قۇتقارۋ كۇشتەرى ناق مايدانعا باردى، ىزدەۋ، قۇتقارۋ قىزمەتى جاپپاي ورىستەتىلدى
حالىقتىق اۆياتسيا مەكەمەسى شۇعىل جاعدايعا توتەپ بەرۋ مەحانيزمىن ىسكە قوسىپ، قىزمەت گرۋپپاسىن ناق مايداندا قۇتقارۋعا، سوڭعى جۇمىستاردى ىڭعايلاۋعا جىبەردى؛ گۋاڭشيدىڭ ءتۇرلى ىزدەۋ - قۇتقارۋ قىزمەتى تارتىپپەن جۇرگىزىلۋدە؛ گۋاڭدۇڭنىڭ ءار جاقتاعى قۇتقارۋ كۇشتەرى شۇعىل كومەك بەردى؛ شىعىس اۆياتسيا سەرىكتەستىگى ارناۋلى قىزمەت گرۋپپاسىن قۇردى
2022.03.22 17:08 كەلۋ قاينارى : حالىق تورابى
3 - ايدىڭ 21 - كۇنى شىعىس اۆياتسيا سەرىكتەستىگىنىڭ MU5735 كەزەكشى ۇشاعى كۇنميڭ - گۋاڭجوۋ ارالىعىندا ۇشۋ مىندەتىن اتقارىپ جاتقان كەزدە گۋاڭشيدىڭ ۋجوۋ قالاسىنىڭ اۋە كەڭىستىگىندە بايلانىستان ءۇزىلدى ءارى قۇلادى. ۇشاقتا 123 جولاۋشى، 9 ۇشاق قىزمەتكەرى، جالپى 132 ادام بار بولاتىن.
حالىقتىق اۆياتسيا مەكەمەسى شۇعىل جاعدايعا توتەپ بەرۋ مەحانيزمىن ىسكە قوسىپ، دەرەۋ قىزمەت گرۋپپاسىن ناق مايدانعا جىبەردى، قىزمەت گرۋپپاسى 3 - ايدىڭ 21 - كۇنى كەشتە ۋجوۋعا جەتتى ءارى جەدەل قىزمەت ورىستەتىپ، جەرگىلىكتى ورىننىڭ ناق مايداندا قۇتقارىپ، سوڭعى جۇمىستاردى ءبىر جاقتى ەتۋىنە جەتەكشىلىك ەتتى. سونىمەن بىرگە، شۇعىل ۇقتىرۋ شىعارىپ، حالىقتىق اۆياتسيا سالاسىنداعى حاۋىپسىزدىك كومەسكى قاتەرىن تەكسەرۋدى شىنايى كۇشەيتىپ، حاۋىپسىزدىكتى باقىلاۋ - باسقارۋ شارالارىن تياناقتاندىرۋدى تالاپ ەتتى.
ۇشاق قۇلاعان ورىن گۋاڭشيدىڭ ۋجوۋ قالاسى تىڭشيان اۋدانى لاڭنان قالاشىعى مولاڭ قىستاعىندا. گۋاڭشي جۋاڭزۋ اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى 1 - دارەجەلى شۇعىل جاعدايعا توتەپ بەرۋ ۇندەۋىن ىسكە قوستى، قالا، اۋدانداردىڭ قۇتقارۋ كۇشتەرى شىرعالاڭ تۋىلعان ناق مايدانعا جەتتى، ناق مايداندا ءورت ءوشىرىلىپ، ىزدەۋ - قۇتقارۋ قىزمەتى تارتىپپەن جۇرگىزىلۋدە.
گۋاڭشيدىڭ ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتى شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ناق مايدانعا بارىپ، جيىنى 162 ءورت ءسوندىرۋ، ورتتەن ساقتانۋ اۆتوموبيلىن، 761 ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرىن جىبەردى. سونىمەن بىرگە، ازىق - تۇلىكتى قامتاماسىزداندىرۋ اۆتوموبيلى، جارىقتاندىرۋ اۆتوموبيلى، ماي قۇيۋ اۆتوموبيلى، جابدىقتاردى شۇعىل جوندەۋ اۆتوموبيلى، سۋ تازارتۋ اۆتوموبيلى، جەر بەدەرىن تاڭدامايتىن تاسىمالداۋ اۆتوموبيلى سياقتى 33 ءتۇرلى قامتاماسىزداندىرۋ اۆتوموبيلىن شىعارىپ، شاتىر، شاعۋ قۇرال - جابدىقتارى گرۋپپاسى، جارىقتاندىرۋ شىراعى، تۇرمىس جانە اۋرۋدان ساقتانۋ سياقتى ءتۇرلى زاتتىق قامتاماسىزداندىرۋ، قۇتقارۋ قىزمەتىن ورىستەتتى.
وڭتۇستىك سوعىس رايونى شۇعىل جاعدايعا توتەپ بەرۋ مەحانيزمىن ىسكە قوستى، ۋجوۋ بولىمشە اسكەري رايونى، قارۋلى ساقشى ۋجوۋ تارماق اترەتى دەرەۋ قۇتقارۋ كۇشتەرىن ۇيىمداستىرىپ، شىرعالاڭ تۋىلعان ناق مايدانعا بارىپ قۇتقارۋ جۇرگىزدى. قۇرلىق ارمياسىنىڭ بەلگىلى قۇرلىق اۆياتسيا لۇيى، بەلگىلى قۇراما لۇيى، بەلگىلى اۋەدە تۇتقيىل شابۋىلداۋ لۇيى، اۋە ارمياسىنىڭ بەلگىلى تاسىمال لۇيى، قارۋلى ساقشىنىڭ ۋاقيعا تۋىلعان جەردىڭ توڭىرەگىندەگى كۇشتەرى جەدەل دايىندالىپ، كومەك بەرۋگە قاي - قاشان دا دايىن تۇردى.
ءتىلشىنىڭ گۋاڭشي جۋاڭزۋ اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىنشا، قازىر اۆتونوميالى رايوندىق دەنساۋلىق ساقتاۋ، سالاماتتىق كوميتەتى سالماقتى ناۋقاس، كۇيىك، سۇيەك سىرتقى اۋرۋلار ءبولىمى، جاراقات سياقتى بولىمدەردەن 12 ماماندى تىڭشيان اۋدانىنا بارىپ مەديتسينالىق قۇتقارۋ قىزمەتىن ورىستەتۋگە ۇيىمداستىرعان. ۋجوۋ قالالىق دەنساۋلىق ساقتاۋ، سالاماتتىق كوميتەتى 80 نەشە ەمدەۋ قىزمەتكەرىن، 36 قۇتقارۋ اۆتوموبيلىن ناق مايدانعا جىبەرىپ، ناق مايداندا قۇتقارۋ ءتۇيىنىن قۇرىپ، 1 ـ، 2 - لەنياداعى ەمدەۋ شيپاحانالارىن ورنالاستىرىپ، تەز قارقىندى جول اشقان ءارى قان جانە ءتۇرلى قۇتقارۋ بۇيىمدارى مەن جابدىقتارىن دايىنداعان. گۋاڭشيدىڭ جەر - جەرىندەگى تۇڭعىش توپتاعى پسيحولوگيا ماماندارىنان 50 نەشە ادام ارت - ارتىنان ناق مايدانعا بارعان.
گۋاڭدۇڭ ولكەلىك ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتى 5 تارماق اترەتتى، 97 اۆتوموبيلدى، 505 ادامدى ناق مايدانعا كومەككە جىبەردى. يۇنفۋ قالالىق ءورت ءسوندىرۋ، ورتتەن ساقتانۋ قۇتقارۋ - كومەكتەسۋ بولىمشە اترەتى گۋاڭدۇڭ ولكەلىك ءورت ءسوندىرۋ، ورتتەن ساقتانۋ قۇتقارۋ - كومەكتەسۋ باس اترەتىنىڭ ءبىرىنشى توپتاعى قۇتقارۋ - كومەكتەسۋ كۇشى رەتىندە مولاڭ قىستاعىنا جەتتى. گۋاڭدۇڭنىڭ باسقا دا قۇتقارۋ كۇشتەرى ناق مايدانعا باردى.
شىعىس اۆياتسيا سەرىكتەستىگى شۇعىل جاعدايعا توتەپ بەرۋ مەحانيزمىن ىسكە قوسىپ، اۆياتسيا جابدىقتارىن ءبىر جاقتى ەتۋ، شىرعالاڭدى تەكسەرۋ، وتباسى مۇشەلەرىنە كومەكتەسۋ، ارتقى شەپ قامتاماسىزدىعى، زاڭدىق قولداۋ، الەۋمەتتىك قاتىناس، حاۋىپسىزدىكتى قورعاۋ، قازىنا قامسىزداندىرۋى، جولاۋشىلار مەن زاتتاردى ءبىر جاقتى ەتۋ سياقتى 9 ارناۋلى قىزمەت گرۋپپاسىن قۇردى ءارى ۋاقيعا تۋىلعان جەرگە دەرەۋ باردى. شىعىس اۆياتسيا سەرىكتەستىگى 4008495530 ءنومىرلى وتباسى مۇشەلەرىنە كومەكتەسىپ شۇعىل جاعدايعا توتەپ بەرۋ ارناۋلى لەنياسىن اشتى.
(«حالىق گازەتىنىڭ» تىلشىلەرى چيۋ چاۋ - ي، پاڭ گىپيڭ، جاڭ يۇنحى، لي زۇڭ، لي گاڭ، حۇڭ چيۋتيڭدەردىڭ جولداعان حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
