شينجياڭنان ءبىر كوللەكتيۆ، ءبىر جەكە بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسۋ ماراپاتىنا يە بولدى
2022.04.11 15:05 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى دۇڭ لياڭ 4 - ايدىڭ 8 - كۇنى ۇرىمجىدەن حابارلايدى. 4 - ايدىڭ 8 - كۇنى پارتيا ورتالىق كوميتەتى، مەملەكەتتىك كەڭەس مەملەكەتتىك تەز سىرعاناۋ سارايى الاڭ - ساراي جۇمىس ۇجىمى سياقتى 148 كوللەكتيۆكە ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆ“ اتاعىن بەرۋدى؛ سۋ يميڭ قاتارلى 147 جولداسقا، دىڭ شياۋلان جولداسقا ”بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان جەكە“ اتاعىن بەرۋدى، تولىقتاپ بەرۋدى ۇيعاردى. مۇنىڭ ىشىندە شينجياڭنان ءبىر كوللەكتيۆ، ءبىر جەكە ماراپاتقا يە بولدى، ولار جەكە - جەكە التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى، التاي ايماعىنان كەلگەن مەملەكەتتىك دالالىق قار شاڭعى قۇراماسىنىڭ جاتتىقتىرۋشىسى يىلھامجان.
”ءبىز باس شۋجي شي جينپيڭنىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، دۇنيە جۇزىلىك ساياحات جانە قار - مۇز سپورت نىسانالى جەرىن قۇرۋدى جەتەكشى ەتىپ، جيلين - شينجياڭ قار - مۇز ەكونوميكاسىن جوعارى ساپالى دامىتۋ سىناق رايونىن بىرگە قۇرۋ قۇرىلىسىن جەدەل ىلگەرىلەتىپ، نازاردى ’4 باقشا، ءبىر رايون‘ قار - مۇز وزەكتى رايونىنا شوعىرلاندىرىپ، قار ەرەكشەلىگىن كورنەكتىلەندىرىپ، قار قىزمەتىن ويداعىداي ىستەيمىز“، - دەدى التاي ايماقتىق مادەنيەت، ساياحات مەكەمەسى پارتيا باسشىلىق گرۋپپاسىنىڭ شۋجيى ليۋ كىچۋان.
بەيجيڭ قىسقى وليمپيادا سپورت جارىسىن وتكىزۋدىڭ الدى - ارتىندا التاي ايماعى الۋان فورماداعى قار - مۇز جارىس قيمىلدارىن بەلسەنە ۇيىمداستىرىپ، ورىستەتىپ، 500 ادامدىق ەرىكتىلەر قوسىنىن باۋلىپ جانە قۇرىپ، 16 ادامدى تاڭداپ، بەيجيڭ قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى تاۋ شاڭعى جارىس ءتۇرىنىڭ ەل ىشىندەگى تەحنيكالىق قىزمەتكەرى مىندەتىن ارقالاۋعا جىبەردى؛ ىلگەرىندى - كەيىندى اۆتونوميالى رايوندا، ايماقتا كاسىپتىك جانە بۇقارالىق قار - مۇز جەلىلەس جارىستارىن وتكىزىپ، قاتىناسۋشىلار 20 نەشە مىڭ ادام - رەتكە جەتتى؛ تۇتاس ايماقتاعى ورتا، باستاۋىش مەكتەپ وقۋشىلارىنىڭ دەنە تاربيە ساباعىن كونكي مايدانى مەن شاڭعى الاڭىندا ءوتىپ، جاستار مەن ورەندەردىڭ قار - مۇز سپورت قۇراماسىن قۇرۋ ارقىلى اۆتونوميالى رايون جانە مەملەكەت قۇراماسىنا ءبىر توپ ۇزدىك قار - مۇز زاپاس دارىندىلارىن دايىنداپ بەردى.
كەزىندە التاي ايماعىندا نەگىزگى ساتى دالالىق شاڭعى جاتتىقتىرۋشىسى بولعان يىلھامجان دىلنيگار يىلھامجان، بايان جالىن قاتارلى ءبىر توپ ۇزدىك قار - مۇز دارىندىلارىن باۋلىپ جەتىلدىرگەندىكتەن، شينجياڭ دالالىق قار شاڭعى قۇراماسىنىڭ جاتتىقتىرۋشىسى بولىپ تاڭدالدى، 2021 - جىلى جۇڭگو دالالىق قار شاڭعى قۇراماسىنىڭ جاتتىقتىرۋشىلار گرۋپپاسىنا كىردى. بەيجيڭ قىسقى وليمپيادا سپورت جارىسىندا دىلنيگاردىڭ، باياننىڭ بەينەسى كورنەكتى بولىپ، جۇڭگو دالالىق قار شاڭعى قۇراماسىنىڭ قىسقى وليمپيادا سپورت جارىسىنداعى ناتيجەسىنىڭ تاريحي سيپاتتى ىلگەرىلەۋشىلىككە قول جەتكىزۋىنە ۇلەس قوستى.
”مەن حالىق سارايىنا كىرگەن ساتتە قاتتى تەبىرەندىم. وسى اتاققا يە بولۋىم مەنىڭ قىزمەتىمدى تۇراقتاندىرعاندىق، سونداي - اق ماعان دەگەن شابىت، ءوزىمنىڭ ارقالاعان جاۋاپكەرشىلىگىمنىڭ اۋىر ەكەنىن ءتىپتى دە تەرەڭ سەزىندىم“، - دەدى يىلھامجان، - ”مەن بۇرىنعىداي شينجياڭ قار - مۇز سپورتشىلارىن بايقاپ جانە جەتىلدىرىپ، مەملەكەتتىك قۇراماعا ءتىپتى دە كوپ قار - مۇز دارىندىلارىن دايىنداپ بەرەمىن“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
