”شينجياڭنىڭ كاسىپورىندارىنىڭ بۇلتقا شىعۋىنا“ قاتىناسقان كاسپورىن 20 مىڭعا جەتتى
2022.04.18 15:32 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 4 - ايدىڭ 16 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، شينجياڭ سيفرلى ەكونوميكانى كۇش سالا دامىتىپ، سيفردىڭ كاسىپ سالالانۋىن، كاسىپ سالاسىنىڭ سيفرلانۋىن جەدەل ىلگەرىلەتىپ، ”5G + ونەركاسىپ ينتەرنەتى“، بۇلتتىق ەسەپتەۋ، ۇلكەن ساندى مالىمەت، زەردەلى جاساۋ سياقتى جاڭا تەحنيكالاردىڭ قولدانىلۋىن اناعۇرلىم تەرەڭدەتكەن. قازىر ”شينجياڭ كاسىپورىندارىنىڭ بۇلتقا شىعۋىنا“ قاتىناسقان كاسىپورىن 20 مىڭعا جەتكەن.
كاسىپورىنداردىڭ ”بۇلتقا شىعۋى“ − كاسىپورىنداردىڭ وزدەرىنىڭ كاسىپتى دامىتۋ جانە ينفورماتسيا تەحنيكاسىن قولدانۋ قاجەتتىلىكتەرىنە نەگىزدەلىپ، ەسەپتەۋ، ساقتاۋ، جەلى، تۇعىر، جۇمساق بولشەك سياقتى بۇلتتىق قىزمەت وتەۋدەن پايدالانىپ، ءوندىرىس، تيجاراتتى باسقارۋدى جاقسارتىپ، كاسىپ قابىلەتى مەن دامۋ دەڭگەيىن جوعارىلاتۋىنداعى ماڭىزدى جول، شينجياڭنىڭ ونەركاسىپ ينتەرنەتىنىڭ دامۋىن ىلگەرىلەتۋىنىڭ ىقشام كورىنىسى بولىپ تابىلادى.
ءداستۇرلى ونەركاسىپ كاسىپورىندارىنىڭ ەسكى بەت - بەينەسىن جاڭارتۋدىڭ ارقاسىندا رايونىمىزداعى 20 مىڭنان استام كاسىپورىن ”بۇلتقا شىعۋدىڭ“ يگىلىگىن شىن مانىندە كوردى. كاسىپورىندار ”بۇلتقا شىعۋدىڭ“ تيپتىك ۇلگىسى رەتىندە، حىڭشىڭ مەديتسينالىق عىلىم - تەحنيكا جارنا شەكتى سەرىكتەستىگى زەرتتەپ جاساعان ”سوزىلمالى اۋرۋلاردى ينفورماتسيالاندىرىپ باسقارۋ تۇعىرى“ ونەركاسىپ ينتەرنەتىنەن پايدالانىپ، سوزىلمالى اۋرۋلاردى باسقارۋدى ”تەزدەتتى“. قازىر ”سوزىلمالى اۋرۋلاردى ينفورماتسيالاندىرىپ باسقارۋ تۇعىرى“ بۇكىل ەلدەگى 500دەن استام شيپاحانادا قولدانىسقا بەرىلدى.
”شينجياڭنىڭ كاسىپورىندارىنىڭ بۇلتقا شىعۋىن“ ويداعىداي ىستەۋ بۇلتتىق تۇعىردى ەنگىزىپ، جەتىلدىرىپ، بۇلتتىق قامداۋ قابىلەتىن كۇش سالا جوعارىلاتىپ، الەۋمەتتىك قىزمەت وتەۋ تۇعىرىنىڭ رولىن تولىق ساۋلەلەندىرۋدى قاجەت ەتەدى. سوڭعى كۇندەرى ءۇرىمجى قالالىق ونەركاسىپتىك زاتتار ينتەرنەتى كاسىپ سالاسى باقشاسىنىڭ قۇرىلىسى جەدەل جۇرگىزىلۋدە. قازىر 3 زاۆود ءۇيىنىڭ ％60ى سالىنىپ بولدى، نەگىزگى تۇلعالىق قۇرىلىسىنىڭ ％40ى ورىندالدى، مەجەمەن 11 - ايدىڭ سوڭىندا تولىق سالىنىپ بولىپ، پايدالانۋعا بەرىلەدى، سالىنىپ بولعاننان كەيىن، شينجياڭداعى العاشقى 5G زاتتار ينتەرنەتى كاسىپ سالاسى باقشاسىنا اينالادى. وسى كاسىپ سالاسى باقشاسى زاتتار ينتەرنەتى، ۇلكەن ساندى مالىمەت، بۇلتتىق ەسەپتەۋ، 5G سياقتى تەحنيكالىق نىساندار مەن جوعارى عىلىم - تەحنيكالىق كاسىپورىنداردى اكەلىپ، زەردەلى جاساۋ كاسىپ سالاسى شوعىرىن قالىپتاستىرىپ، ءۇرىمجى قالاسىنداعى، ءتىپتى، بۇكىل شينجياڭداعى كاسىپورىندار ءۇشىن زاتتار ينتەرنەتى قىزمەت وتەۋىن ازىرلەيدى.
جاڭاشا نەگىزدىك قۇرىلعىلار قۇرىلىسى جەدەل ىلگەرىلەتىلىپ، سيفرلى ەكونوميكانىڭ جىلدام دامۋىنا نەگىز قالادى. شينجياڭ 5G ينتەرنەت جەلىسىن كولەمدەندىرىپ ورنالاستىرۋدى جەدەلدەتىپ، جيىنى 20 مىڭعا جۋىق 5G بازالىق ستانسياسىن سالىپ، بارلىق اۋدان دارەجەلى اكىمشىلىك وڭىرلەردىڭ نەگىزگى قالا اۋماعىن 5Gمەن بولمە سىرتىندا ۇزدىكسىز قامتۋدى جۇزەگە اسىردى. 5G تەحنيكاسى تاعى قاشىقتان ەمدەۋ، ەلەكتر جەلىسىن شارلاپ تەكسەرۋ جانە كومىر كەنىن اشۋ سياقتى سالالارداعى 30دان استام ءتۇيىندى نىسانعا ءساتتى قولدانىلدى.
بۇگىنگى تاڭدا شينجياڭنىڭ سيفرلى ەكونوميكاسى جىلدام دامىپ، ونەركاسىپتەندىرۋ مەن ينفورماتسيالاندىرۋدىڭ توعىسۋى ۇزدىكسىز تەرەڭدەتىلدى. 2021 - جىلى بۇكىل رايوننىڭ ينفورماتسيا كاسىپ سالاسىنداعى نەگىزگى جۇمىس جۇرگىزگەن كاسىپتەرىنىڭ كىرىسى 98 ميلليارد 750 ميلليون يۋان بولىپ، سايكەس مەزگىلدەگىدەن ％30.6 ارتتى، 31 نىسان ونەركاسىپ جانە ينفورماتسيالاندىرۋ مينيسترلىگىنىڭ جاڭا بۋىن ينفورماتسيا تەحنيكاسىنىڭ قولدانىلۋى جانە ينفورماتسيا تۇتىنۋى سياقتىلاردى تۇيىندە سىناق ەتۋدەن ۇلگى كورسەتۋ تىزىمىنە ەنگىزىلدى، 2 نىسان 2021 - جىلعى مەملەكەتتىك ونەركاسىپ APPى جانە ينفورماتسيالىق تۇتىنۋ جارىسىندا سيلىق الدى. ”5G+ ونەركاسىپ ينتەرنەتى“ 512 ينجەنەرياسى مەن 5G قولدانۋدان ”جەلكەن كوتەرۋ“ جوسپارىنا ۇزدىكسىز كۇش سالىنىپ، ۇلكەن ساندى مالىمەت كاسىپ سالاسىن دامىتۋ ءۇشىن تۇيىندە سىناق ەتۋدەن ۇلگى كورسەتەتىن 10 نىسان جالپىلاستىرىلىپ قولدانىلدى.
بيىل رايونىمىز جاڭاشا نەگىزدىك قۇرىلعى قۇرىلىستارىن جەدەل ىلگەرىلەتىپ، ۇلكەن ساندى مالىمەت ورتالىعى، گيگابايتتى وپتيكالىق جەلى قۇرىلىسىن تارتىپپەن ىلگەرىلەتەدى؛ كاسىپ سالالارىن سيفرلاندىرىپ جاڭارتۋ ارەكەتىن اتقارىپ، جاڭا بۋىن ينفورماتسيا تەحنيكاسى مەن جاساۋ كاسىبىن توعىستىرا دامىتۋدى تۇيىندە سىناق ەتۋدەن ۇلگى كورسەتۋدى ورىستەتىپ، ونەركاسىپ كاسىپورىندارىنىڭ كاسىپ ءتارتىبى مەن جابدىقتارىن بۇلتتىق ەسەپتەۋ جۇيەسىنە قوسۋدى، تۇعىرعا قوسۋدى ىلگەرىلەتىپ، سيفرلى ەكونوميكانى دامىتىپ زورايتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
