مەملەكەتتىك كوشى – قوندى باسقارۋ مەكەمەسى ۆيزانى الدامكوستىكپەن ءبىتىرىپ، زاڭسىز تۇردە شەكارادان كىرۋگە قاتىستى دەلونى انىقتاۋعا جەتەكشىلىك ەتتى
2022.04.11 14:30 كەلۋ قاينارى : حالىق تورابى
زاڭمەن جونگە سالۋ گازەتىنىڭ ءتىلشىسى دۇڭ فانچاۋ حابارلايدى. مەملەكەتتىك كوشى – قوندى باسقارۋ مەكەمەسى جۋىردا شاڭحاي قوعام حاۋىپسىزدىگى مەكەمەسىنىڭ شەكارادان كىرىپ – شىعۋدى باسقارۋ تاراۋىنا جەتەكشىلىك ەتىپ، شەتەلدىكتەردى جۇڭگوعا كەلەتىن ۆيزانى الدامكوستىكپەن بىتىرۋگە ۇيىمداستىرعان قىلمىستىق توپتى تالقانداۋ تۋرالى ورنالاستىرۋ جاساپ، شەكارادان كىرۋگە قاجەتتى كۋالىكتى ساتىپ بەرۋمەن اينالىسقان قىلمىس كۇماندىلارىنان 12 ادامدى ىلگەرىندى – كەيىندى تۇتقىنداپ، ۆيزانى الدامكوستىكپەن بىتىرگەن شەتەلدىكتەردەن 164 ادامدى انىقتاعان.
ۇعىسۋعا قاراعاندا، شاڭحاي قالالىق قوعام حاۋىپسىزدىگى مەكەمەسى باۋشان بولىمشە مەكەمەسىنىڭ شەكارادان كىرىپ – شىعۋدى باسقارۋعا جاۋاپتى حالىق ساقشىلارى 2021 – جىلى 8 – ايدا قاراستى وڭىردەگى شەتەلدىكتەردى كۇندەلىكتى باسقارۋ بارىسىندا، شەتەلدىك ءبىر ايەلدىڭ جۇڭگوعا كەلىپ قىزمەت ىستەۋ ۆيزالىق كۋالىگى مەن ونىڭ شەكارادان كىرگەننەن كەيىنگى قىزمەت ورنى سايكەس كەلمەيتىنىن بايقاعان. حالىق ساقشىسى سۇراستىرۋ جانە تەكسەرۋ بارىسىندا، بۇل شەتەلدىك ايەل زاڭسىز دەلدالدار ارقىلى بەلگىلى سەرىكتەستىكپەن توقتامداسىپ، جۇڭگوعا كەلۋگە شاقىرۋ قاتارلى ماتەريالداردى ساتىپ العانى، شەكارا سىرتىندا ۆيزانى الدامكوستىكپەن ءبىتىرۋ ارقىلى شەكارادان كىرگەنى جونىندەگى زاڭعا قايشى فاكتتەردى مويىنداعان.
مەملەكەتتىك كوشى – قوندى باسقارۋ مەكەمەسى قاتىستى ءجىپ ۇشتارىنا وسكەلەڭ ءمان بەرىپ، شاڭحاي قالالىق قوعام حاۋىپسىزدىگى مەكەمەسىنىڭ شەكارادان كىرىپ – شىعۋدى باسقارۋ تاراۋلارىن ارناۋلى دەلو گرۋپپاسىن قۇرۋعا، كۇش سالا بارلاۋ جۇرگىزۋگە دەرەۋ ۇيىمداستىرعان ءارى جەتەكشىلىك ەتكەن. شاڭحاي قالالىق قوعام حاۋىپسىزدىگى مەكەمەسىنىڭ شەكارادان كىرىپ – شىعۋدى باسقارۋ مەكەمەسى دەلولاردى تەكسەرۋ باسقارماسىنىڭ باستىعى جيا لينبونىڭ تانىستىرۋىنشا، ءجىپ ۇشىنا ىشكەرىلەي تەكسەرۋ جۇرگىزۋ بارىسىندا، ساقشى جاق قىلمىس كۇماندىلارى ليۋ X، شۋ X قاتارلىلار باسشىلىعىنداعى قىلمىستىق توپتى بايقاعان، بۇل قىلمىستىق توپ شاقىرۋ حاتى قاتارلى جۇڭگوعا كەلۋ ۆيزاسىنا ءوتىنىش بەرۋگە قاجەتتى ماتەريالداردى ساتۋ جونىندەگى جارنامالاردى ينتەرنەت تەكشەسى ارقىلى جاريالاپ وتىرعان.
سونىمەن بىرگە، اتالعان ۇيىم قول استىنا بەلسەندى تۇردە ادام توپتاپ، جۇڭگوعا كەلىپ جۇمىس ىستەمەك بولعان شەتەلدىكتەردى ەسىرە قابىلداعان ءارى شەكارادان كىرۋ شارتىنا تولمايتىن شەتەلدىكتەردەن 164 ادامعا ۆيزاعا ءوتىنىش بەرۋگە قاجەتتى شاقىرۋ حاتى قاتارلى ماتەريالداردى ىلگەرىندى – كەيىندى ساتىپ بەرىپ، ولارعا قاتىستى كاسىپورىنداردىڭ ۇسىنىسى بويىنشا جۇڭگوعا كەلىپ شۇعىل مىندەت اتقاراتىن شەتەلدىك قىزمەتكەرلەردىڭ اتىن جامىلدىرىپ، كاسىپورىندار بەرگەن شاقىرۋ حاتى ارقىلى ۆيزانى الداپ الىپ بەرگەن سوڭ، ولاردى شەكارادان كىرگىزىپ زاڭسىز كاسىپتەندىرۋ قاتارلى زاڭعا قايشى ارەكەتتەرمەن شۇعىلدانعان. قىلمىستىق توپ ءاربىر شەتەلدىكتەن نەشە ون مىڭ يۋانعا دەيىن دەلدالدىق قىزمەت وتەۋ اقىسىن العان، وسى ارقىلى زاڭعا قايشى تۇردە 2 ميلليون يۋاننان استام پايدا تاپقان.
قازىر ليۋ X قاتارلى 12 قىلمىس كۇماندىسىنە قىلمىستىق ءىس بويىنشا ماجبۇرلەۋ شاراسى اتقارىلعان، قاتىستى زاڭعا قايشىلىق جاساعان شەتەلدىكتەردى ىشكەرىلەي تەكسەرىپ ءبىرجاقتى ەتۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
