ۇيقىڭىز جايلى ما؟
2022.03.21 14:12 كەلۋ قاينارى : حالىق تورابى
بۇگىن «دۇنيە جۇزىلىك ۇيقى كۇنى»، ۇيقى جاقسى بولسا، دەنساۋلىققا پايدالى.
ادام ءومىرىنىڭ ۇشتەن ءبىرى ۇيقىمەن وتەدى. ساناققا قاراعاندا، ەلىمىزدە 300 ميلليونعا جۋىق ادامنىڭ ۇيقىسى جايلى ەمەس. ەرەسەكتەردە تۇرلىشە دەڭگەيدەگى ۇيقىسىزدىق مولشەرى %40 كە جۋىقتاعان.
ۇيقى — ءاربىر ادامنىڭ دەنساۋلىعىنىڭ تىرەگى، سونىمەن بىرگە، تىرشىلىكتىڭ، ورگانيزمدىك قاجەتى. كەشتە ۇيىقتاماسا، كۇندىز ۇيقى باسادى. ەندەشە، ءسىزدىڭ ۇيقىڭىز جايلى ما؟
ۇيقى ۇزاق ۋاقىت بويى جەتكىلىكتى بولماسا، فيزولوگيالىق، پسيحولوگيالىق اقاۋسىزدىققا زور ىقپال جەتكىزەدى. ۇيقىسىزدىقتان «قيىنشىلىق» كورەتىندەردىڭ كورنەكتى بەينەلەرى: ۇيىقتاسا دا سەرگي الماۋ، كوڭىل – كۇيى قوبالجۋ نەمەسە تۇسىڭكى بولۋ، جوعارى قان قىسىمى اۋرۋىنا شالدىعۋ، جۇرەك قاعىسى رەتسىز بولۋ. مۇنداي جاعدايدا، جۇعىمدالۋ مەن ءتۇرلى اۋرۋلارعا شالدىعۋ ىقتيمالدىعى ارتادى. مۇنان سىرت، كۇندىز ماجاۋراپ جۇرەتىندىكتەن، شىرعالاڭعا ۇشىراۋ قاتەرى كوبەيەدى. ەندەشە، قانداي ۇيقىنى جايلى ۇيقى دەيمىز؟ ونىڭ مىناداي ەرەكشەلىكتەرى بولادى: تەز ۇيىقتاي الادى، ادەتتە 30 مينۋتتان اسپاي ۇيىقتاپ قالادى. وقۋعا ءتۇسۋ الدىنداعى بالالار 10 – 13 ساعات ۇيىقتاۋدى قاجەت ەتەدى. 6 – 17 جاستاعى بالالار، جاستار مەن وسپىرىمدەر 7 – 10 ساعات ۇيىقتاۋدى قاجەت ەتەدى. 18 جاستان اسقان ەرەسەكتەر 6 – 9 ساعات ۇيىقتاسا قالىپتى ەسەپتەلەدى. 60 جاستان اسقانداردىڭ ۇيقتاۋ ۋاقىتى جاس شاماسىنىڭ ارتۋىنا بايلانىستى ازايادى.
ۇيقىنىڭ جاقسى بولعان – بولماعاندىقتىن پارىقتاۋدىڭ ەڭ قاراپايىم ءتاسىلى — تاڭەرتەڭ ەرتە ورنىنان تۇرعان كەزدە زەيىن قۋاتى تاسقىنداپ تۇرعان – تۇرماعاندىعىنا، قىزمەت پەن كۇندەلىكتى تۇرمىستاعى ەنەرگياسىنىڭ مول بولعان – بولماعاندىعىنا قاراۋ. ساناققا قاراعاندا، جاي ۇيىقتاۋ — جاستاردىڭ ۇيقىسىنىڭ ەڭ ۇلكەن «جاۋى». ىرىقتىلىقپەن جاي ۇيىقتايتىندار قولفونداعى ءتۇرلى جولدامالاردى كورۋگە قىزىعادى، تەلەسەريال كورەدى، ويىن وينايدى، باس قوسادى، اراق ىشەدى ت.ب. ىرىقسىز جاي ۇيىقتايتىنداردان رۋحاني جاقتاعى قىسىمنىڭ جوعارى بولۋى، كوڭىل – كۇيىندە تۇيتكىل بولۋ، ءدارى – دارمەكتى ۇيلەسىمسىز ءىشۋ، ورتانىڭ ۋ – شۋ بولۋى، شام جاعىپ ۇيىقتاۋ قاتارلى جايتتەر بايقالادى.
ۇيقىڭىز قاشسا بولدى ۇيقى ءدارىسىن ىشەسىز بە؟ كەيبىر سەبەپتەردەن ادامنىڭ نەرۆ جۇيەسىنىڭ قوزۋى ارتىپ، قىسقا ۋاقىتتىق ۇيقى قاشۋ جاعدايى تۋىلادى. بۇل پسيحولوگيالىق جاقتان شۇعىل جاعدايعا توتەپ بەرۋ بولىپ سانالادى. مۇنداي جاعدايدا ارنايى شارا قولدانۋدىڭ قاجەتى جوق، شۇعىل جاعدايدى تۋدىرعان ماسەلەنى شەشۋدى نەگىز ەتۋ كەرەك. ەگەر اپتاسىنا 3 رەتتەن ارتىق ۇيقى قاشىپ، ول ءبىر ايدان استام ۋاقىت جالعاسسا ءارى دەنساۋلىق جايسىزدانعان، كۇندىزگى ارەكەتىنە ىقپال ەتەتىن جاعداي بايقالسا، بۇعان بەلسەندى شارا قولدانۋىمىز، تەزىرەك كاسىپتىك شيپاگەردىڭ كەڭەسىن تىڭداۋىمىز قاجەت.
ۇيقى ساپاسىن قالاي جاقسارتۋىمىز كەرەك؟ بۇعان مامانداردىڭ كەرەمەت امالى بار: ۇيىقتاعان كەزدە تازالىققا ءمان بەرگەن ماڭىزدى، ۋاعىندا ۇيىقتاۋ جانە ورنىنان تۇرۋ ادەتىن قالىپتاستىرۋ قاجەت، ۇيىقتايتىن ورتانى جايلى ورنالاستىرۋ، جاتىن ءۇيدىڭ تەمپەراتۋراسى جايلى بولۋ، اۋا الماسۋى جاقسى بولۋ ءارى شامنىڭ جارىعى ءالسىز بولۋ، ادەتتە جۇيەلى شىنىعۋ كەرەك.
الايدا، ۇيىقتاۋعا 3 ساعات قالعان ۋاقىت ىشىندە جاتتىعۋ جاساماۋ، ۇيىقتاۋدىڭ الدىندا كوفەين، سپيرت قۇرامى بار ىشىمدىكتەردى ىشپەۋ، تەمەكى تارتپاۋ قاجەت. ۇيىقتار الدىندا جەڭىل، كوسىلىپ - سوزىلاتىن ارەكەتتەردى ىستەۋ، جەڭىل مۋزيكالاردى تىڭداۋ ءارى كىتاپ وقۋ ەڭ جاقسى تالعام. كۇندىز قىزمەتتى مۇقيات ىستەپ، كۇندەلىكتى تۇرمىستى ءتارتىپتى ورنالاستىرىپ، ۇيقىعا تاماشا كوڭىل – كۇيمەن باس قويۋ، ۇيىقتايتىن ۋاقىت جەتكىلىكتى بولۋ قاجەت. دەمالۋدى بىلگەندە عانا، تۇرمىستى اناعۇرلىم ويداعىداي وتكىزۋگە بولادى. بۇگىن كەشتە ۇيقىلارىڭىز جايلى بولسىن! (شينحۋا اگەنتتىگىنىڭ ۋيچاتى)
ءتىلشى: ۋاڭ رۇيپيڭ
عىلىمي كەڭەس بەرۋشى: گۋاڭدۇڭ ولكەلىك حالىق ەمحاناسىنىڭ ۇيقى ورتالىعى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
