعىتىندا تاباندى بولىپ، قۇربانداردى ماداقتاۋ قىزمەتىنىڭ جاڭالىق اشا دامۋىنا تۇساۋ بولاتىن قايشىلىقتار مەن ماسەلەلەردى شەشىپ، قاھارمان قۇربانداردىڭ ىزگى ىستەرى مەن رۋحىن بار كۇشپەن ۇگىتتەپ جانە ساۋلەلەندىرىپ، توڭكەرىستىك داستۇرگە مۇراگەرلىك ەتىپ، قىزىل گەندى جالعاستىرىپ، قاھارمان قۇربانداردى قاستەرلەيتىن، قاھارمان قۇربانداردى ساعىنا ەسكە الاتىن، قاھارمان قۇربانداردان ۇيرەنەتىن، قاھارمان قۇربانداردى قورعايتىن، قۇربانداردىڭ وتباسى مۇشەلەرىن ايالايتىن قويۋ راي قالىپتاستىرۋ كەرەك.
«پىكىردە» بىلاي دەپ ايقىن بەلگىلەندى: قۇربانداردى ماداقتاۋ ساياساتى مەن زاڭ-ەرەجەلەرىن كەمەلدەندىرىپ، ولاردىڭ وتباسى مۇشەلەرىنە ادامگەرشىلىك تۇرعىدان قامقورلىق جاساۋدى جانە رۋحاني جاقتان جۇباتۋدى كۇشەيتىپ، قۇربانداردىڭ وتباسى مۇشەلەرىن تۇرمىستىق جاقتان قامتاماسىزداندىرۋ، قۇتقارۋ، كومەكتەسۋ، سۇيەمەلدەۋ بارىسىنداعى ٴىس جۇزىندىك ماسەلەلەردى كورنەكتى تۇردە شەشۋ؛ قۇربانداردىڭ وتباسى مۇشەلەرىنىڭ تۇرعىن ٴۇي، زەينەتكەرلىك، ەمدەلۋ، جۇمىستانۋ، وقۋ-اعارتۋ، ٴادىليالىق قىزمەت وتەۋ سياقتىلاردان يگىلىكتەنۋىنە ارناۋلى قامقورلىق جاساۋ مازمۇنىن مولايتىپ، قۇربانداردىڭ وتباسى مۇشەلەرىنىڭ جۇمىستانۋ ارناسىن كەڭەيتىپ، ولاردىڭ جۇمىستانۋىن، شارۋاشىلىق قۇرۋىن ساياساتتىق جاقتان سۇيەمەلدەۋدى كۇشەيتۋ؛ قوعامدىق كۇشتەردى قاھارمانداردىڭ وتباسى مۇشەلەرىنە جاناشىر بولۋعا، جاقسىلىق ىستەۋگە شابىتتاندىرۋ جانە قولداۋ كورسەتۋ كەرەك.
«پىكىردە» مىنالار العا قويىلدى: قۇربانداردى ەسكە ءتۇسىرۋ قۇرىلعى جوباسى قۇرىلىسىن ءبىر تۇتاس جوسپارلاپ، قۇربانداردى ەسكە ءتۇسىرۋ قۇرىلعىلارىنىڭ ساپاسىن جوعارىلاتۋدى، وزگەرتۋدى كۇشەيتىپ، وقۋ - اعارتۋ فۋنكتسياسىن كۇشەيتىپ، قۇربانداردى ەسكە ءتۇسىرۋ قۇرىلعىلارىنا جۇكتەلگەن قاھارمان قۇربانداردىڭ ىزگى ىستەرى مەن رۋحىن اشۋعا باسا ءمان بەرىپ، قاھارمان قۇربانداردى ماداقتاۋ، ۇرپاقتاردى تاربيەلەۋ سىندى قىزىل بازالىق رولىن تولىق ساۋلەلەندىرۋ؛ قۇربانداردى ەسكە ءتۇسىرۋ قۇرىلعىلارىن قورعاۋ، باسقارۋ ءتۇزىمىن كەمەلدەندىرىپ، قورعاۋ، باسقارۋ جاۋاپكەرلىگىن ايقىنداپ، ءبىر تۇتاس سالالار بويىنشا باسقارۋدى ورنىقتى، ءتارتىپتى ىلگەرىلەتۋ؛ ينفورماتسيا تەحنيكاسى ءتاسىلىنىڭ قۇربانداردى ەسكە ءتۇسىرۋ قۇرىلعىلارىن باسقارۋ، قورعاۋ، قۇرباندارعا ازا ءبىلدىرۋ، قابىر سىپىرۋ سياقتى قىزمەتتەردە قولدانىلۋىن تەرەڭدەتىپ، قۇربانداردى ەسكە ءتۇسىرۋ قۇرىلعىلارىن باسقارۋ ونىمدىلىگىن جوعارىلاتۋ كەرەك.
«پىكىردە» مىنالار بەلگىلەندى: قاھارمان قۇربانداردىڭ ىزگى ىستەرى مەن رۋحىن ۇگىتتەۋدى، ساۋلەلەندىرۋدى سوتسياليستىك رۋحاني وركەنيەت قۇرىلىسىنىڭ ماڭىزدى مازمۇنى ەتىپ، بۇكىل قوعامدا قاھارمان قۇربانداردى قاستەرلەۋ، قاھارمان قۇربانداردى ساعىنا ەسكە الۋ، قاھارمان قۇربانداردان ۇيرەنۋ، قاھارمان قۇربانداردى قورعاۋ ۇگىت - تاربيە قيمىلىن ىشكەرىلەي ورىستەتىپ، مەرزىم بويىنشا جاستار مەن ورەندەردى قۇربانداردى ەسكە ءتۇسىرۋ قۇرىلعىلارىن ەكسكۋرسيالاۋعا ۇيىمداستىرۋ؛ قاھارمان قۇربانداردىڭ رۋحىن ساۋلەلەندىرەتىن تاڭداۋلى ادەبيەت - كوركەمونەر تۋىندىلارىن بەلسەنە جاراتىپ، تۋدى ايقىن ۇستاي وتىرىپ نيگيليزمگە (تاريحي تەرىستەۋشىلىك) سياقتى قاتە يدەيالارعا قارسى تۇرۋ قارسى تۇرۋ جانە ونى تەجەۋ؛ قاھارماندار سارا تۋىندىلار كورمەسىن اشىپ، قىزىل مادەنيەتتى جاندى تاراتىپ، جاڭا اقپارات قۇرالدارى، جاڭا تەحنيكا جانە حالىق بۇقاراسى ۇناتاتىن فورمالاردان پايدالانىپ، پارتيا حيكاياسىن، توڭكەرىس حيكاياسىن، قاھارمان قۇربانداردىڭ حيكاياسىن جاقسى ايتۋ؛ بۇقارالىق ەسكە ءتۇسىرۋ فورماسىندا جاڭالىق جاراتىپ، قوعامنىڭ ءار سالاسىن تاساتتىق بەرۋگە، ەسكە الۋعا سانالىلىقپەن قاتىناسۋعا باۋراۋ؛ ءىز - توزسىز كەتكەن قۇربانداردىڭ سۇيەگىن ىزدەۋ، قورعاۋ جانە سۇيەگى تابىلعان قۇربانداردىڭ تۋىستارىن ىزدەۋ قىزمەتىن ۇزدىكسىز جاقسى ىستەپ، قاھارمان قۇربانداردى قورعاۋ قىزمەتىنىڭ ىقپالداستىق، سايكەستىرۋ، رەتتەۋ ءتۇزىمىن ورناتۋ جانە كەمەلدەندىرىپ، قاھارمان قۇربانداردىڭ ىزگى ىستەرى مەن رۋحىن بۇرمالاۋ، جيرەنىشتى ەتىپ كورسەتۋ، قارالاۋ، تەرىستەۋ جايتتەرىنە زاڭ بويىنشا باتىل سوققى بەرۋ كەرەك.
«پىكىردە مىناۋ تالاپ ەتىلدى: ءار دارەجەلى پارتكومدار مەن ۇكىمەتتەر قۇربانداردى ماداقتاۋ قىزمەتىنە ۇيىمدىق باسشىلىقتى جانە ءبىر تۇتاس سايكەستىرۋدى شىنايى كۇشەيتىپ، قىزمەتتە ورىن تەۋىپ وتىرعان قيىنشىلىقتار مەن ماسەلەلەردى مەرزىم بويىنشا اقىلداسىپ شەشۋى؛ قوعامدىق كۇشتەردى قۇربانداردى ماداقتاۋ قىزمەتىنە بەلسەنە ات سالىسۋعا شابىتتاندىرىپ، قولداۋ كورسەتىپ، جەتەكشىلىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
