كولەمدەنگەن ەگىمشىلىك، ماشينالاسقان ەگىس جۇمىسى
− شينجياڭ ماقتاسىنىڭ كوكتەمگى ەگىسىنە شولۋ (1)
□ انار بۇلت / شينجياڭ گازەتىنىڭ ءتىلشىسى ءرايدا
2022.04.18 15:28 كەلۋ قاينارى : شينجياڭ گازەتى
تۇيدەك - تۇيدەك اپپاق ماقتالار ىزگى سۇلۋلىق كەستەلەيدى. 4 - ايعا اياق باسىپ تەمپەراتۋرانىڭ ۇزدىكسىز جوعارىلاۋىنا ىلەسە، شينجياڭ ماقتاسى تۇقىم سەبۋدىڭ قاۋىرت مەزگىلىن قارسى الدى. وڭتۇستىكتەن سولتۇستىككە دەيىن كەڭ جايىلعان ماقتا القاپتارىندا ماشينالار گۇرىلدەپ، وسى زامانعى ءىرى تيپتى اۋىل شارۋاشىلىعى ماشينالارى ارلى - بەرلى جۇيتكىپ تۇقىم سەبۋدە، ماشينالاسقان ەگىس جۇمىسىنىڭ سالتاناتتى كورىنىسى مەن مۇندالايدى.
جاقىنعى جىلداردان بەرى شينجياڭ اۋىل شارۋاشىلىعى ماشينالارىمەن جۇمىس جۇرگىزۋدىڭ وسىزاماندانۋ، زەردەلىلەنۋ، ينفورماتسيالانۋ دەڭگەيىن ۇزدىكسىز جوعارىلاتىپ، قىرۋار جوعارى، جاڭا تەحنيكالاردىڭ قولدانىلۋى شينجياڭ ماقتا شارۋاشىلىعىنىڭ جوعارى ساپالى دامۋىنا سەرپىن بەرۋدە. ساندى مالىمەتتە كورسەتىلۋىنشە، شينجياڭ اۋىل شارۋاشىلىعىنىڭ ماشينالاسۋ دەڭگەيى جىلدان - جىلعا جوعارىلاپ، ماقتا ەگۋدىڭ، جيناۋدىڭ جالپىلىق ماشينالاسۋ دەڭگەيى ％80تەن اسقان.
كولەمدەنۋ، ماشينالاسۋ باستى اعىم بولدى
4 - ايدىڭ 11 - كۇنى ساۋان قالاسى داچۋان اۋىلى شاۋفاڭجۋاڭزى قىستاعى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆىنىڭ ماقتا اتىزىندا بەيدوۋ جول نۇسقاۋ جۇيەسىمەن اۆتوماتتى تۇردە جۇرەتىن جۇيە ورناتىلعان تۇقىم سەبۋ ماشيناسى ماقتا تۇقىمىن سەۋىپ جاتتى، كووپەراتيۆتىڭ بىرنەشە مۇشەسى ماقتا تۇقىمىن سەبەتىن ماشينانىڭ سوڭىنان ەرىپ، جۇيەك - جۇيەك بويىنشا شونەكتەۋ، تۇقىم سەبۋ، جارعاق جابۋ، توپىراقپەن جابۋ جاعدايىن تەكسەرىپ كەلەدى.
سولتۇستىك شينجياڭداعى ەڭ ۇلكەن ماقتا ەگىمشىلىگى القابى رەتىندە، ساۋان قالاسىنداعى ءبىر ميلليون 745 مىڭ مۋ جەردەگى ماشينامەن جينالاتىن ماقتا ىركەس - تىركەس تۇقىم سەبۋ كەزەڭىنە وتە باستادى. مەجەمەن 4 - ايدىڭ سوڭىندا تۇقىم سەبىلىپ بولادى. ءبىر ايعا جەتپەيتىن ۋاقىتتا وسىنشاما اۋقىمدى كولەمدەگى تۇقىم سەبۋ جۇمىسىن ورىنداۋ ماشينالاسقان ءوندىرىس تاسىلىنەن قول ۇزە المايدى.
2013 - جىلى قۇرىلعان شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆى جەردى اينالىمعا الۋ ارقىلى ساۋان قالاسىنىڭ داچۋان اۋىلى، قورقىس قالاشىعى جانە بورتۇڭكە مال فەرماسىنىڭ، سونداي - اق بيڭتۋاننىڭ ءبىر ليانىنىڭ جەرىن بىرىكتىردى.
”قازىر سەلبەستىك كووپەراتيۆىمىز 48 مىڭ 600 مۋ جەردى اينالىمعا الىپ، بىتىراڭقى جەرلەردىڭ قىرلارىن بۇزۋ، جەر تەگىستەۋ، تامشىلاتىپ سۋارۋعا وزگەرتۋ جۇمىستارىن جۇرگىزۋ ارقىلى جوعارى ولشەمدى ەگىس اتىزىن قۇرىپ، ماشينالاسقان ەگىس جۇمىسىن، شوعىرلى باسقارۋدى تولىقتاي جۇزەگە اسىردى“، - دەيدى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆىنىڭ باس القاسى حى حۇڭتاۋ ماقتانىشپەن.
بيىل ساۋان قالاسى 4.4 مەترلىك ايرىقشا كەڭ جارعاقپەن ءبىر جولدا 12 قاتاردى جاۋىپ، ماشينامەن جيناۋ، ەگۋ ۇلگىسىن بار كۇشپەن جالپىلاستىرىپ جاتىر. بىلتىر بۇنىڭ پايداسىن كورگەن حى حۇڭتاۋ بيىل دا جاڭا ەگۋ ۇلگىسىن قولداندى ءارى ەگىس اۋماعىن كەڭەيتتى.
”شوعىرلى، كولەمدەنگەن ەگىمشىلىك ءبىزدىڭ جاڭا ەگۋ ۇلگىلەرىن ۇزدىكسىز سىناپ كورۋىمىزگە نەگىز، شارت - جاعداي ازىرلەپ، ماقتانىڭ ءتۇسىمى مەن ساپاسىن جوعارىلاتتى“، - دەدى حى حۇڭتاۋ، ونىڭ ايتۋىنشا بىلتىر ولار جاڭا ەگۋ ۇلگىسىن قولدانعاندىقتان، ءار مۋ جەردەن 300 يۋانداي كىرىس ارتتىرعان.
2014 - جىلدىڭ وزىندە ساۋانداعى ماقتا ەگىسىنىڭ ماشينالاسۋ مولشەرى ％100كە جەتكەن بولاتىن، بىلتىر ماقتا ءوندىرىسى جالپى بارىسىنىڭ ماشينالاسۋ مولشەرى دە ％100كە جەتتى. ”تەك كولەمدەنگەن ەگىمشىلىك بولعاندا عانا، وزىق تەحنيكالاردىڭ جالپىلاسۋىنا شارت - جاعداي جاساۋعا بولادى. قازىر ساۋان ماقتاسىندا ەگىمشىلىكتىڭ كولەمدەنۋى، ەگىس جۇمىستارىنىڭ ماشينالاسۋى، شارۋاشىلىق جۇرگىزۋدىڭ، باسقارۋدىڭ شوعىرلى بولۋى جۇزەگە استى“، - دەدى ساۋان قالاسى اۋىل شارۋاشىلىعى جانە اۋىل - قىستاق مەكەمەسىنىڭ جالپىلاستىرۋ جونىندەگى زەرتتەۋشىسى گاۋ يۇڭجيان.
تيانشان الابىنا كوز جىبەرسەڭىز، كولەمدەنگەن، ماشينالاسقان، شوعىرلى ماقتا ەگىمشىلىگىنىڭ نەگىزگى اعىمعا اينالعانىن بايقايسىز.
لوپنۇر اۋدانىندا ％90تەن استام ەگىستىك جەرگە ماقتا ەگىلەدى، ونىڭ ماشينالاسۋ مولشەرى ％96.7كە جەتكەن؛ شايار اۋدانىندا بيىل ءبىر ميلليون 850 مىڭ مۋ جەرگە ماقتا ەگىلىپ، ماشينالاسۋ مولشەرى ％93تەن اسپاق...
ۇعىسۋىمىزشا 2021 - جىلى شينجياڭ ماقتاسىندا ءدال مولشەرمەن تۇقىم سەبۋ ％88 اۋماقتى قامتىعان، حيميالىق جولمەن شىرپۋ، دەرت - دەربەز، زياندى جاندىك اپاتتارىنان ءبىر تۇتاس ساقتانۋ جانە ونى ءبىر تۇتاس تىزگىندەۋ سياقتى تەحنيكالاردىڭ تياناقتانۋ مولشەرى ％85كە جەتىپ، ماقتانىڭ ماشينامەن جينالۋ مولشەرى تۇڭعىش رەت ％80تەن اسقان. ءتۇسىم، ساپا، ونىمدىلىكتىڭ جالپىلاي جوعارىلاۋى شينجياڭ ماقتا ەگىمشىلىگىن الەمدىك وزىق دەڭگەيگە جەتكىزدى.
زەردەلى ”حيكىمەت قۇرالدار“ بارلىق جەردە بوي كورسەتتى
تيانشان الابىن ارالاپ جۇرسەڭىز، كەڭ كوسىلگەن ماقتا القاپتارىندا تۇقىم سەپكىش ماشينالاردىڭ كوڭىل جادىراتارلىق ”گەومەتريالىق سىزبا“ كەسكىندەپ جاتقانى كوز الدىڭىزعا كەلەدى. ءدال وسىنداي تەپ - تەگىس، رەتتى ماقتا اتىزىن كەسكىندەۋ نەگە ارقا سۇيەيدى؟
”بۇرىن ءبىز قولمەن تۇقىم سەبەتىنبىز، سەپكەنىمىز قىڭىر - قيسىق بولىپ شىعاتىن. بەيدوۋ جول نۇسقاۋ جۇيەسىنىڭ جەتەگىندە، تۇقىم سەپكىش ماشينالارعا كوز بىتكەندەي بەلگىلەنگەن جول كارتاسى بويىنشا وزدىگىنەن ءجۇرىپ، جارعاق جابۋ، تامشىلاتىپ سۋارۋ قۇبىرىن جاتقىزۋ، تۇقىم سەبۋ، توپىراقپەن جابۋ سياقتى جۇمىستاردى ءبىر جولدا ورىنداپ شىعىپ كەتەتىن بولدى دا، جەردەن پايدالانۋدىڭ ونىمدىلىگىن جوعارىلاتتى، سىمعا تارتقانداي رەتتى ماقتا اتىزدارى قاراعان كىسىنىڭ كوڭىلىن ايرىقشا جادىراتادى“. 4 - ايدىڭ 7 - كۇنى باعراش اۋدانى باعراش اۋىلى كودايلىك قىستاعىنىڭ ەگىس اتىزىندا ماقتا ەگەتىن ۇلكەن شارۋا قوجالىعىنىڭ يەسى چىن يۇيكاۋ جاڭا تيپتى بەيدوۋ جول نۇسقاۋ جۇيەسىمەن وزدىگىنەن جۇرەتىن تۇقىم سەپكىش ماشينادان پايدالانىپ ءوز ءۇيىنىڭ 2800 مۋلىق ماقتا اتىزىنا تۇقىم سەۋىپ جاتتى.
بەيدوۋ جول نۇسقاۋ جۇيەسىنەن پايدالانىپ 24 ساعات جۇمىس ىستەۋگە بولادى، بۇل جۇيە ماشينالاردىڭ جۇمىس ىستەۋ كولەمى مەن دالدىگىن جوعارىلاتىپ قانا قويماي، جول - قاتاردىڭ تۇزۋلىك دالدىگىنىڭ 1000 مەتر ىشىندەگى جاڭىلىس ايىرماشىلىعىن 5. 2 سانتيمەتر ىشىندە ساقتاي الادى. جەردەن پايدالانۋدىڭ ونىمدىلىگىن جوعارىلاتۋمەن بىرگە، ءار ءتۇپ وسكىننىڭ بىركەلكى تارالۋىنا شىنايى كەپىلدىك ەتە الادى، ال بۇل ءوز كەزەگىندە ماشينامەن جيناۋعا پايداسىن تيگىزەدى.
باعراش اۋدانى ماقتا ەگىنشىلەرىن عىلمي ەگۋ جولىمەن جۇرۋگە جەتەكتەپ، ماقتانىڭ بەيدوۋ جول نۇسقاۋ جۇيەسىمەن تۇقىم سەبۋ تەحنيكاسىن، حيميالىق جولمەن شىرپۋ تەحنيكاسىن، ماشينامەن جيناۋ تەحنيكاسىن ماقتا وندىرىسىنە جيناقتاپ قولدانىپ، جالپى بارىستىڭ ％80كە جۋىعىن ماشينالاستىردى.
بەيدوۋ جول نۇسقاۋ جۇيەسىمەن تۇقىم سەبۋ شينجياڭنىڭ ماقتا القاپتارىندا تاڭسىق ءىس بولۋدان قالعان.
”بۇرىن 500 مۋ جەرگە تۇقىم سەبۋگە 6 كۇن كەتەتىن، قازىر بەيدوۋ جول نۇسقاۋ جۇيەسىنەن پايدالانىپ، تۇقىم سەبۋ، جارعاق جابۋ، تامشىلاتىپ سۋارۋ قۇبىرلارىن جاتقىزۋ سياقتى جۇمىستاردى ءۇش - اق كۇندە ءبىر جولدا بىتىرەمىز، ونىڭ ۇستىنە كەيىنگى باسقارۋ، جيناۋ جۇمىستارى دا ەرەكشە قولايلى بولادى. بۇرىن قولمەن ءدارى بۇركۋدە قۇبىردى سۇيرەپ ءجۇرىپ بۇركەتىنبىز، قازىر ۇشقىش اپپاراتپەن ءدارى بۇركەمىز، ۋاقىتتان دا، كۇشتەن دە ۇتۋعا بولادى“، - دەدى ياركەن اۋدانى باكاۋات اۋىلى ىنتىماق قىستاعى ەگىس الاڭىنداعى ماقتا ەگەتىن ۇلكەن شارۋا قوجالىعىنىڭ يەسى شاۋ لەي.
اقسۋ ايماعىنداعى 7 ميلليون 500 مىڭ مۋ جەردەگى ماقتاعا ماشينالاسۋدىڭ قولدانىلۋ مولشەرى ％98كە جەتتى، سول جەرگە ورناتىلعان بوچۋاڭ لياندۇڭ اۆتوماتتى جۇيە ماقتا ەگۋدە جەر جىرتۋ، تۇقىم سەبۋ، باسقارۋ، جيناۋ جالپى بارىسىن قامتىپ، دالمە - ءدال جۇمىس جۇرگىزىپ، جوعارى ونىمدىلىكپەن وزىندىك قۇندى ۇنەمدەپ، ءتۇسىمدى مولايتىپ، كىرىستى ارتتىرىپ، ماقتا ەگىنشىلەرىنىڭ زەردەلى ”حيكىمەت قۇرالدارمەن“ قينالماي اقشا تابۋىنا مۇمكىندىك جاسادى.
”شينجياڭدا جاسالعان“ اۋىل شارۋاشىلىعى ماشينالارى ۇزدىكسىز كوبەيدى
4 - ايدىڭ 12 - كۇنى شايار اۋدانى تارىم اۋىلى يانتاقباس قىستاعىنداعى ماقتا اتىزىندا تۇقىم سەۋىپ جاتقان ما پىڭچىڭ: ”بۇل ماشينانى بىرنەشە جىلدان بەرى ىستەتىپ كەلەمىن، ءالى جاپ - جاقسى، ماعان جاقسى سەرىك بولدى“، - دەدى تەبىرەنىپ.
2018 - جىلى ما پىڭچىڭ شايار بوشىران زەردەلى اۋىل شارۋاشىلىعى ماشينالارى شەكتى سەرىكتەستىگىنەن 2 تۇقىم سەپكىش ماشينا ساتىپ الىپتى. ”بۇل تۇقىم سەپكىش ماشينا تۇقىم سەبۋ، جارعاق جابۋ، تامشىلاتىپ سۋارۋ قۇبىرىن جاتقىزۋ سياقتى جۇمىستاردى ءبىر جولدا ورىندايدى، ەرەكشە قولايلى“، - دەدى ما پىڭچىڭ.
شايار بوشىران زەردەلى اۋىل شارۋاشىلىعى ماشينالارى شەكتى سەرىكتەستىگىنىڭ ءوندىرىس سەحىندا جۇمىسشىلار جوعارى دەڭگەيدەگى زەردەلى، ءۇش قاتارلى ماقتا جيناۋ ماشيناسىن جانە ماقتا جيناۋدى، تايلاۋدى ءبىر تۇلعالاندىرعان ماشينانى قاربالاس قۇراستىرىپ جاتىر. ماقتا جيناۋ مەزگىلى جەتكەندە بۇل ماشينالار ماقتا اتىزىندا ءوز ونەرلەرىن كورسەتەدى.
”2 - ايدىڭ سوڭىنان قازىرگە دەيىن ءبىز تۇقىم سەپكىش ماشينادان، ماقتا جيناۋ ماشيناسىنان، تايلاۋ ماشيناسىنان 100دەن استامىن وندىردىك، ءونىم مولشەرىمىز بىلتىرعىدان ءبىر ەسە كوبەيدى“، - دەدى شايار بوشىران زەردەلى اۋىل شارۋاشىلىعى ماشينالارى شەكتى سەرىكتەستىگى كادرلار ءىسى، اكىمشىلىك ءبولىمىنىڭ جوعارى دارەجەلى ديرەكتورى ۋ يۇڭچىڭ، ونىڭ ايتۋىنشا قازىر كاسىپورىن 200دەن استام ماشيناعا تاپسىرىس العان.
قازىر شايار بوشىران زەردەلى اۋىل شارۋاشىلىعى ماشينالارى شەكتى سەرىكتەستىگى تەحنيكالىق زەرتتەۋ - جاساۋ، جاڭالىق اشۋدى، ءوندىرۋدى، وڭدەۋدى، جاساۋدى، ءونىم ساتۋدى جانە ساتۋدان كەيىنگى قىزمەت وتەۋدى ءبىرتۇلعالاندىرعان ءىرى تيپتى اۋىل شارۋاشىلىعى ماشينا جابدىقتارىن جاساۋشى كاسىپورىن بولىپ دامىعان، 2018 - جىلى وندىرىسكە قوسىلعاندا ءونىم قۇنى 80 ميلليون يۋان بولسا، بىلتىر جالپى ءونىم قۇنى 460 ميلليون يۋانعا جەتكەن، سەرىكتەستىك قۇرىلعالى شينجياڭ ماقتا كاسىپ سالاسىنىڭ جوعارى ساپالى دامۋىنا كۇش قوسىپ كەلەدى.
”قازىر ءبىز ۇزىن تالشىقتى ماقتاعا ۇيلەسەتىن ارنايى ماقتا جيناۋ ماشيناسىن زەرتتەۋ - جاساۋمەن اينالىسىپ جاتىرمىز، مەجەمەن بيىل 8 - ايدا پايدالانۋعا بەرىلەدى“، - دەدى ۋ يۇڭچىڭ.
2021 - جىلى شينجياڭ اۋىل شارۋاشىلىعى ماشينا - جابدىقتارىنىڭ جالپى مولشەرى ۇزدىكسىز ارتىپ، اۋىل شارۋاشىلىعى ماشينالارىنىڭ ساپاسى ايتارلىقتاي جوعارىلاپ، اۋىل شارۋاشىلىعىن ماشينالاندىرۋعا قىزمەت وتەۋ قابىلەتى ايتارلىقتاي كۇشەيدى. تيەجيان اۋىر ونەركاسىبى شينجياڭ سەرىكتەستىگى، شينجياڭ بوشىران زەردەلى اۋىل شارۋاشىلىعى ماشينالارى جارنا شەكتى سەرىكتەستىگى، شينجياڭ اققۋ وسى زامانعى اۋىل شارۋاشىلىعى ماشينا - جابدىقتارى شەكتى سەرىكتەستىگى سياقتى كاسىپورىندار زەرتتەپ جاساعان، وندىرگەن ءۇش قاتارلى، التى قاتارلى تايلاۋ، ماقتا جيناۋ ماشينالارى ەل ىشىندەگى اق تاڭداقتى تولتىرىپ، ءۇرىمجى، شىحىزى، كورلا، اقسۋدى وزەك ەتكەن وسى زامانعى اۋىل شارۋاشىلىعى ماشينا جابدىقتارى كاسىپ سالاسى بازاسى العاشقى قادامدا قالىپتاستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
