مۇنداي ارەكەتتەرگە قاتاڭ سوققى بەرىلەدى!
2022.03.25 13:48 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىنشا، 3 - ايدىڭ 23 - كۇنى 2022 – جىلعى شينجياڭ ۇيعۇر اۆتونوميالى رايون اۋىل شارۋاشىلىق ءوندىرىس قۇرال ـ جابدىقتارىن اۋىل ـ قىستاققا جەتكىزۋ ۇگىت اپتالىعى جانە جاسىل ازىق ـ تۇلىك ۇگىت ايى قيمىلىن رەسمي باستاپ، شينجياڭنىڭ اۋىل شارۋاشىلىعى، اۋىل ـ قىستاق، قوعام حاۋىپسىزدىگى، بازاردى باقىلاۋ ـ باسقارۋ سياقتى تاراۋلارى اۋىل شارۋاشىلىق ءوندىرىس قۇرال ـ جابدىقتارى بازارىن باقىلاۋ ـ باسقارۋدى قول ۇستاسا كۇشەيتىپ، اۋىل شارۋاشىلىق ءوندىرىس قۇرال ـ جابدىقتارىنىڭ «اۋىل شارۋاشىلىعىنا زيان جەتكىزۋ» ارەكەتىنە قاتاڭ سوققى بەرىپ، جاسىل، ساپالى اۋىل شارۋاشىلىق ءوندىرىس قۇرال ـ جابدىقتارىمەن قامداۋ نەگىزگى ارناسىن ىركىلىسسىزدەندىرىپ، اۋىل شارۋاشىلىق ءوندىرىس قۇرال ـ جابدىقتارىنىڭ اۋىل ـ قىستاققا، اتىزعا ، وتباسىلارىنا جەتكىزىلىپ، كوكتەمگى ەگىس ءوندىرىسىنىڭ ءساتتى ورىستەتىلۋىنە كەپىلدىك ەتىپ، كوكتەمگى ەگىس ءوندىرىسىنىڭ ورنىقتى ارتۋىن قامتاماسىز ەتەدى.
تانىستىرۋعا قاراعاندا، بيىلعى ۇگىت اپتالىعى قيمىلىندا «الاڭسىز اۋىل شارۋاشىلىق ءوندىرىس قۇرال ـ جابدىقتارىن اۋىل ـ قىستاقتارعا جەتكىزۋ، جاسىل دامۋ ارقىلى گۇلدەنۋدى جەبەۋ» نەگىزگى تاقىرىپ ەتىلگەن، شينجياڭداعى ءار دارەجەلى اۋىل شارۋاشىلىعى، اۋىل ـ قىستاق تاراۋلارى قاتىستى تاراۋلارمەن بىرگە كوكتەمگى ەگىستى، اۋىل شارۋاشىلىق ءوندىرىس قۇرال ـ جابدىقتارىن ءبىر – بىرلەپ تەكسەرۋدى شوعىرلى ورىستەتىپ، اۋىل شارۋاشىلىق ءوندىرىس قۇرال ـ جابدىقتارىن تيجارات ەتۋشىلەرمەن اڭگىمە وتكىزەدى. توراپتىق ەلەكتروندىق ساۋدا تەكشەلەرىنىڭ جانە جىلجىمالى ساۋداگەرلەردىڭ ساتىلۋىنا تيىم سالىنعان اۋىل شارۋاشىلىق دارىلەرىن جانە جالعان، ساپاسىز اۋىل شارۋاشىلىق ءوندىرىس قۇرال - جابدىقتارىن ساتۋ ارەكەتىنە سوققى بەرۋ تەبىنىن ارتتىرىپ، زاڭ اتقارۋ، دەلو باسقارۋدى شىنايى كۇشەيتەدى. تۇقىم، اۋىل شارۋاشىلىق دارىلەرى، مال دارىلەرى، تىڭايتقىش، جەم - ءشوپ، سۋلياۋ جارعاق، اۋىل شارۋاشىلىق ماشينا جابدىقتارى سياقتى اۋىل شارۋاشىلىق قوسىلىمدارىن ءتۇيىن ەتكەن كومەسكى قاتەرلەردى تەكسەرىپ جانە باقىلاپ، ۇلگى الىپ تەكسەرۋدى ءتۇيىندى تۇردە ورىستەتىپ، جالعان، جارامسىز اۋىل شارۋاشىلىق ءوندىرىس قۇرال - جابدىقتارى دەلوسىنىڭ جاڭا ەرەكشەلىگىنە دۇرىس تالداۋ جاساپ، ونى يگەرىپ، زاڭ اتقارۋدىڭ ىقپالداستىعىن كۇشەيتىپ، دەلو دەرەكتەرىن تەكسەرىپ، سارالاپ، «استە كەڭشىلىك ەتپەۋ» پوزيتسياسىمەن زاڭسىز تيجارات جۇرگىزۋ، جالعان، ساپاسىز جارناما جاريالاۋ سياقتى زاڭعا قايشى ارەكەتتەرگە جاپپاي سوققى بەرەدى.
سونىمەن بىرگە، ءار دارەجەلى اۋىل شارۋاشىلىعى، اۋىل - قىستاق تاراۋلارى اۋىل - قىستاق راديوسىنىڭ دىبىس ۇلعايتقىشى، قىسقا كەسكىن سياقتى تاسىلدەردەن ويداعىداي پايدالانىپ، بۇقارا قۋانا تىڭداپ، قۇمارتا كورەتىن تاسىلدەر ارقىلى اۋىل شارۋاشىلىق ءوندىرىس قۇرال - جابدىقتارىندا جالعان ونىمدەردى پارىقتاۋ، جاسىل ءوندىرىس، جاسىل تۇتىنۋ، جاسىل دامۋ بىلىمدەرىن كەڭىنەن جالپىلاستىرىپ، جاسىل ازىق - تۇلىكتەردىڭ ساپا ابزالدىلىعىن، ولشەم ابزالدىلىعىن، ماركا ابزالدىلىعىن تولىق ساۋلەلەندىرىپ، ءوندىرىس جۇمىس ەرەجەسىن «كاسىپورىندارعا، وتباسىلارىنا جەتكىزۋدى» ىلگەرىلەتىپ، اۋىل شارۋاشىلىق ءوندىرىسىنىڭ ساپالى تۇقىم جەتىلدىرۋىن، ساپاسىن جوعارىلاتۋىن، ايگىلى ماركا جاراتۋىن جانە ولشەمدەندىرىپ ءوندىرۋىن ىلگەرىلەتۋگە دەم بەرەدى.
شينجياڭ ۇيعۇر اۆتونوميالى رايوننىڭ اۋىل شارۋاشىلىق ءوندىرىس قۇرال ـ جابدىقتارى جالعان ونىمدەرىنە سوققى بەرۋ، اشكەرەلەۋ تەلەفونى: 0991-7500129 ءار دارەجەلى ارىز ـ شاعىم ايتۋ، اشكەرەلەۋ تەلەفونى دا شينجياڭ ۇيعۇر اۆتونوميالى رايوندىق اۋىل شارۋاشىلىق، اۋىل ـ قىستاق مەڭگەرمەسىنىڭ رەسمي تورابىندا جاريالانىپ، بۇقارانىڭ باقىلاۋىن، اشكەرەلەۋىن قابىلدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
