ۇرىمجىدە نەلىكتەن نۋكلەين قىشقىلىنان ۇلگى الۋدى كوپ رەت ورىستەتەدى؟ جاۋابى مىناداي!
2022.04.11 14:41 كەلۋ قاينارى : حالىق تورابى
تيانشان تورابىنىڭ 4 – ايدىڭ 9 – كۇنى بەرگەن حابارى. ءۇرىمجى قالالىق حالىق ۇكىمەتى اقپارات كەڭسەسى 4 – ايدىڭ 9 - كۇنى جاڭا تيپتى ايدارشا ۆيرۋس وكپە قابىنۋ ىندەتى مەن ىندەتتەن ساقتانۋ قىزمەتىنىڭ جاعدايى جونىندەگى اقپار جاريالاۋ ءماجىلىسىن اشتى. ماجىلىستە ءۇرىمجى قالالىق حالىق ۇكىمەتىنىڭ ورىنباسار باس حاتشىسى جوۋ شۋاڭ ءۇرىمجى قالاسىنىڭ نۋكلەين قىشقىلىن تەكسەرۋ جاعدايى جونىندە حابارلاندىرۋ جاريالادى.
ءۇرىمجى قالاسى قازىر ءوڭىر بويىنشا 7 رەت نۋكلەين قىشقىلىن تەكسەرۋدى ورىنداپ بولدى، وسى بارىستا، ۇرىمجىدەگى قالا تۇرعىندارىنىڭ كوبىنىڭ كوكەيىندە «نۋكلەين قىشقىلىنان ۇلگى الۋدى نەلىكتەن وسىنشا كوپ رەت ورىستەتەدى» دەگەن سۇراق تۋىندادى. نۋكلەين قىشقىلىن تەكسەرۋ ىندەتتەن ساقتانۋ – تىزگىندەۋدە ماڭىزدى رول اتقارادى، ۆيرۋسقا شالدىققانداردى تەز ارادا بايقاپ، ۆيرۋستىڭ تارالۋ جولىن ءۇزىپ، وڭاي جۇعىمدالاتىنداردى قورعاۋ، ىندەتتىڭ تارالۋىنان ءونىمدى ساقتانۋ – تەجەۋدەگى ماڭىزدى تاسىلدەردىڭ ءبىرى، سونىمەن بىرگە، «ءتورتتى ەرتە ورىنداۋدى» تياناقتاندىرۋ تالابىنىڭ شەشۋشى شاراسى.
وتە – موتە، وميكرون باسقا ۆيرۋستارمەن ۇقسامايدى، نۋكلەين قىشقىلىن ەرتە تەكسەرىپ قانا قويماي، قايتا – قايتا تەكسەرىپ وتىرۋ قاجەت، سوندا عانا وميكرون وزگەرگەن ۆيرۋس تۇبىرشىگىن بايقاۋعا بولادى، ءىشىنارا جۇعىمدالۋشىلاردىڭ نۋكلەين قىشقىلىن كوپ رەت تەكسەرگەندە بارىپ، ناتيجەسىنىڭ بولىمدى بولعانىن تۇراقتاندىرۋعا بولادى. ويتكەنى، وميكرون وزگەرگەن ۆيرۋس تۇبىرشىگىمەن جۇعىمدالعان سوڭ، ادام دەنەسىندەگى ۆيرۋستىڭ سانى قۇبىلمالى وزگەرىستە بولادى. ەگەر نۋكلەين قىشقىلىن تەكسەرۋ ءدال تەجەلگەن مەزگىلگە تۋرا كەلسە، ۆيرۋستىڭ مولشەرى از بولادى، سول سەبەپتى بايقالماي قالۋى ىقتيمال. ال، وميكرون وزگەرگەن ۆيرۋس تۇبىرشىگىنىڭ تارالۋ ۋاقىتى كوبىنەسە جۇعىمدالعاننان كەيىنگى 1.5 – 5 كۇن ىشىندە بولادى، جۇعىمدالعان ناۋقاستار اراسىنداعى ۋاقىت پارقى ورتا ەسەپپەن 3 كۇن بولادى، سوندىقتان، قىسقا مەرزىم ىشىندە قايتا – قايتا نۋكلەين قىشقىلىن تەكسەرۋ ارقىلى عانا ءونىمدى تۇردە انىقتاپ شىعۋعا بولادى.
ىندەت تۋىلعاننان بەرى، وميكرون وزگەرگەن ۆيرۋس تۇبىرشىگىنىڭ تارالۋ ەرەكشەلىگىنە نەگىزدەلە وتىرىپ، ءۇرىمجى قالاسى نۋكلەين قىشقىلىن تەكسەرۋ جيىلىگىن اناعۇرلىم ارتتىرىپ، «ىندەتتىڭ سىرتتان كەلۋىنەن، ىشكى جاقتا قايتا تارالۋىنان ساقتانۋ» باس ستراتەگياسى مەن بايقالعان سايىن نولگە ءتۇسىرۋ باس باعدارىنا تاباندى بولىپ، تەكسەرۋ قۇرىلىمدارىنىڭ ساپانى مەڭگەرۋىن ۇزدىكسىز كۇشەيتىپ، ۇدايىلانعان جانە شۇعىل جاعدايداعى نۋكلەين قىشقىلىن تەكسەرۋدىڭ دالمە – ءدال، ءونىمدى بولۋىنا كەپىلدىك ەتىپ، ساقتانۋ – تىزگىندەۋگە قاتىستى شەشىم قابىلداۋعا ماڭىزدى نەگىز ازىرلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
