ۇشاقتىڭ قارا قوبديشاسى قانشالىق ماڭىزدى؟ ىزدەۋ قىزمەتىنىڭ اياق الىسى قانداي؟ ەڭ جاڭا جاعدايلار
2022.03.23 14:31 كەلۋ قاينارى : حالىق تورابى
3 – ايدىڭ 21 – كۇنى ساعات 14 تەن 38 مينۋت وتكەندە، شىعىس اۆياتسيا سەرىكتەستىگىنىڭ MU5735 كەزەكشى ۇشاعى كۇنميڭنەن گۋاڭجوۋعا قاتىنايتىن مىندەتتى اتقارۋ بارىسىندا، گۋاڭشي ولكەسى ۋجوۋ قالاسىنىڭ كوگىندە دەرەكسىز كەتكەن ءارى قۇلاعان. ۇشاقتا 123 جولاۋشى، 9 ۇشاق قىزمەتكەرى بار بولاتىن.
ءتىلشىنىڭ ۇشاق قۇلاۋ شىرعالاڭى تۋىلعان وزەكتى وڭىردەن ۇعىسۋىنشا، 3 – ايدىڭ 22 – كۇنى تۇستەن كەيىن، ناق مايدانداعى جەتەكشىلىك ەتۋ ءبولىمى قۇتقارۋ – كومەكتەسۋ مىندەتىنە اتسالىسىپ جاتقان كۇشتەرگە جاڭا مىندەت جۇكتەگەن — ادامداردى ىزدەۋ – قۇتقارۋ جۇمىسىن جەدەل ورىستەتۋمەن بىرگە، شىرعالاڭعا ۇشىراعان جولاۋشىلار ۇشاعىنىڭ قارا قوبديشاسىن ىزدەۋ قىزمەتىن ۇزدىكسىز ورىستەتۋ قاجەت. جەتەكشىلىك ەتۋ ءبولىمى بۇل مىندەتتى تاپسىرعان كەزدە، قۇتقارۋ – كومەكتەسۋ مىندەتىنە قاتىناسقان ءاربىر اسكەرگە بىردەن پروجەكتور بەرۋدى تالاپ ەتكەن، بۇل ولاردىڭ تۇندەلەتىپ جۇمىس ىستەۋگە ويداعىداي دايىندىق جاساعانىن كورسەتەدى.
قارا قوبديشا تەك ءۇش – ءتورت پارشا قىزىل كەرپىشتىڭ ۇلگەندىگىندەي عانا
ۇعىسۋعا قاراعاندا، وسى رەت شىرعالاڭعا ۇشىراعان جولاۋشىلار ۇشاعىنىڭ قارا قوبديشاسىنىڭ ۇزىندىعى، بيىكتىگى، ەنى جەكە – جەكە 60 سانتيمەتر، 20 سانتيمەتر، 20 سانتيمەتر ەكەن. قازىر ناق مايدانداعى قۇتقارۋ – كومەكتەسۋ كۇشتەرىنەن اۋماققا ءبولىنىپ بارلىق جەردى قاعىس قالدىرماي ىزدەۋدى تالاپ ەتكەن. ۇشاق شىرعالاڭى تۋىلعان وزەكتى وڭىردەگى جولدىڭ ەكى جاعالاۋىنا جارىقتاندىرۋ قۇرىلعىلارى تۇرعىزىلعان. مۇنان سىرت، ۇشاق قۇلاعان وزەكتى ءوڭىر قاتىناسقا قولايسىز، بارلىعى سوقپاق جولدار بولعاندىقتان، اناعۇرلىم كوپ قۇتقارۋ – كومەكتەسۋ كۇشىن ەنگىزىپ، ىزدەۋ ءۇردىسىن جەدەلدەتۋگە قولايلىلىق جاساۋ ءۇشىن، 3 – ايدىڭ 22 – كۇنى ناق مايدانعا ءىرى تۇرپاتتى قۇرال – جابدىقتار اكەلىنىپ، وزەكتى ءوڭىردىڭ ماڭىنا رەتتەۋ جۇرگىزىپ، ىزدەۋ – قۇتقارۋ قىزمەتىنە قولايلىلىق جاراتقان.
ۇشاق قۇلاعان وزەكتى وڭىردە تاۋ بەتكەيى تىگىل، قالىڭ اعاش بولعاندىقتان، ىزدەۋ – قۇتقارۋ قىزمەتىنىڭ قيىندىق دارەجەسى جوعارى، ونىڭ ۇستىنە، قارا قوبديشا تەك ءۇش – ءتورت قىزىل كەرپىشتىڭ ۇلكەندىگىندەي عانا، سوندىقتان، اسكەرلەر شوت قاتارلى ءتۇرلى قۇرال – جابدىقتاردى دايىنداۋى، تاعى ءبىر جاعىنان، جارىقتاندىرۋ قىزمەتىن ويداعىداي ىستەۋ قاجەت، ويتكەنى، قارا قوبديشانىڭ بەتىنە جارىق شاعىلىستىرۋ قۇرىلعىسى ورناتىلعان، سوندىقتان، ءتۇن ىشىندە ەگەر جارىق شاعىلىستىراتىن زاتقا جولىقسا، قارا قوبديشانىڭ دەرەگىن بايقاۋعا سەپتىگىن تيگىزۋى مۇمكىن.
قارا قوبديشانى ىزدەۋ قيىن، ونداعى ماڭىزدى ينفورماتسيالار شىرعالاڭنىڭ سەبەبىن انىقتاۋعا سەپتىگىن تيگىزەدى
شىرعالاڭعا ۇشىراعان ۇشاقتىڭ قارا قوبديشاسىن تابۋ، ىزدەۋ – قۇتقارۋ قىزمەتىنىڭ ماڭىزدى ءبىر بولىگى. قارا قوبديشادا ۇشقىش بولمەسىندەگى سويلەسكەن داۋىستار مەن ۇشۋ بارىسىنداعى مالىمەت ەستەلىككە الىنادى. ول ۇشۋ بارىسىنداعى، وتە – موتە، شىرعالاڭنىڭ الدىنداعى ناقتى جاعدايلاردى ەگجەي – تەگجەيلى ەستەلىككە الادى.
نانجيڭ اۆياتسيا – عارىش داشۋەسىنىڭ ورىنباسار پروفەسسورى شىڭ حانلين مىنانى ءبىلدىردى: ۇشاق تاۋلى جەرگە قۇلاعاندىقتان، جەر جاعدايى كۇردەلى، ءىرى تۇرپاتتى ماشينالارمەن جۇمىس ىستەۋ قيىن، سوندىقتان، قازىر ىزدەۋ جۇمىستارى تەك ادام كۇشىنە جانە ۇشقىشسىز ۇشاققا سۇيەنىپ ورىستەتىلۋدە. ىزدەۋ بارىسىندا، ىزدەۋ – قۇتقارۋ قىزمەتكەرلەرى مەن ناق مايدانداعى بۇقارا ۇشاق سىنىقتارىن اسىلگى ورنىنان قوزعاماۋعا كەپىلدىك ەتۋى، سونىمەن بىرگە، ورمانعا ءورت كەتۋ سەبەبىنەن ۇشاق سىنىقتارىنىڭ ويراندالۋىنان ساقتانۋى قاجەت.
قارا قوبديشانىڭ باتەرياسىن 30 كۇن اينالاسىندا پايدالانۋعا بولادى
ۇشاقتىڭ قارا قوبديشاسىنىڭ رەڭى ادەتتە قىزعىلت ءتۇستى بولادى، قانىق رەڭ ۇشاق شىرعالاڭعا ۇشىراعان جاعدايدا ونى دەرەۋ تاۋىپ الۋعا كومەگىن تيگىزەدى، سونىمەن بىرگە، ول قوپارىلىس سەبەبىنەن ويراندالۋ، جوعارى تەمپەراتۋرادا جانۋ، سۋعا شىلانۋ قاتارلى جاعدايلاردا شىدامدى كەلەدى.
قارا قوبديشانىڭ باتەرياسىن مەجەمەن 30 كۇن اينالاسىندا پايدالانۋعا بولادى. وسى مەزگىل بارىسىندا، ول سىرتقا قاراي ۇزدىكسىز سەگنال تاراتادى. وسى رەتكى ۇشاق شىرعالاڭىنىڭ ورنىن تابۋدا، باستىسى ادامداردىڭ كوز جىبەرۋى ارقىلى ىزدەۋگە سۇيەندى، ۇشاق سىنىقتارى تابىلعان سوڭ، قارا قوبديشانى ونىڭ سىرتقى بەتىندەگى وزگەشە تۇستەگى جارىق جانە ونىڭ جارىق شاعىلىستىراتىن قاسيەتىنە نەگىزدەلە وتىرىپ ىزدەۋ جۇمىستارى جۇرگىزىلەدى.
شىرعالاڭعا ۇشىراعان ۇشاقتىڭ تيپى 737NG جەلىلەس ونىمدەرىنە جاتادى
ۇشاقتىڭ ىسكە قوسىلعانىنا 6.8 جىل بولعان
ءتىلشىنىڭ شىعىس اۆياتسيا سەرىكتەستىگىنەن ۇعىسۋىنشا، شىعىس اۆياتسيا سەرىكتەستىگى اتالعان سەرىكتەستىكتىڭ قولىنداعى مىندەت وتەپ جاتقان بارلىق B737－800 ۇشاقتارىن تۇگەلدەي ۇشۋدان توقتاتتى، كوكتە ۇشىپ جۇرگەن ۇشاقتار جەرگە قونعان سوڭ ۇشۋ مىندەتىن قايتالاي اتقارمايتىن بولدى. وسى رەتكى شىرعالاڭعا ۇشىراعان ۇشاقتىڭ تيپى B737－800، 2015 – جىلى 6 – ايدىڭ 22 – كۇنى جۇڭگو شىعىس اۆياتسياسى يۇننان بولىمشە مەكەمەسىنە تاپسىرىلعان، ۇشاقتىڭ ىسكە قوسىلعانىنا 6.8 جىل بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
