لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
زور كولەمدە ارتقان قۇن سالىعىن قايتارۋ ساياساتتىق ورنالاستىرۋىن اتقارىپ، ماكرولىق ەكونوميكانىڭ جالپىلىق جاعدايىن ورنىقتىرۋعا پارمەندى تىرەك ازىرلەۋدى بەلگىلەدى؛ جالپىلىق شارا قولدانىپ بازار مەجەسىن ورنىقتىرىپ، كاپيتال بازارىنىڭ ورنىقتى، اقاۋسىز دامۋىن ساقتاۋ جونىندە ورنالاستىرۋ جاسادى
2022.03.22 16:41 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 3 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، زور كولەمدە ارتقان قۇن سالىعىن قايتارۋ ساياساتتىق ورنالاستىرۋىن اتقارىپ، ماكرولىق ەكونوميكانىڭ جالپىلىق جاعدايىن ورنىقتىرۋعا پارمەندى تىرەك ازىرلەۋدى بەلگىلەدى؛ جالپىلىق شارا قولدانىپ بازار مەجەسىن ورنىقتىرىپ، كاپيتال بازارىنىڭ ورنىقتى، اقاۋسىز دامۋىن ساقتاۋ جونىندە ورنالاستىرۋ جاسادى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرىپ، «ۇكىمەت قىزمەتىنەن باياندامانىڭ» ورنالاستىرۋىنا ساي، قازىرگى ەل ءىشى - سىرتىنداعى جاعدايدىڭ جاڭا وزگەرىسىنە باعىتتاي وتىرىپ، ەكونوميكالىق اينالىمدى ورنىقتىرۋ ساياساتىن جەدەل اتقارۋ كەرەك. بيىلعى ارتقان قۇن سالىعىنا ورايلاستىرىلعان سالىق مولشەرى شامامەن ءبىر تريلليون 500 ميلليارد يۋان بولدى، بۇل − «ەكىدەن تيتتەي دە اۋىتقىماۋدا» تاباندى بولىپ، ءتۇرلى بازار تۇلعالارىنا تىكەلەي جوعارى ءونىمدى كومەك بەرۋدەگى شارا، ارتۋدى ورنىقتىرىپ، بازار تۇلعالارىنىڭ جۇمىستاندىرۋىنا كەپىلدىك ەتۋدەگى شەشۋشى شارا، سونداي - اق سالىق قاينارىن جەتىلدىرىپ، ارتقان قۇن سالىعى ءتۇزىمىن زور كۇشپەن جاقسارتۋداعى رەفورما. ءماجىلىس مىنالاردى ۇيعاردى: ءبىرىنشى، بارلىق كاسىپتەگى شاعىن، ۇساق كاسىپورىندارعا، ادەتتەگى سالىق ەسەپتەۋ ءتاسىلى بويىنشا سالىق تاپسىراتىن جەكەشە ونەركاسىپشىلەر مەن ساۋداگەرلەرگە ءبىر تريلليون يۋانعا جۋىق سالىق قايتارىلادى. مۇنىڭ ىشىندە ىركىندى دولايلاستىرىلعان سالىق سوماسى 6 - ايدىڭ سوڭىنان بۇرىن ءبىر جولدا تولىق قايتارىلادى، ۇساق كاسىپورىندارعا 4 - ايدا شوعىرلى قايتارىلادى، شاعىن كاسىپورىندارعا 4 -، 5 - ايلاردا قايتارىلادى؛ ارتقان قۇن دولايلاستىرىلعان سالىق سوماسى 4 - ايدىڭ 1 - كۇنىنەن باستاپ اي سايىن تولىق قايتارىلادى، «ءۇرتىس 6 اي ارتقان ارتقان سالىق سوماسى 0 دەن جوعارى بولۋ، ەڭ سوڭعى ءبىر ايدا قالدىرىلعان سالىق سوماسى 500 مىڭ يۋاننان جوعارى بولۋ» سياقتى سالىق قايتارۋ شارتتارى كەزەڭدىك تۇرعىدان كۇشىنەن قالدىرىلادى. ەكىنشى، جاساۋ كاسىبى، عىلمي زەرتتەۋ جانە تەحنيكالىق قىزمەت وتەۋ كاسىبى، ەلەكتر، جىلۋ، جانار گاز جانە سۋ ءوندىرىسى جانە قامداۋ كاسىبى، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبى، ەكولوگيانى قورعاۋ جانە ورتانى وڭاۋ كاسىبى، قاتىناس - تاسىمال، قامبادا ساقتاۋ جانە پوچتا كاسىبى سياقتى 6 سالاداعى كاسىپورىننىڭ ىركىندى سالىق سوماسىنا ورايلاستىرىلىپ، 7 - ايدىڭ 1 - كۇنىنەن باستاپ تولىق قايتارىلادى، جىل سوڭىنان بۇرىن ورىندالادى؛ ارتقان سومانى دا 4 - ايدىڭ 1 - كۇنىنەن باستاپ اي سايىن تولىق قايتارۋ كەرەك. ءۇشىنشى، ورتالىق قازىنا قازىر اتقارىلىپ وتىرعان سالىق ءتۇزىمى بويىنشا %50 تىك سالىق قايتارۋ قاراجاتىن كوتەرۋ نەگىزىندە تاعى ءبىر تريلليون 200 ميلليارد يۋان اۋدارىپ تولەۋ قارجىسىن ورنالاستىرۋ ارقىلى 3 ارناۋلى نىسان بەلگىلەپ، نەگىزگى ساتىنىڭ سالىقتى كەمەيتۋ، اقىنى تومەندەتۋى جانە كاسىپتەنۋگە، حالىق تۇرمىسىنا كەپىلدىك ەتۋ، ت. ب جاقتارىن قولدايدى. مۇنىڭ ىشىندە جاڭادان ارتقان سالىق قايتارۋ بارىسىندا قالعان جەرگىلىكتى ورىنداردىڭ اۋىرتپالىعىنا قاراتا ورتالىق قازىنانىڭ قوسىمشا قاراجات بەرۋ، كومەكتەسۋ شاماسى ورتا ەسەپپەن %82 تەن اسادى ءارى ورتا، باتىس بولەكتەرگە بەيىمدەلەدى. ءماجىلىس مىنالاردى تالاپ ەتتى: قارجىنى الدىن الا بوساتۋ مەحانيزمىن ورناتىپ، اي سايىن الدىن الا بوساتىپ، اداقتاۋ جۇرگىزىپ، جەرگىلىكتى مەملەكەت قازىناسىنىڭ جارىم ايلىق سالىق قايتارۋعا قاجەتتى قارجىنى ساقتاپ قالۋىنا كەپىلدىك ەتۋ كەرەك. قارجىنى باقىلاۋ - باسقارۋدى جانە مەملەكەت قازىناسىن باسقارۋدى كۇشەيتىپ، سالىق قايتارۋ قارجىسىنىڭ بازار تۇلعالارىنا تىكە جەتۋىنە، جەرگىلىكتى ورىندارعا بەرىلەتىن كومەك قاراجاتتىڭ قالا، اۋدانداردىڭ نەگىزگى ساتىلارىنا تىكە جەتۋىنە كەپىلدىك ەتىپ، سالىق ۇرلاۋ، سالىقتى الداپ الۋ، سالىقتىڭ ورنىن الدامشىلىقپەن تولتىرۋ سياقتى ارەكەتتەرگە باتىل سوققى بەرىپ، قاتاڭ جازالاۋ كەرەك.
ءماجىلىس مەملەكەتتىك كەڭەس فينانس كوميتەتىنىڭ مالىمەتىن تىڭداپ، بىلاي دەپ اتاپ كورسەتتى: حالىقارالىق جاعدايداعى وزگەرىستىڭ ەلىمىزدىڭ كاپيتال بازارىنا جاسايتىن ىقپالىنا ايرىقشا ءمان بەرۋ كەرەك. دامۋ − ماڭداي الدى مىندەت دەگەندە تاباندى بولىپ، ءوز ءىسىمىزدى كۇش سالا جاقسى ىستەپ، ورنىقتىلىقتى ماڭداي الدى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولىپ، رەفورما جاساپ، ەسىك اشۋدى تەرەڭدەتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، عىلمي، ءونىمدى شارا قولدانىپ، كاپيتال بازارىنىڭ ورنىقتىلىعىن قورعاپ، ورنىقتى، اقاۋسىز دامۋدى ساقتاۋ كەرەك. ءبىرىنشى، ورنىقتى اقشا ساياساتىنىڭ ناقتى ەكونوميكانى قولداۋ تەبىنىن ارتتىرىپ، «اقشانى بەيپىل تاراتپاۋدان» جازباۋ، سونىمەن بىرگە، كوپ ءتۇرلى اقشا ساياساتى قۇرالدارىنان دەر كەزىندە پايدالانىپ، اينالىمنىڭ ۇيلەسىمدى، جەتكىلىكتى بولۋىن ساقتاپ، امانات - قارىز بەن قوعامدىق قارجى قۇراۋدىڭ لايىقتى ارتۋىن ساقتاۋ كەرەك. ەكىنشى، ساياساتتىڭ ورنىقتىلىعىن ساقتاۋ كەرەك، تاياۋ جىلداردان بەرى ەكونوميكالىق اينالىمدى ورنىقتىرۋ، بازاردىڭ ومىرشەڭدىك كۇشىن تاسقىنداتۋ ساياساتىن مۇمكىندىكتىڭ بارىنشا ۇزدىكسىز اتقارۋ، سونىمەن بىرگە، ساياساتتىق بەتالىستىڭ بىردەيلىگىن باعالاۋدى ورىستەتىپ، بازار مەجەسىنە ءتيىمسىز ساياساتتاردى شىعارۋدان ساقتانۋ جانە ونى تۇزەتۋ كەرەك. ءۇشىنشى، بازارلاندىرۋ، زاڭمەن جونگە سالۋ، حالىقارالاندىرۋ پرينسيبى بويىنشا، كاپيتال بازارىنىڭ اينالىمىنداعى ماسەلەلەردى ورنىقتى ءبىر جاقتى ەتىپ، ءتۇرلى بازار تۇلعالارىنا ورنىقتى، جاريا، مەجەلەۋگە بولاتىن دامۋ ورتاسىن ازىرلەۋ كەرەك. ءتورتىنشى، تاراۋلاردىڭ سايكەسۋىن كۇشەيتىپ، ەل ءىشى - سىرتىنداعى ەكونوميكا، فينانس جاعدايىن ءجىتى قاداعالاپ، جاڭا سىن - سايىسقا كۇنى بۇرىن توتەپ بەرىپ، باعىتتامالى شارالار قولدانىپ، بازار مەجەسىن ورنىقتىرىپ، بازار سەنىمىن سەرپىلتۋ كەرەك. بەسىنشى، سىرتقى ساۋدانى ورنىقتىرۋ، شەتەل قارجىسىن ورنىقتىرۋ قىزمەتىن ۇزدىكسىز ويداعىداي ىستەپ، حالىق اقشاسى سىندىرىلىمىنىڭ ۇيلەسىمدى، تەپە - تەڭ دەڭگەيدەگى نەگىزگى ورنىقتىلىعىن ساقتاپ، حالىقارالىق كىرىس - شىعىستىڭ نەگىزىنەن تەپە – تەڭ بولۋىن ساقتاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
