لي كىچياڭ جۇڭگو - پورتۋگال ءتىلدى ەلدەر ەكونوميكا - ساۋدا سەلبەستىك تالقى مىنبەرىنىڭ مينيستر دارەجەلىلەر ەرەكشە ءماجىلىسىنىڭ اشىلۋ سالتىنا قاتىناستى
2022.04.11 15:19 كەلۋ قاينارى : حالىق تورابى
4 - ايدىڭ 10 - كۇنى مەملەكەتتىك كەڭەستىڭ زۇڭليى لي كىچياڭ بەيجيڭدە جۇڭگو - پورتۋگال ءتىلدى ەلدەر ەكونوميكا - ساۋدا سەلبەستىك تالقى مىنبەرىنىڭ مينيستر دارەجەلىلەر ەرەكشە ءماجىلىسىنىڭ اشىلۋ سالتىنا بەينە ەكران تاسىلىمەن قاتىناستى ءارى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
شينحۋا اگەنتتىگى، 4 - ايدىڭ 10 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 10 - كۇنى جۇڭگو - پورتۋگال ءتىلدى ەلدەر ەكونوميكا - ساۋدا سەلبەستىك تالقى مىنبەرىنىڭ مينيستر دارەجەلىلەر ەرەكشە ءماجىلىسىنىڭ اشىلۋ سالتىنا بەينە ەكران تاسىلىمەن قاتىناستى ءارى ءسوز سويلەدى.
لي كىچياڭ مىنانى ءبىلدىردى: جۇڭگو - پورتۋگال ءتىلدى ەلدەر تالقى مىنبەرىنە مۇشە ەلدەر − ابزال دوستار، جاقسى سەرىكتەر، ءار سالاداعى ناقتى ىستەر سەلبەستىگى ۇزدىكسىز تەرەڭدەدى. جۇڭگو جاقتىڭ 2016 - جىلعى 5 - كەزەكتى مينيستر دارەجەلىلەر ماجىلىسىندە جاريالاعان جۇڭگو مەن پورتۋگال ءتىلدى ەلدەردىڭ سەلبەستىگىن جەبەۋگە قاتىستى شارالارى جاپپاي تياناقتاندىرىلدى. جۇڭگو مەن پورتۋگال ءتىلدى ەلدەردىڭ ساۋدا سوماسى ءۇرتىس 5 جىل 100 ميلليارد دوللاردان استى، بىلتىر 200 ميلليارد دوللارلىق ۇلكەن وتكەلدەن ءوتىپ، سەلبەستىكتىڭ سەرپىمدىلىگى مەن دامۋ كومەسكى كۇشىن تولىق ايگىلەدى.
لي كىچياڭ بىلاي دەپ اتاپ كورسەتتى: قازىر حالىقارالىق جانە وڭىرلىك جاعداي اۋمالى - توكپەلى بولىپ وتىر، جاڭا تيپتى ايدارشا ۆيرۋس وكپە قابىنۋ ىندەتى ءالى دە دۇنيە جۇزىندە قايتالانۋدا، دۇنيە ءجۇزى ەكونوميكاسىنىڭ تۇراقسىز فاكتورلارى كورنەكتى جوعارىلاۋدا، ءار ەل بەينەت پەن زەينەتتى بىرگە وتكەرەدى، اششى - تۇششىنى بىرگە تاتادى. جۇڭگو جاق مىناداي ۇسىنىس قويادى:
ءبىرىنشى، بەيبىتشىلىك پەن ورنىقتىلىقتى قورعاپ، دامۋ مەن گۇلدەنۋدى جەبەۋ. بەيبىتشىلىك، ورنىقتىلىق − ءار ەلدىڭ باقىتى، سوعىس، بىلىقپالىق تۋىلۋ، حالىق تىنىش تۇرمىس كەشىرە الماۋ ءار جاققا ءتيىمسىز ىقپال جاسايدى. جۇڭگو باستان - اياق دۇنيە ءجۇزى بەيبىتشىلىگىنىڭ قورعاۋشىسى بولادى، پورتۋگال ءتىلدى ەلدەردى قامتىعان حالىقارالىق قوعاممەن بىرگە بەيبىتشىلىكتى قورعاۋ، ءار ەلدىڭ بىرگە دامۋىن، گۇلدەنۋىن جەبەۋ جولىندا ۇزدىكسىز سىندارلى رول اتقارۋدى قالايدى.
ەكىنشى، ىنتىماقتى، سەلبەستىكتى كۇشەيتىپ، ىندەتتى ەرتەرەك جەڭۋ. جۇڭگو پورتۋگال ءتىلدى ەلدەرمەن ۆاكسينا، ءدارى - دارمەك جانە دەنساۋلىق ساقتاۋ سالاسىنداعى سەلبەستىكتى ۇزدىكسىز كۇشەيتىپ، اۋمىندا جۇڭگو - پورتۋگال ءتىلدى ەلدەردىڭ ىندەتتەن ساقتانۋ، اۋىس - كۇيىس ورتالىعىن قۇرىپ، دۇنيە جۇزىلىك دەنساۋلىق ساقتاۋدى جونگە سالۋ جۇيەسىن كەمەلدەندىرۋدى بىرگە ىلگەرىلەتۋدى قالايدى.
ءۇشىنشى، اشىق سەلبەستىكتە تاباندى بولىپ، ەكونوميكانىڭ قالپىنا كەلۋىن ىلگەرىلەتۋ. جۇڭگو جوعارى دەڭگەيلى، تۇزىمدىك سيپاتتى سىرتقا ەسىك اشۋدا باستان - اياق تاباندى بولادى، پورتۋگال ءتىلدى ەلدەرمەن ساۋدا مەن قارجى قوسۋدىڭ ەركىن، قولايلى بولۋىن ۇزدىكسىز ىلگەرىلەتىپ، نەگىزدىك قۇرىلعىلاردىڭ ۇلاسۋى مەن ءوندىرىس قۋاتى سەلبەستىگىن ىلگەرىلەتىپ، جاسىل ساۋدا مەن ەنەرگيا ۇنەمدەۋ، ورتانى قورعاۋ سالاسىنداعى سەلبەستىكتى دامىتىپ، سەلبەستىك بالكۇلشەسىن بىرگە ۇلعايتىپ، جاڭا ارتۋ تۇيىندەرىن قالىپتاستىرىپ، دامۋ جەتىستىكتەرىنەن ءار ەل حالىقتارىن اناعۇرلىم ويداعىداي يگىلىكتەندىرۋدى قالايدى.
لي كىچياڭ بىلاي دەپ دارىپتەدى: اۋمىن − جۇڭگو مەن پورتۋگال ءتىلدى ەلدەردى تۇتاستىراتىن كوپىر. جۇڭگونىڭ ورتالىق ۇكىمەتى «ءبىر ەل، ەكى ءتۇزىم»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن بۇلجىتپاي دايەكتىلەندىرىپ، اۋمىننىڭ جۇڭگو مەن پورتۋگال ءتىلدى ەلدەردىڭ ساۋدا سەلبەستىگىنە قىزمەت وتەۋ تەكشەسىن ءتىپتى دە ويداعىداي قۇرىپ شىعۋىنا، وزىندىك وزگەشە ابزالدىعىن اناعۇرلىم ويداعىداي ساۋلەلەندىرۋىنە قولداۋ كورسەتەدى. جۇڭگو مەن پورتۋگال ءتىلدى ەلدەردىڭ بىرگە قۇلشىنۋىندا، ەكى جاقتىڭ ءوزارا ءتيىمدى سەلبەستىگىنىڭ ورنىقتى ىلگەرىلەپ، اناعۇرلىم قوماقتى ناتيجەگە، اناعۇرلىم مول تابىستارعا قول جەتكىزەتىنىمىزگە سەنەمىن.
وسى رەتكى ەرەكشە ءماجىلىستىڭ تاقىرىبى «ىندەتكە قول ۇستاسا قارسى اتتانىپ، دامۋدى بىرگە جوبالاۋ» بولدى، جۇڭگو مەن انگولا، برازيليا، كابو - ۆەردە، گۆينەيا - بيساۋ، موزامبيك، پورتۋگاليا، سان - تومە جانە پرينسيپي، شىعىس تيمور سياقتى 8 پورتۋگال ءتىلدى مەملەكەتتىڭ ۇكىمەت ۋاكىلدەرى جەلى ءىشى - سىرتىن ۇشتاستىرۋ ءتاسىلى ارقىلى ءماجىلىستىڭ قاتىستى قيمىلدارىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
