پارىقتاندىرىلعان نىسانا بەلگىلەپ، جايلى اۋىل – قىستاق قۇرادى
شينجياڭ اۋىل – قىستاقتاعى قونىستانۋ ورتاسىن جونگە سالۋدى كۇشەيتەدى
2022.03.23 16:29 كەلۋ قاينارى : حالىق تورابى
حالىق گازەتىنىڭ ءتىلشىسى حۋرىنبا 3 – ايدىڭ 22 – كۇنى ۇرىمجىدەن حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتى كەڭسەسىنەن ۇعىسۋىنشا، اۋىل – قىستاقتى گۇلدەندىرۋدى ىلگەرىلەتىپ، اۋىل شارۋاشىلىعىن، اۋىل – قىستاقتى وسىزامانداندىرۋدى جەدەلدەتۋ ءۇشىن، اۆتونوميالى رايوندىق پارتكومنىڭ كەڭسە مەڭگەرمەسى، اۆتونوميالى رايوندىق حالىق ۇكىمەتىنىڭ كەڭسە مەڭگەرمەسى جۋىردا «اۆتونوميالى رايوننىڭ اۋىل – قىستاقتاعى قونىستانۋ ورتاسىن جونگە سالۋ دەڭگەيىن جوعارىلاتۋداعى بەس جىلدىق ارەكەت جوباسىن (2021 — 2025 – جىلى)» (تومەندە قىسقارتىلىپ «جوبا» دەپ اتالادى) باسىپ تاراتقان.
«جوبادا» ارەكەت نىساناسى ايقىندالعان: 2025 – جىلعا بارعاندا، اۋىل – قىستاقتاعى قونىستانۋ ورتاسى كورنەكتى جاقسارتىلادى، ەكولوگيالىق ورتاسى جايلى، كورىكتى اۋىل – قىستاقتى قۇرۋدا جاڭا ىلگەرىلەۋشىلىكتەرگە قول جەتكىزىلەدى. سونىمەن بىرگە، «جوبادا» ءارقايسى اۋدانداردى ۇلگى – جەتەكشى بولۋ، ورنىقتى دامىتۋ، بەكەمدەۋ جانە دەڭگەيىن جوعارىلاتۋ سىندى ءۇش توپقا ءبولىپ، پارىقتاندىرىلعان دامىتۋ نىساناسىن بەكىتكەن.
مۇندا، ۇلگى – جەتەكشى بولاتىن 20 نەشە اۋداننان 2025 – جىلعا بارعاندا، اۋىل – قىستاقتا تازا دارەتحانانى نەگىزىنەن جالپىلاستىرىپ بولۋدى؛ اۋىل – قىستاقتاعى تۇرمىستىق لاس سۋدى ءونىمدى جونگە سالۋدى؛ اۋىل – قىستاقتى تۇرمىستىق لاس زاتتاردى جيۋ، تاسىمالداۋ، ءبىرجاقتى ەتۋ جۇيەسى تولىق جالپىلاستىرىلۋىن، اۋىل – قىستاقتا تۇرمىستىق لاس زاتتاردى تۇرگە ءبولۋدى كۇش سالا جالپىلاستىرۋدى، قاينارىنان باستاپ مولشەرىن ازايتۋدى؛ ۇزاق مەرزىمدىك ءونىمدى باسقارۋ – قورعاۋ مەحانيزمىن جالپى بەتتىك ورناتۋدى؛ اۋىل – قىستاقتى جاسىلداندىرۋ، كورىكتەندىرۋ ارەكەتىن جاپپاي ورىستەتىپ، اۋىل – قىستاقتىڭ كەلبەتىن جالپى بەتتىك جوعارىلاتۋدى؛ اۋىل – قىستاقتاعى قونىستانۋعا جايلى ورتانىڭ جەتكىزگەن پايداسىن تولىق ءبولىسىپ، اۋىل – قىستاقتاعى ءبىرىنشى، ەكىنشى، ءۇشىنشى كاسىپ سالالارىنىڭ توعىسا دامۋىن ىلگەرىلەتىپ، %60 تەن استام اۋىل – قىستاقتى جەرگىلىكتى ەرەكشەلىككە يە، شارۋاشىلىعى شالقىپ، حالقى بايىعان، مادەنيەتى جاراسىمدى بولعان اۆتونوميالى رايون دارەجەلى ەكولوگيالىق ورتاسى قونىستانۋعا جايلى، كورىكتى اۋىل – قىستاقتاردىڭ ۇلگىسى ەتىپ قۇرىپ شىعۋدى تالاپ ەتكەن.
ورنىقتى دامىتىلاتىن 38 اۋداننىڭ نىساناسى — 2025 – جىلعا بارعاندا، اۋىل – قىستاقتاعى تازا دارەتحانانى جالپىلاستىرۋ مولشەرىن كورنەكتى كوبەيتۋ؛ اۋىل – قىستاقتاعى لاس سۋدى ءبىرجاقتى ەتۋ ورەسىن ۇزدىكسىز جوعارىلاتۋ؛ اۋىل – قىستاقتى تۇرمىستىق قوقسىقتى جيناۋ، تاسىمالداۋ، ءبىرجاقتى ەتۋ جۇيەسىمەن تولىق قامتۋ، اۋىل – قىستاقتاعى تۇرمىستىق قوقسىقتاردى تۇرگە بولۋگە شابىتتاندىرىپ، قاينارىنان باستاپ مولشەرىن ازايتۋ؛ ۇزاق مەرزىمدى ءونىمدى باسقارۋ – قورعاۋ مەحانيزمىن نەگىزىنەن ورناتىپ بولۋ؛ جەتەلەۋ سيپاتى كۇشتى، ءوندىرىس پەن تۇتىنۋدىڭ دارەجەسىن «قوسارىنان جوعارىلاتۋعا» ءتيىمدى ءبىر توپ اۋىل – قىستاق نەگىزدىك قۇرىلعىلار ينجەنەرياسىن اتقارىپ، اۋىل – قىستاقتاعى ءوندىرىس، تۇرمىس شارت – جاعدايىن جاقسارتىپ، اۋىل – قىستاقتىڭ بەت – بەينەسىن كورنەكتى تۇردە وزگەرتۋ.
بەكەمدەۋ – دەڭگەيىن جوعارىلاتۋ توبىنداعى 35 اۋداننىڭ نىساناسى — 2025 – جىلعا بارعاندا، اۋىل – قىستاقتاعى تازا دارەتحانالاردى جالپىلاستىرۋ مولشەرىن ورنىقتى جوعارىلاتۋ؛ اۋىل – قىستاقتاعى لاس سۋدى جونگە سالۋ ورەسىن جوعارىلاتۋ؛ اۋىل – قىستاقتى تۇرمىستىق قوقسىقتاردى جيناۋ، تاسىمالداۋ، ءبىرجاقتى ەتۋ جۇيەسىمەن قامتۋ مولشەرىن %90 كە جەتكىزىپ، اۋىل – قىستاقتاعى تۇرمىستىق قوقسىقتاردى تۇرگە ءبولۋ جاعىندا ىزدەنىس جاساپ، قاينارىنان باستاپ مولشەرىن ازايتۋ؛ ۇزاق مەرزىمدى ءونىمدى باسقارۋ – قورعاۋ مەحانيزمىن بىرتىندەپ ورناتۋ؛ ءداستۇرلى اۋىل – قىستاقتاردى قورعاۋ تەبىنىن ارتتىرىپ، اۋىل – قىستاقتى جاسىلداندىرۋ، كورىكتەندىرۋ ارەكەتىن ىشكەرىلەي ورىستەتىپ، اۋىل – قىستاقتىڭ بەت -بەينەسىن جاقسارتىپ، ەرەكشەلىككە يە، جايلى قىستاقتاردان ءبىر توبىن قۇرىپ شىعۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
