لي جانشۋ حورۆاتيانىڭ پارلامەنت باستىعى ياندروكوۆيچپەن كەڭەس وتكىزدى
2022.03.23 15:58 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 22 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 3 - ايدىڭ 22 - كۇنى بەيجيڭدەگى حالىق سارايىندا بەينە ەكران تاسىلىمەن حورۆاتيانىڭ پارلامەنت باستىعى ياندروكوۆيچپەن كەڭەس وتكىزدى.
لي جانشۋ بىلاي دەدى: جۇڭگو مەن حورۆاتيا ۇزاق ۋاقىتتان بەرى ءبىرىن - ءبىرى قۇرمەتتەپ، ءبىرىن - ءبىرى ءتۇسىنىپ كەلەدى، ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن حورۆاتيانىڭ قاتىناسى جوعارى دەڭگەيدە، جوعارى ساپادا دامىدى. ەكى جاقتىڭ ساياساتتىق قارىم - قاتىناسى ونان ارى جيىلەپ، «ءبىر بەلدەۋ، ءبىر جولدى» بىرگە قۇرۋدىڭ تابىسى قوماقتى بولىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ بارىسىندا ءبىرىن - ءبىرى قولداپ، جۇڭگو – حورۆاتيا دوستىعىنىڭ تىڭ داستانىن جازدى.
لي جانشۋ بىلاي دەپ اتاپ كورسەتتى: بيىل − جۇڭگو مەن حورۆاتيانىڭ ديپلوماتيالىق قارىم - قاتىناس ورناتقانىنىڭ 30 جىلدىعى. ەكى ەل قاتىناسىنىڭ بۇرىنعىعا مۇراگەر بولىپ، كەيىنگىگە جول اشۋدىڭ جاڭا باستاماسىندا جۇڭگو حورۆاتيامەن بىرگە قۇلشىنىپ، جۇڭگو مەن حورۆاتيانىڭ جالپى بەتتىك سەلبەستىك سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەلگە جانە ەكى ەل حالىقتارىنا ءتىپتى دە كوپ باقىت جاراتۋدى قالايدى. ءبىرىنشى، ساياسي سەنىمدىلىكتى كۇشەيتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتۋ كەرەك. جۇڭگو ەكى ەل قاتىناسىنا ستراتەگيالىق جانە ۇزاق بولاشاقتىق تۇرعىدان قاراۋدا باستان - اياق تاباندى بولىپ كەلەدى، حورۆاتيانىڭ ءبىر جۇڭگو پرينسيبىندە تاباندى بولعانىن القايدى. ەكىنشى، ناقتى سەلبەستىكتى ىلگەرىلەتىپ، نەگىزدىك قۇرىلعى قۇرىلىسى، عىلىم - تەحنيكادا جاڭالىق اشۋ، ورتا، شاعىن كاسىپورىندار، قورشاعان ورتانى قورعاۋ سياقتى سالالاردا سەلبەستىكتىڭ جاڭا جارقىن تۇيىندەرىن قالىپتاستىرىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتىپ، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. ءۇشىنشى، ناعىز كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، دۇنيە جۇزىلىك دامۋ باستاماسىنا بەلسەنە ات سالىسىپ، ءوزارا قۇرمەت ەتەتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋعا كۇش سالۋ كەرەك.
لي جانشۋ بىلاي دەپ اتاپ كورسەتتى: حورۆاتيا − جۇڭگونىڭ ەۆروپا وداعىنداعى ابزال دوسى. جۇڭگو مەن ەۆروپانىڭ كەڭ كولەمدى ورتاق مۇددەسى جانە تەرەڭ سەلبەستىك نەگىزى بار. جۇڭگو ەۆروپامەن بىرگە دامۋ ستراتەگياسىن ۇشتاستىرۋدى كۇشەيتىپ، ناقتى سەلبەستىكتى تەرەڭدەتىپ، حالىقارالىق ىستەردەگى تىلدەسۋدى، سايكەسۋدى كۇشەيتۋدى قالايدى. جۇڭگو - ورتا، شىعىس ەۆروپا ەلدەرى سەلبەستىگى − جۇڭگو - ەۆروپا قارىم - قاتىناسىنىڭ ماڭىزدى قۇرامداس بولىگى. حورۆاتيانىڭ جۇڭگو - ورتا، شىعىس ەۆروپا ەلدەرى سەلبەستىگىن ۇزدىكسىز قولداپ جانە وعان بەلسەنە ات سالىسىپ، بيىلعى سەلبەستىك تۇعىرى ورناتىلعانىنىڭ 10 جىلدىعىن وراي ەتىپ، سەلبەستىكتە اناعۇرلىم زور دامۋعا قول جەتكىزۋدى ىلگەرىلەتۋىن ءۇمىت ەتەمىن.
لي جانشۋ مىنانى دارىپتەدى: جۇڭگو مەملەكەتتىك حالىق قۇرىلتايى مەن حورۆاتيا پارلامەنتى دوستىق بارىس - كەلىس ءداستۇرىن جالعاستىرىپ كەلەدى. ەكى جاقتىڭ ءارقايسى جىك، دوستىق گرۋپپالار، ارناۋلى كوميتەت سياقتى سالالار بويىنشا اۋىس - كۇيىستى ۇزدىكسىز كۇشەيتىپ، اۋىل شارۋاشىلىعى، تازا ەنەرگيا، جاسىل ەكونوميكا سياقتى جاقتارداعى دامۋ جانە زاڭ شىعارۋ تاجىريبەلەرىن ءوزارا ۇيرەنىپ، ءوزارا ۇلگى الىپ، كاسىپورىنداردىڭ قارجى قوسىپ، شارۋاشىلىقتى گۇلدەندىرۋىنە جانە ەكى جاقتىڭ ناقتى سەلبەستىگىنە تاماشا ورتا جاراتۋىنا بولادى.
ياندروكوۆيچ مىنانى ءبىلدىردى: ەكى ەلدىڭ دوستىق قاتىناسى باي مازمۇنعا يە ءارى ۇزدىكسىز تىڭ دامۋعا قول جەتكىزدى. حورۆاتيا ءبىر جۇڭگو ساياساتىن باتىل اتقارادى. پەلەساك كوپىرى سياقتى كەلەلى نىسانداردا ەكى جاقتىڭ سەلبەستىگىندە ماڭىزدى تابىستارعا قول جەتتى. جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى جاقتاردا حورۆاتياعا ماڭىزدى قولداۋ كورسەتتى، حورۆاتيا بۇعان العىس ايتادى. حورۆاتيا ەۆروپا - جۇڭگو قاتىناسىنىڭ دامۋىن جەبەۋدە بەلسەندى رول اتقارۋدى قالايدى. حورۆاتيا پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، ەكى ەل قاتىناسىنىڭ دامۋىن جەبەۋگە، حالىقتار دوستىعىن كۇشەيتۋگە ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
