مەملەكەتتىك حالىق قۇرىلتايى تۇراقتى كوميتەتى ورتانى قورعاۋ زاڭىنىڭ اتقارىلۋىنا تەكسەرۋ جۇرگىزدى
مەملەكەتتىك كەڭەستىڭ زاڭ اتقارۋدى باسقارۋشى تاراۋىنىڭ مالىمەتىن تىڭدادى، لي جانشۋ ءسوز سويلەدى
2022.03.24 15:49 كەلۋ قاينارى : حالىق تورابى
«حالىق گازەتى»، 3 - ايدىڭ 23 – كۇنى، بەيجيڭ (ءتىلشى ۋاڭ بيشۋە). 13 – كەزەكتى مەملەكەتتىك حالىق قۇرىلتايى مەن ونىڭ تۇراقتى كوميتەتى مىندەت اتقارعاننان بەرى شي جينپيڭ ەكولوگيالىق وركەنيەت يدەياسىن جانە پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن جاپپاي دايەكتى تياناقتاندىرىپ، لاستانۋدان ساقتانۋ - جونگە سالۋدان قامال الۋ شايقاسىنا نازار اۋدارىپ، اتموسفەرا، سۋ، توپىراقتىڭ لاستانۋىنان ساقتانۋ - جونگە سالۋ زاڭى مەن جاراقسىز قاتتى زاتتاردىڭ ورتانى لاستاۋىنان ساقتانۋ زاڭى قاتارلى 4 ارناۋلى زاڭنىڭ اتقارىلۋ احۋالىنا ءۇرتىس 4 جىل تەكسەرۋ جۇرگىزدى، بيىل ورتانى قورعاۋ زاڭىنىڭ اتقارىلۋىنا تەكسەرۋ جۇرگىزدى. 3 - ايدىڭ 23 – كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ بەيجيڭدە زاڭنىڭ اتقارىلۋىن تەكسەرۋ گرۋپپاسىنىڭ ءماجىلىسىن باسقارىپ اشىپ، مەملەكەتتىك كەڭەستىڭ زاڭنىڭ اتقارىلۋىن باسقارۋشى تاراۋىنىڭ قورشاعان ورتانى قورعاۋ زاڭىن تياناقتاندىرۋ جاعدايى جونىندەگى مالىمەتىن تىڭدادى.
لي جانشۋ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ءبىرقىدىرۋ ءتۇبىرلى، جاسامپاز، ۇزاق بولاشاقتىق قىزمەتتەردى جوسپارلاپ، ورىستەتىپ، ەلىمىزدىڭ ەكولوگيالىق وركەنيەت قۇرىلىسىندا تانىمنان امالياتقا دەيىنگى تاريحي، بۇرىلىستىق، جالپى جاعدايلىق وزگەرىستەردىڭ جارىققا شىعۋىن ىلگەرىلەتتى. مەملەكەتتىك حالىق قۇرىلتايى مەن ونىڭ تۇراقتى كوميتەتى قاتىستى زاڭ شىعارۋ جانە باقىلاۋ قىزمەتىن ءبىر تۇتاس ىلگەرىلەتىپ، ەكولوگيالىق ورتانى قورعاۋ جاعىنان زاڭ شىعارۋدا ساننان ساپاعا دەيىنگى جاپپاي جوعارىلاتۋدى جۇزەگە اسىرىپ، لاستانۋدان ساقتانۋ - جونگە سالۋدان قامال الۋ شايقاسىن ويداعىداي جۇرگىزۋگە دەم بەرىپ، زاڭنىڭ اتقارىلۋىن تەكسەرۋ تەبىنىن ۇزدىكسىز ارتتىرىپ، ەكولوگيالىق وركەنيەت قۇرىلىسىن ىلگەرىلەتىپ، ناقتى ونىمدىلىكتى ۇزدىكسىز كۇشەيتتى.
لي جانشۋ مىنالاردى دارىپتەدى: مەملەكەتتى جاپپاي زاڭمەن جونگە سالۋدىڭ ىشكەرىلەي ىلگەرىلەۋىنە بايلانىستى، ءار جاقتىڭ زاڭدى ۇيرەنۋ، زاڭعا بويسۇنۋ سانالىلىعى ۇزدىكسىز كۇشەيىپ، زاڭنىڭ اتقارىلۋىندا كورنەكتى ونىمدىلىككە قول جەتكىزىلدى. سونىمەن بىرگە، ءىس جۇزىندىك قىزمەت بارىسىندا كوپتەگەن زاڭنىڭ ءالى دە جان - جاقتى، قاتاڭ اتقارىلماعانىن دا كورە ءبىلۋىمىز كەرەك. زاڭ − پارتيانىڭ قۋاتتاماسى مەن حالىق ەركىنىڭ شوعىرلى بەينەلەنۋى، وندا ۇزاق ۋاقىتتىق امالياتتىق تاجىريبە مەن كەڭ كولەمدى قوعامدىق ورتاق تانىم شوعىرلانعان، ءبىر زاڭدا سايكەستى سالالارداعى قىزمەتتەر جونىندە جان - جاقتى تۇزىمدىك بەلگىلەمەلەر بار، ونىڭ ۇستىنە ماجبۇرلەۋ سيپاتى دا بار. جاپپاي دايەكتى تياناقتاندىرىلسا، سايكەستى سالالارداعى قىزمەتتىڭ ساپاسى مەن دەڭگەيى، ءسوز جوق، كورنەكتى جوعارىلايدى.
لي جانشۋ مىنالاردى اتاپ كورسەتتى: قورشاعان ورتانى قورعاۋ زاڭى − ەكولوگيالىق قورشاعان ورتانى قورعاۋ سالاسىندا جەتەكشىلىك رول اتقاراتىن نەگىزدىك، جالپىلىق زاڭ، قورشاعان ورتانى قورعاۋ زاڭىن جاپپاي تياناقتاندىرۋ ءىس جۇزىندە پارتيا ورتالىق كوميتەتىنىڭ ەكولوگيالىق قورشاعان ورتانى قورعاۋ قىزمەتى جونىندەگى شەشىمدەرى مەن ورنالاستىرۋلارىنىڭ تياناقتانۋىن ىلگەرىلەتۋ بولىپ تابىلادى. زاڭداعى بەلگىلەمەلەردى تىعىز ارقاۋ ەتە وتىرىپ زاڭنىڭ اتقارىلۋىن تەكسەرۋدە تاباندى بولىپ، زاڭنىڭ جاسىل، تومەن كومىرتەكتى دامۋدى جەبەۋ جونىندەگى ساياساتتىق شارالارىن، لاستانۋدان ساقتانۋ - جونگە سالۋداعى تۇزىمدىك شارالارىن، ەكولوگيانى قورعاۋ مەن قالپىنا كەلتىرۋدەگى تۇزىمدىك شارالارىن، ۇكىمەتتىڭ زاڭدا بەلگىلەنگەن مىندەتىن تياناقتاندىرۋ جاعدايىن كورنەكتىلەندىرىپ، زاڭدا بەلگىلەنگەن ماڭىزدى تۇزىمدەردى، شارالاردى، جاۋاپكەرلىكتى تياناقتاندىرىپ، ونىمدىلىككە قول جەتكىزۋگە كەپىلدىك ەتۋ كەرەك. زاڭدى جان - جاقتى، جۇيەلى تۇسىنۋگە، زاڭداردى اتقارۋعا ءمان بەرىپ، زاڭ - بەلگىلەمەلەرمەن سالىستىرىپ، زاڭ - ءتۇزىمنىڭ ءونىمدى تياناقتاندىرىلعان - تياناقتانباعانىن، زاڭدا بەلگىلەنگەن قىزمەت جاۋاپكەرلىگىنىڭ شىن مانىندە اتقارىلعان - اتقارىلماعانىن، زاڭدىق جاۋاپكەرلىكتىڭ قاتاڭ قۋزالعان - قۋزالماعانىن ءبىر - بىرلەپ تەكسەرىپ، تەكسەرۋدە بايقالعان ماسەلەلەردى قاداعالاپ، رەتتەۋ - تۇزەتۋدى باقىلاپ، زاڭمەن جونگە سالۋ ارناسىندا لاستانۋدان ساقتانۋ - جونگە سالۋدى، ەكولوگيالىق ورتانى جانە حالىقتىڭ باس اماندىعىن، سالاماتتىعىن، حاۋىپسىزدىگىن قورعاۋدى ىلگەرىلەتىپ، كورىكتى جۇڭگو قۇرۋ كەرەك.
لي جانشۋ مىنالاردى دارىپتەدى: شي جينپيڭ ەكولوگيالىق وركەنيەت يدەياسىن ۇيرەنۋدى، ۇگىتتەۋدى تەكسەرۋدىڭ ءارقايسى بۋىنىنا، تۇتاس بارىسىنا ءسىڭىرۋ كەرەك. ەكولوگيالىق ورتانى قورعاۋ زاڭ جۇيەسىن ۇزدىكسىز كەمەلدەندىرىپ، زاڭمەن جونگە سالۋ ۇگىت - تاربيەسىن ىشكەرىلەي ورىستەتىپ، كورىكتى جۇڭگو قۇرۋدى جالپى حالىقتىڭ سانالى ارەكەتىنە اينالدىرۋ كەرەك. جالپى بارىستىق حالىق دەموكراتياسى ۇستانىمىن امالياتتا ايگىلەپ، حالىقتىڭ تىلەگىن تولىق قابىلداپ، حالىقتىڭ اقىل - پاراساتىن شوعىرلاندىرىپ، بۇقارانىڭ ماڭايىنداعى كورنەكتى ەكولوگيالىق ورتا ماسەلەلەرىن شەشۋدى ىلگەرىلەتۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى جاڭ چۇنشيان، شىن يۋەيۋە، ديڭ جۇڭلي ماجىلىسكە قاتىناستى. مەملەكەتتىك كەڭەستىڭ مۇشەسى ۋاڭ يۇڭ ماجىلىسكە قاتىناستى ءارى ءسوز سويلەدى. مەملەكەتتىك حالىق قۇرىلتايى تۇراقتى كوميتەتى كەڭسەسىندەگى جاۋاپتى جولداستار، مەملەكەتتىك حالىق قۇرىلتايى قورشاعان ورتا جانە بايلىقتى قورعاۋ كوميتەتىنىڭ قۇرامىنداعىلار ماجىلىسكە قاتىناستى. مەملەكەتتىك كەڭەستىڭ زاڭ اتقارۋدى باسقارۋشى تاراۋىنداعى جاۋاپتى جولداس مالىمەت بەردى، قاتىستى تاراۋلار جازباشا ماتەريال بەردى. ولكەلىك (اۆتونوميالى رايوندىق، توتە قاراستى قالالىق) حالىق قۇرىلتايى تۇراقتى كوميتەتتەرىندەگى جاۋاپتى جولداستار بەينە ەكران تاسىلىمەن ماجىلىسكە قاتىناستى.
وسى رەتكى زاڭنىڭ اتقارىلۋىن تەكسەرۋدە كوميتەت باستىعى لي جانشۋ گرۋپپا باستىعى بولىپ، 4 تەكسەرۋ گرۋپپاسىن ۇيىمداستىرىپ، 8 ولكە، اۆتونوميالى رايونعا بارىپ ناق مايداندا تەكسەرۋ جۇرگىزدى، سونىمەن بىرگە، باسقا ولكە دارەجەلى حالىق قۇرىلتايى تۇراقتى كوميتەتىنە تەكسەرۋ جۇرگىزۋدى جۇكتەدى، 31 ولكەنى (اۆتونوميالى رايون، توتە قاراستى قالا) «جاپپاي قامتۋدى» جۇزەگە اسىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
