قورعاس تەمىر جول وتكەلى ىسكە قوسىلعانىنا 6 جىل بولدى
جۇڭگو – ەۆروپا كەزەكشى پويەزىنەن جيىنى 20 مىڭعا جۋىق پويەزدى قابىلدادى - جونەلتتى
2022.03.21 17:42 كەلۋ قاينارى : حالىق تورابى
شينجياڭ گازەتىنىڭ 3 – ايدىڭ 20 – كۇنى ۇرىمجىدەن بەرگەن حابارى. انار بۇلت \ شينجياڭ گازەتى ءتىلشىسى لۋ فىڭباۋدىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 2016 – جىلى 3 – ايدىڭ 19 – كۇنى تۇڭعىش كەزەكتى جۇڭگو – ەۆروپا كەزەكشى پويەزى قاتىناعاننان بەرى، بيىلعى 3 – ايدىڭ 19 – كۇنىنە دەيىن، قورعاس تەمىر جول وتكەلىنىڭ ىسكە قوسىلعانىنا 6 جىل بولدى، جۇڭگو – ەۆروپا كەزەكشى پويەزىنەن (ورتا ازيا كەزەكشى پويەزىن قامتيدى) جيىنى 19526 پويەزدى قابىلدادى - جونەلتتى.
6 جىلدان بەرى، جۇڭگو – ەۆروپا كەزەكشى پويەزى «ءبىر بەلدەۋ، ءبىر جول» قۇرىلىسىنا دەم بەرىپ، جاڭعاق، پاميدور قويمالجىڭى قاتارلى شينجياڭنىڭ ەرەكشەلىگىنە يە ونىمدەر مەن كۇندەلىكتى تۇرمىستىق ءتۇرلى بۇيىمدار، ماشينا جابدىقتارى قاتارلى زاتتاردى جول بويىنداعى ەلدەرگە جەتكىزىپ، قايتارىندا قىزىل اراق، چوكلاد قاتارلى تاۋارلاردى يمپورت ەتىپ، «ءبىر بەلدەۋ، ءبىر جول» بويىنداعى مەملەكەتتەر اراسىنداعى ەكونوميكا – ساۋدا بارىس – كەلىسىن پارمەندى ىلگەرىلەتتى.
كەزەكشى پويەزدىڭ تاسىمالداۋ ىستەرىن ۇيىمداستىرۋ قىزمەتىن ويداعىداي ىستەپ، وتكەلدىڭ تاسىمالداۋداعى كومەسكى قۋاتىن اشۋ ءۇشىن، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قورعاس بەكەتىنىڭ قىزمەت فورماسىن جاقسارتىپ - رەتتەپ، ارالىق تاسىمال قۋاتىن ويداعىداي تولىق پايدالانىپ، نەگىزدىك قۇرىلعىلاردىڭ دارەجەسىن جوعارىلاتۋدى ىلگەرىلەتتى. اتالعان بەكەت دالمە – ءدال سايكەستىرىپ، جەتەكشىلىك ەتىپ، كەزەكشى اۆتوموبيلدەرمەن تاسىمالداۋدى ۇيىمداستىرۋدى قاداعالاپ، اۆتوموبيلدەردىڭ اينالىمى مەن بوس قايتاتىن اۆتوموبيلدەردى پايدالانۋ قاتارلىلاردى جەدەلدەتىپ، اۆتوموبيلگە تيەۋ ونىمدىلىگىن جوعارىلاتىپ، يمپورت – ەكسپورت ەتۋ كەزەكشى پويەزدەرىنىڭ كۇندەلىكتى جولعا شىعۋ سانىن 18 پويەزدەن استام دەڭگەيدە ۇستادى.
قازىر، قورعاس تەمىر جول وتكەلى ارقىلى يمپورت – ەكسپورت ەتەتىن جۇڭگو – ەۆروپا كەزەكشى پويەزى لەنيالارىنىڭ سانى 29 عا جەتىپ، 18 مەملەكەتتەگى 45 قالا مەن رايونعا دەيىن ۇلاستى، تاسىمالدايتىن زاتتار كيىم – كەشەك، ءتۇرلى بۇيىمدار، ەلەكتروندى ونىمدەر، ماشينا زاپشاستارى قاتارلى 200 تۇرلىدەن اسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
