ۇيلەنگەن سوڭ ەكى جىلدان كەيىن اجىراسسا، قالىڭمالدى قايتارىپ الۋعا بولا ما؟
2022.04.19 15:27 كەلۋ قاينارى : حالىق تورابى
[دەلو]
شياۋلي مە شياۋجاڭ 2019 – جىلى دوستارى ارقىلى تانىسىپ، ەكى جاقتىڭ وتباسىنداعىلار كەڭەسكەن سوڭ، ۇيلەنۋگە ۋادەلەسەدى. ۇيلەنۋدەن بۇرىن، شياۋلي شياۋجاڭعا كورىمدىك، قالىڭمال جانە التىن اشەكەي بۇيىمدار ءۇشىن 150 مىڭ يۋاننان استام اقشا جۇمسايدى. ۇيلەنگەن سوڭ، ەكەۋى وتباسىنداعى ۇساق – تۇيەك ىستەرگە بولا ۇنەمى شارماياقتاسىپ، ەكەۋ ارا سۇيىسپەنشىلىككە اقاۋ تۇسەدى. 2021 – جىلى 8 – ايدا، ەكەۋى سوتقا شاعىمدانادى، شياۋلي ەكى جاقتىڭ جۇبايلىق قارىم – قاتىناسىن كۇشىنەن قالدىرۋدى وتىنەدى ءارى ايەلىنىڭ قالىڭمال مەن التىن اشەكەي بۇيىمدار الۋعا جۇمساعان 150 مىڭ يۋاننان استام اقشانى قايتارىپ بەرۋىن تالاپ ەتەدى. شياۋجاڭ اجىراسۋعا قوسىلعانىمەن، قالىڭمالدى قايتارىپ بەرۋدەن باس تارتادى، ول ەكى جاقتىڭ ۇيلەنگەن سوڭ ەكى جىل بىرگە تۇرعانىن، قالىڭمالدىڭ ءبىر ءبولىمىن جاساۋ ساتىپ الۋعا جۇمساعانىن، ءبىر ءبولىمىن ەكى جاقتىڭ كۇندەلىكتى تۇرمىسىنا پايدالانعانىن، نەگىزىنەن قاراجات اسپاعانىن العا تارتادى. مۇنان سىرت، التىن اشەكەي بۇيىمدار ۇيلەنگەن كەزدە بەرگەن ساۋعا سانالاتىنىن، قايتارماسا دا بولاتىنىن ايتادى.
[زاڭ تارماعى]
«ەڭ جوعارى حالىق سوتىنىڭ ‹جۇڭحۋا حالىق رەسپۋبليكاسىنىڭ ازاماتتىق زاڭناماسىنداعى› ۇيلەنۋ جانە وتباسى ءبولىمىن پايدالانۋ جونىندەگى تۇسىندىرمەسىنىڭ (ءبىرىنشى)» 5 – تارماعىندا بىلاي دەپ بەلگىلەنگەن: ىسكە قاتىستى ادامدار سالت – سانا بويىنشا بەرىلگەن قالىڭمالدى قايتارىپ بەرۋدى تالاپ ەتسە، ەگەر تەكسەرۋ بارىسىندا تومەندەگىدەي جاعدايلارعا جاتاتىنى ايقىندالسا، حالىق سوتى وعان قولداۋ كورسەتۋى كەرەك: (ءبىرىنشى) ەكى جاق ۇيلەنۋگە تىزىمدەلۋ رەسميەتتەرىن بىتىرمەگەن بولسا؛ (ەكىنشى) ەكى جاق ۇيلەنۋگە تىزىمدەلۋ رەسميەتتەرىن وتەپ بولعانىمەن، ءالى بىرگە تۇرمىس كەشىرمەگەن بولسا؛ (ءۇشىنشى) ۇيلەنۋدەن بۇرىن تولەگەن ءارى تولەۋشىنىڭ تۇرمىسىندا قيىنشىلىق تۋدىرعان بولسا. الدىڭعى تارماقتارداعى ەكىنشى، ءۇشىنشى بەلگىلەمەلەردى پايدالانۋ ءۇشىن، ەكى جاقتىڭ اجىراسقان بولۋى العى شارت ەتىلەدى.
[زاڭ بويىنشا ءتۇسىندىرۋ]
ءۇرىمجى قالاسى جاڭا قالا رايوندىق حالىق سوتى ازاماتتىق ىستەرگە بايلانىستى تەرگەۋ جۇرگىزۋ 1 – سوتىنىڭ سۋدياسى لۇي جيڭيانىڭ تانىستىرۋىنشا، شياۋلي مەن شياۋجاڭ باسقالار ارقىلى تانىسقان سوڭ، ۇيلەنۋگە تىزىمدەلگەن، ۇيلەنۋ نەگىزى تولىمدى دەۋگە بولادى. وسىدان سوڭ، ەكى جاق جۇبايلىق قارىم – قاتىناستى دۇرىس ءبىرجاقتى ەتە الماعاندىقتان، ماحابباتتارىنا سىزات تۇسكەن، اجىراسۋىنا قوسىلۋعا بولادى.
«شياۋلي شياۋجاڭعا 120 مىڭ يۋان قالىڭمال بەرگەن ءارى وعان 30 مىڭ يۋاننان استام اقشاعا التىن اشەكەي بۇيىمدار الىپ بەرگەن، الايدا، ەكى جاق ۇيلەنۋگە تىزىمدەلۋ رەسميەتىن ءبىتىرىپ بولعان ءارى ەكى جىلعا جۋىق بىرگە تۇرمىس كەشىرگەن، ونىڭ ۇستىنە، شياۋلي قالىڭمال تولەۋ سەبەبىنەن تۇرمىسىندا قيىنشىلىق تۋىلعانىن ىسپاتتاتىن فاكت كورسەتپەگەن»، — دەپ تانىستىردى لۇي جيڭيا، جوعارىداعى زاڭداعى بەلگىلەمەگە ساي، قالىڭمالدى قايتارىپ بەرۋگە ءتيىستى جاعدايعا ۇيلەسپەيدى.
لۇي جيڭيا مىناداي ۇسىنىس بەردى: ۇيلەنۋ — ويىنشىق ەمەس، ەر – ايەل ەكى جاق بايسالدىلىقپەن تالعام جاساۋى كەرەك، تەك ەكى جاق ءبىرىن – ءبىرى تولىق تۇسىنگەن جاعدايدا عانا ۇيلەنگەن ءجون. قالىڭمالعا كەلسەك، ەكى جاق بايسالدىلىقپەن، جاعدايىنا قاراي كەلىسۋى كەرەك. زاتتىق بۇيىمدار تەك سۇيىسپەنشىلىك قاتىناسىنىڭ كومەكشىسىندىك رول اتقارادى، جۇرەكتەر توعىسىپ، بىلەكتەر ايقاسقاندا عانا باقىتتى شاڭىراقتىڭ ىرگە تاسىن قالاۋعا بولادى.
(انار بۇلت \ شينجياڭ گازەتىنىڭ ءتىلشىسى ياڭ شۋحان رەتتەگەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
