قازىنا مينيسترلىگى جەتەكشى پىكىر باسىپ تاراتتى
اۋىل - قىستاقتى گۇلدەندىرۋ كومەك قاراجاتىنان ويداعىداي پايدالانىپ، ويداعىداي باسقارۋ كەرەك
2022.03.22 17:09 كەلۋ قاينارى : حالىق تورابى
«حالىق گازەتى»، 3 - ايدىڭ 21 - كۇنى، بەيجيڭ (ءتىلشى چۇي جىحان). جەر – جەردىڭ ورتالىق قازىناسىنىڭ اۋىل – قىستاقتى گۇلدەندىرۋدى جەبەۋدەگى قوسىمشا قاراجاتتان ويداعىداي پايدالانۋىنا قۋزاۋشىلىق ەتۋ جانە جەتەكشىلىك ەتۋ ءۇشىن، قازىنا مينيسترلىگى بىرنەشە كۇننىڭ الدىندا «ورتالىق قازىناسىمەن ۇشتاسۋدى كۇشەيتىپ، اۋىل – قىستاقتى گۇلدەندىرۋگە كومەك بەرۋ قارجىسىن پايدالانۋدى، باسقارۋدى ىلگەرىلەتۋ جونىندەگى جەتەكشى پىكىردى» (تومەندە قىسقاشا «جەتەكشى پىكىر» دەلىنەدى) باسىپ تاراتىپ، قارجىنى ۇشتاستىرۋ ساياساتىن اناعۇرلىم ناقتىلاندىردى.
«جەتەكشى پىكىردە» مىنالار ايقىن بەلگىلەندى: وتپەلى مەزگىلدە بۇرىنعى قارجى ارناسى ارقىلى «ءۇشتى قامتاماسىزداندىرۋدىڭ» جەتىستىكتەرىن ۇزدىكسىز بەكەمدەۋ كەرەك؛ ورتالىقتىڭ 1 - ءنومىرلى قۇجاتىنىڭ «كەدەيلىكتەن ارىلعان رايونداردىڭ دامۋعا اناعۇرلىم كوبىرەك سۇيەنىپ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋىن، كەڭەيتۋىن ىلگەرىلەتۋ» جونىندەگى تالابىن دايەكتى تياناقتاندىرىپ، جەر - جەردىڭ «ۇشكە نازار اۋدارۋىن» ارقاۋ ەتە وتىرىپ، ۇشتاستىرۋ قارجىسىن ويداعىداي پايدالانىپ، قارجىنىڭ پايدالانىلۋ ونىمدىلىگى مەن كەدەيلىكتەن ارىلعان بۇقارانىڭ كىرىسىن ارتتىرۋ ونىمدىلىگىن جوعارىلاتۋىنا قۋزاۋشىلىق جانە جەتەكشىلىك ەتۋ كەرەك.
ءبىرىنشى، نازاردى ءتۇيىندى رايوندارعا شوعىرلاندىرىپ، مەملەكەتتىڭ اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن اۋدانداردى (تومەندە قىسقاشا ءتۇيىندى سۇيەمەلدەنەتىن اۋداندار دەلىنەدى) بەيىمدەلىپ قولداۋ تەبىنىن ارتتىرۋ كەرەك. وتپەلى مەزگىلدە ورتالىق قازىنا ءتۇيىندى سۇيەمەلدەنەتىن اۋدانداردى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ ەڭ ماڭىزدى ءتۇيىنى ەتۋدە تاباندى بولىپ، بولىسكە سالۋ، ۇشتاستىرۋ قارجىسىن ەسەپتەگەندە وسى فاكتوردى دەربەس ويلاستىرىپ، بەيىمدەلىپ قولداۋ كورسەتەدى. وسى نەگىزدە، «جەتەكشى پىكىر» قاتىستى ولكەلەردىڭ ءتۇيىندى سۇيەمەلدەنەتىن اۋدانداردى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەگى، كەڭەيتۋدەگى كورنەكتى ورىنعا قويۋىنا قۋزاۋشىلىق ەتىپ، ورتالىق پەن ولكە دارەجەلى قازىنانى ۇشتاستىرۋ قارجىسىن بولگەن كەزدە، ورتالىقتىڭ بەيىمدەپ قولداۋ ساياساتتارىنىڭ قاز - قالپىندا تياناقتانۋىنا كەپىلدىك ەتتى.
ەكىنشى، نازاردى ءتۇيىندى مىندەتتەرگە شوعىرلاندىرىپ، اۋىل شارۋاشىلىعىمەن ۇشتاساتىن، اۋىل شارۋاشىلىعىن جەتەكتەيتىن، شارۋالاردى اۋقاتتاندىراتىن كاسىپتەردىڭ دامۋىن الدىمەن قولداۋ كەرەك. «جەتەكشى پىكىردە» مىنالار تالاپ ەتىلدى: جەر – جەر ورتالىق قازىناسىمەن ۇشتاسقان قارجىنىڭ كاسىپ سالاسىنا جۇمسالۋ سالىستىرماسىن جىل سايىن ورنىقتى جوعارىلاتۋى ءارى قولداۋ كورسەتىلەتىن ءتۇيىندى مازمۇنداردى، شەشۋشى بۋىنداردى جانە سۇيەمەلدەۋ ءتاسىلىن ايقىنداۋى كەرەك. قارجىمەن ۇشتاستىرىپ، قارجىنىڭ ادامدارعا، وتباسىلارعا دەيىن تياناقتانۋىن الدىمەن قامتاماسىز ەتىپ، قايتا كەدەيلەنۋدى باقىلاۋ - تەكسەرۋ وبيەكتىلەرىنىڭ، كەدەيلىكتەن ارىلعان وتباسىلاردىڭ ءوندىرىستى دامىتىپ، كىرىسىن ارتتىرۋىن ءتۇيىندى تۇردە قولداپ، وتباسىلاردىڭ تيجارات سيپاتتى كىرىسىن ارتتىرۋ كەرەك. كاسىپ سالاسى نىساندارىنىڭ مۇددەسىن بايلانىستىرۋ مەحانيزمىن كەمەلدەندىرىپ، بۇقارانىڭ تولىق يگىلىككە كەنەلۋىنە كەپىلدىك ەتۋ كەرەك.
ءۇشىنشى، نازاردى ءتۇيىندى بۋىندارعا شوعىرلاندىرىپ، نىسانداردى اتقارۋ مەن قارجىنىڭ پايدالانىلۋىن باسقارۋدى كۇشەيتۋ كەرەك. «جەتەكشى پىكىردە» ءونىمدى ادىستەردى قورىتىندىلاۋ نەگىزىندە، مىناۋ تالاپ ەتىلدى: جەر - جەر نىسان قامباسىن قۇرىپ جانە كەمەلدەندىرىپ، نىسانداردى قامباعا كىرگىزۋ ساپاسىن قاتاڭ يگەرىپ، نىسانداردىڭ قۇرىلىس جۇرگىزۋ دايىندىعىن بەكەمدەپ، الدىڭعى مەرزىمدىك قىزمەت اياق الىسىن جەدەلدەتىپ، نىسانداردىڭ ءتارتىپتى ىلگەرىلەۋىنە كەپىلدىك ەتۋى كەرەك. سونىمەن بىرگە، جەر - جەر قارجى ءتۇسىرۋدى جەدەلدەتىپ، قارجىنىڭ ونىمدىلىگىن باسقارۋ تالابىن تياناقتاندىرىپ، ىزىنە ءتۇسىپ قۋزاۋدى كۇشەيتىپ، ماسەلەلەردى دەر كەزىندە بايقاپ جانە جاقسارتىپ، قارجىنىڭ پايدالانىلۋ ونىمدىلىگىنە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
