جاۋ ليجيان ناتو ازيا مەن بۇكىل دۇنيەنى بىلىقتىرۋعا ۇرىنباۋى كەرەك دەدى
2022.04.12 15:35 كەلۋ قاينارى : حالىق تورابى
4 - ايدىڭ 6 - كۇنىنەن 7 - كۇنىنە دەيىن وتكىزىلگەن ناتونىڭ سىرتقى ىستەر مينيسترلەرى ءماجىلىسى كەزىندە، ناتونىڭ باس حاتشىسى ستولتەنبەرگ جۇڭگو جاقتىڭ رەسەيدىڭ ۋكرايناعا جاساعان شاپقىنشىلىق ارەكەتىن ايىپتاۋدى قالامايتىندىعىن ايتىپ، جۇڭگو جاقتىڭ ءادىسى رەسەيمەن بىرگە يەلىك ۇقىقتى ەلدەردىڭ ءوزىن - ءوزى بيلەۋ ۇقىعىنا كۇماندانىپ، ناتوعا قاتاڭ سايىس جاريالادى دەپ جازعىردى.
بۇل جونىندە سىرتقى ىستەر مينيسترلىگىنىڭ مالىمدەمەشىسى جاۋ ليجيان 4 - ايدىڭ 11 - كۇنى كەزەكتى تىلشىلەر جينالىسىندا سۇراۋعا جاۋاپ بەرىپ بىلاي دەدى: ءبىر مەزگىلدەن بەرى ناتونىڭ جاۋاپتىسى شىندىقتى ەلەپ ـ ەسكەرمەي، اق پەن قارانى شاتاستىرىپ، جۇڭگو جاقتى ۇزدىكسىز جازعىرىپ جانە قارالاپ شابۋىل جاساپ، جۇڭگونىڭ سىرتقى ساياساتىن بەتالدى تالقىلاپ، «جۇڭگو حاۋىپ ـ قاتەرى نازارياسى» دەپ داۋرىقتى، تاياۋدا جۇڭگوعا ءتىپتى دە قىسىم جاسادى، جۇڭگو بۇعان قاتتى نارازى بولىپ، باتىل قارسى تۇرىپ، ناتو جاقپەن تالاي رەت قاتاڭ تىلدەستى.
جاۋ ليجيان بىلاي دەدى: قىرعي قاباقتىق سوعىستىڭ تۋىندىسى جانە دۇنيە جۇزىندەگى ەڭ ۇلكەن اسكەري وداق رەتىندە ناتو ۇزاق ۋاقىت كونە حاۋىپسىزدىك كوزقاراسىن ساقتاپ، «كونە قىرعي قاباقتىق سوعىس» تاسىلىمەن لاگەرگە ءبولىنىپ قارسىلاسىپ، ءىشىنارا ەلدەردىڭ باسا بيلەۋشىلىككە تالپىنۋىنىڭ قۇرالىنا اينالدى. ناتو اۋىز جۇزىندە ءوزىن «قورعانۋ سيپاتىنداعى ۇيىم» دەپ جار سالعانىمەن، ءىس جۇزىندە ۇزدىكسىز قارسىلاسىلىق تۋدىرىپ، سويقان شىعاردى؛ ناتو باسقا ەلدەردەن حالىقارالىق قاتىناستىڭ نەگىزگى ەرەجەسىنە بويسۇنۋدى تالاپ ەتتى، ءبىراق يەلىك ۇقىقتى ەلدەرگە بەتالدى سوعىس قوزعاپ، قۇتىرىنا بومبىلاپ، بەيكۇنا بۇقارانى جانىنان جۇدا ەتتى جانە پاناسىز كۇيگە ءتۇسىردى؛ ناتو سولتۇستىك اتلانت مۇحيتىنىڭ اسكەري ۇيىمى بولا تۇرا، تاياۋ جىلداردان بەرى ازيا - تىنىق مۇحيت وڭىرىنە قاراي ايبار كورسەتىپ، قايشىلىقتى قوزعادى. ناتو وڭىرلەر مەن سالالاردى ۇزدىكسىز بۇزىپ، توپ بولىپ قارسىلاسقان «جاڭا قىرعي قاباقتىق سوعىستى» ۋاعىزدادى، حالىقارالىق قوعام بۇعان بارىنشا قىراعى بولۋى ءارى باتىل قارسى تۇرۋى كەرەك.
جاۋ ليجيان بىلاي دەدى: جۇڭگو باستان ـ اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى، بەيبىت دامۋ جولىمەن بۇلجىماي جۇرەدى. جۇڭگونىڭ دامۋى ءارقانداي ادامعا قاتەر ەمەس، بۇكىل دۇنيە ءجۇزىنىڭ ورايى. ناتو جۇڭگو جاققا قاراتىلعان شىندىققا جاناسپايتىن سوزدەر مەن ارانداتۋشىلىق سوزدەردى تاراتۋدى دەرەۋ توقتاتىپ، يدەولوگيا بويىنشا جىككە بولەتىن قارسىلاسۋ ارەكەتىنەن بەزۋى كەرەك.
جاۋ ليجيان بىلاي دەدى: ناتو ەۆروپانى بىلىقتىردى، ەندى ازيانى، بۇكىل دۇنيە ءجۇزىن بىلىقتىرۋعا ۇرىنباۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
