قوعام حاۋىپسىزدىگى مينيسترلىگى زەينەتكەرلىك الدامكوستىگىنە سوققى بەرۋ، وڭاۋ ارناۋلى قيمىلىن ورىستەتەدى
2022.04.20 15:53 كەلۋ قاينارى : حالىق تورابى
جۇڭگو اقپارات تورابىنىڭ 4 - ايدىڭ 19 - كۇنى بەيجيڭنەن بەرگەن حابارى. مەملەكەتتىك قوعام حاۋىپسىزدىگى ورگاندارىنىڭ زەينەتكەرلىك الدامكوستىگىنە سوققى بەرۋ، جونگە سالۋ ارناۋلى قيمىلىن ورنالاستىرۋ ءماجىلىسى 4 - ايدىڭ 19 - كۇنى اشىلىپ، ءار دارەجەلى قوعام حاۋىپسىزدىگى ورگاندارىنىڭ زەينەتكەرلىك الدامكوستىگىنە قاتىستى زاڭعا قايشى قىلمىستارعا زاڭ بويىنشا قاتاڭ سوققى بەرىپ، قارتتاردىڭ زاڭدى ۇقىق – مۇددەسىن شىنايى قورعاۋىن ورنالاستىردى. ۇعىسۋعا قاراعاندا، 2017 - جىلدان بەرى بۇكىل ەلدەگى قوعام حاۋىپسىزدىگى ورگاندارى 4500دەن استام زەينەتكەرلىك الدامشىلىعى دەلوسىن اشكەرەلەپ، 11 مىڭنان استام قىلمىس كۇماندىسىن قولعا تۇسىرگەن.
قوعام حاۋىپسىزدىگى مينيسترلىگى مىنانى تالاپ ەتتى: جول اشىپ، ءتۇرلى شارالاردى قاتار قولدانىپ، زاڭمەن جونگە سالۋ قىزمەتىنىڭ ورلەۋىن جەدەل كوتەرۋ كەرەك. دەرەكتەردى ءبىر جاقتى ەتۋدى كۇشەيتىپ، بۇقارانى كەڭ كولەمدە اتتانىسقا كەلتىرىپ، تاراۋلاردىڭ سايكەسۋىن كۇشەيتىپ، زەينەتكەرلىك الدامشىلىعىنىڭ زاڭعا قايشى قىلمىستىق دەرەكتەرىن دەر كەزىندە بايقاپ، ءبىر جاقتى ەتۋ كەرەك. «زەينەتكەرلىككە قىزمەت وتەۋ»، «قارتتاردى كۇتىمگە الۋ نىساندارىنا» قارجى قوسۋ، «قارتتاردى كۇتىمگە الۋ ونىمدەرىن» ساتۋ، «ءۇي ارقىلى قارتتاردى كۇتىمگە الۋ»، «زەينەتكەرلىك قامسىزداندىرۋىن» ۋاكىلدىك رەتىندە باسقارۋ، «قارتتاردى كۇتىمگە الۋعا كومەكتەسۋ» سياقتىلاردى ورىستەتۋ دەگەن اتپەن، الداپ ساتۋ، قارجى توپتاۋ الدامشىلىعىمەن شۇعىلدانۋ، الەۋمەتتىڭ امانات اقشاسىن زاڭسىز قابىلداۋ، وتكەرمەلەپ ساتۋ قيمىلىن ۇيىمداستىرۋ جانە وعان باسشىلىق ەتۋ، توقتام الدامشىلىعى، جالعان، جارامسىز تاۋارلاردى جاساۋ، ساتۋ جانە ءوندىرۋ، ساتۋ، جالعان، جارامسىز دارىلەرمەن قامداۋ سياقتى قارتتاردىڭ مال - مۇلىك ۇقىق - مۇددەسىنە زالال جەتكىزەتىن زاڭعا قايشى ءتۇرلى قىلمىستىق ارەكەتتەردى ءتۇيىن ەتۋ كەرەك. دەلونى اشىپ قامال الۋدى ىشكەرىلەي ورىستەتىپ، جاڭا دەلولاردى دەرەۋ اشۋ، باسىلىپ قالعان دەلولاردان قامال الۋ ، قاشىپ جۇرگەن قىلمىس كۇماندىسىن قۋعىنداۋعا كۇش سالۋ كەرەك.
قوعام حاۋىپسىزدىگى مينيسترلىگى مىنانى تالاپ ەتتى: دەلو جاعدايى اۋىر، ىقپالى ناشار ءبىر توپ ءىرى، ماڭىزدى دەلولاردى نىسانالى قۋزاپ، ساتىلار بويىنشا قىسىم ءتۇسىرىپ، جاۋاپكەرشىلىكتى قاتايتىپ، ناقتىلاندىرىپ، دەلو اشۋدان قامال الۋدا ناقتى ونىمدىلىككە قول جەتكىزۋدى ىلگەرىلەتۋ كەرەك. قارتتاردى كۇتىمگە الۋ الدامشىلىعى قىلمىستىلار توبىندا ءومىر ءسۇرۋى مۇمكىن بولعان سۇرقيا كۇشتەردى بايقاۋعا جانە پارىقتاۋعا نازار اۋدارىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرۋمەن ۇشتاستىرىپ، زاڭ بويىنشا قاتاڭ جازالاۋ كەرەك. زاڭدى قاتاڭ ارناعا ءتۇسىرىپ، حاۋىپ ـ قاتەردەن ساقتانىپ جانە ونى جويىپ، زاڭدىق ونىمدىلىكتىڭ، ساياسي ونىمدىلىكتىڭ جانە قوعامدىق ونىمدىلىكتىڭ بىرلىگىنە شىنايى كەپىلدىك ەتۋ كەرەك. ۇگىت جۇرگىزۋدى، ساقتانۋدى كۇشەيتىپ، زەينەتكەرلىك الدامشىلىعىندا زاڭعا قايشى قىلمىستىق ارەكەتتەرگە ساياتىن تيپتىك دەلولاردى كەڭ كولەمدە ۇگىتتەپ، قىلمىس وتكىزۋ ءتاسىلىن اشكەرەلەپ، قارتتاردىڭ الدامشىلىقتان ساقتانۋ قابىلەتىن جوعارىلاتۋ كەرەك.. قىلمىس كۇماندىسىنىڭ قارجىسىن سوڭىنا دەيىن تەكسەرىپ، ارام ولجانى بار كۇشپەن قايتارىپ، زيانعا ۇشىراعان بۇقارانىڭ زيانىن مۇمكىندىكتىڭ بارىنشا ازايتۋ كەرەك. ۇيىمدىق ورنالاستىرۋدى، سەلبەسىپ سايكەسۋدى جانە قۋزاۋ ـ جەتەكشىلىك ەتۋدى، باعالاۋدى كۇشەيتىپ، ءتۇرلى ورنالاستىرۋ مەن قىزمەت شارالارىن ناقتى، ەگجەي ـ تەگجەيلى يگەرىپ، باياندى مەحانيزمدى اقاۋسىزداندىرىپ، كەمەلدەندىرىپ، ارناۋلى ارەكەتتىڭ ناقتى ونىمدىلىككە قول جەتكىزۋىنە كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
