شي جينپيڭ ساۋد ارابياسىنىڭ پاتشا مۇراگەرى مۇحاممەدپەن تەلەفوندا سويلەستى
2022.04.18 15:46 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 15 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 15 - كۇنى تۇستەن بۇرىن ساۋد ارابياسىنىڭ پاتشا مۇراگەرى مۇحاممەدپەن تەلەفوندا سويلەستى.
شي جينپيڭ مۇحاممەدكە ءوزىنىڭ سالمان پاتشاعا دەگەن سالەمىن جەتكىزىپ قويۋدى ايتتى. شي جينپيڭ بىلاي دەپ اتاپ كورسەتتى: قازىر حالىقارادا جانە وڭىرلىك جاعدايدا تەرەڭ دە كۇردەلى وزگەرىستەر تۋىلۋدا، جۇڭگو مەن ساۋد ارابياسى قاتىناسىنىڭ ستراتەگيالىق، جالپى جاعدايلىق سيپاتى اناعۇرلىم كورنەكتىلەندى. وتكەن ءبىر جىلدا جۇڭگو - ساۋد ارابياسى ەكى جاق قول ۇستاسا بىرگە العا باسىپ، ەكى جاق قاتىناسىنىڭ جاڭا دامۋعا قول جەتكىزۋىن ىلگەرىلەتتى. جۇڭگو جاق ساۋد ارابياسىمەن قاتىناستى دامىتۋدى الدىمەن ويلاستىراتىن بەتالىسقا قويادى، ساۋد ارابياسىمەن بىرگە قۇلشىنىپ، جۇڭگو - ساۋد ارابياسى جان - جاقتى ستراتەگيالىق سەرىكتەستىك قاتىناسىن ۇزدىكسىز تەرەڭدەتۋدى، ەكى ەلگە جانە ەكى ەل حالىقتارىنا اناعۇرلىم باقىت جاراتۋدى قالايدى.
شي جينپيڭ بىلاي دەپ دارىپتەدى: جۇڭگو جاق ساۋد ارابياسى جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن قولدايدى، ساۋد ارابياسى جاقتىڭ ءوز ەركىمەن ءوز ەلىنىڭ جاعدايىنا ۇيلەسەتىن دامۋ جولىن قاراستىرۋىن قولدايدى، «ءبىر بەلدەۋ، ءبىر جولدى» بىرگە قۇرۋ باستاماسىن ساۋد ارابياسىنىڭ «2030 - جىلعا دەيىنگى بولاشاق جوباسىمەن» ۇشتاستىرۋدى ۇزدىكسىز ىلگەرىلەتىپ، ەكى ەلدىڭ ەنەرگيا، ەكونوميكا - ساۋدا، جوعارى تەحنيكا سياقتى سالالارداعى جوعارى دەڭگەيدەگى سەلبەستىك جۇلگەسىن قالىپتاستىرۋعا مۇمكىندىك جاسايدى. جۇڭگو جاق ساۋد ارابياسى جاقتىڭ «اسىل ورتا شىعىس» باستاماسىن قولدايدى، ساۋد ارابياسى جاقتىڭ دۇنيە جۇزىلىك دامۋ باستاماسىنا قوسىلۋىن قارسى الادى. جۇڭگو - ساۋد ارابياسى ىنتىماقتى كۇشەيتىپ، ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبى نەگىزىندەگى حالىقارالىق قاتىناستىڭ نەگىزگى ولشەمىن قورعاپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن قورعايدى. جۇڭگو جاق ساۋد ارابياسى جاقپەن بىرگە قۇلشىنىپ، ورتا شىعىس ءوڭىرىنىڭ بەيبىتشىلىگى مەن ورنىقتىلىعىن جەبەپ، جۇڭگو - شىعاناق ەلدەرى سەلبەستىگى كوميتەتى ەركىن ساۋدا ءوڭىرى كەلىسىمىنە ەرتەرەك كەلۋدى ىلگەرىلەتىپ، جاڭا داۋىرگە بەت العان جۇڭگو − اراب ەلدەرى تاعدىرلاس ورتاق تۇلعاسىن قول ۇستاسا قۇرۋدى قالايدى.
مۇحاممەد سالمان پاتشانىڭ شي جينپيڭگە جولداعان سالەمىن جەتكىزىپ، جۇڭگونىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ءساتتى وتكىزگەنىن تاعى ءبىر رەت قۇتتىقتادى. مۇحاممەد مىنالاردى ءبىلدىردى: جۇڭگو − ساۋد ارابياسىنىڭ ماڭىزدى جان - جاقتى ستراتەگيالىق سەلبەستىك سەرىگى. جۋىق جىلداردان بەرى ساۋد ارابياسى مەن جۇڭگونىڭ قاتىناسى ءارقايسى سالادا دەرلىك وراسان زور دامۋشىلىقتارعا قول جەتكىزدى. جۇڭگو دۇنيە جۇزىندەگى ءارقايسى ەلگە ەكونوميكالىق دامۋدىڭ جانە ساياسي ورنىقتىلىقتىڭ ۇلگىسىن ۇسىندى. ساۋد ارابياسى جۇڭگونىڭ ورنىنا ايرىقشا ءمان بەرەدى، جۇڭگومەن قاتىناستى دامىتۋعا ايرىقشا ءمان بەرەدى، ءبىر جۇڭگو پرينسيبىندە مىزعىماي تاباندى بولادى، جۇڭگو جاقتىڭ شينجياڭعا قاتىستى، تاعى باسقا وزەكتى مۇددە ماسەلەسى جاعىنداعى ورىندى تۇرعىسىن ءۇرتىس باتىل قولدايدى، جۇڭگونىڭ ىشكى ىسىنە كيلىگەتىن ءارقانداي ارەكەتتەرگە باتىل قارسى تۇرادى، ءارقايسى ەلدىڭ ءوز ەلىنىڭ ساياسي جانە ادامدىق ۇقىق جولىن ءوز ەركىمەن تاڭداۋ ۇقىعىن باتىل قورعايدى. ساۋد ارابياسى جاق جۇڭگو جاقپەن جوعارى جىكتەگىلەر قاتىناسىن كۇشەيتىپ، ساۋد ارابياسىنىڭ «2030 - جىلعا دەيىنگى بولاشاق جوباسىن» «ءبىر بەلدەۋ، ءبىر جولدى» بىرگە قۇرۋمەن ۇشتاستىرۋ كەلىسىمىنە قول قويۋدى، ەكونوميكا - ساۋدا، قاتىناس، نەگىزدىك قۇرىلعى، ەنەرگيا سياقتى سالالارداعى سەلبەستىكتى تەرەڭدەتۋدى قالايدى. ساۋد ارابياسى جاق جۇڭگو جاقپەن حالىقارالىق جانە وڭىرلىك ىستەردەگى بايلانىستى، سايكەسۋدى كۇشەيتۋدى قالايدى، جۇڭگو جاقتىڭ حالىقارالىق جانە وڭىرلىك كەلەلى ماسەلەلەردەگى ادىلەتتى تۇرعىسىن قولدايدى، اراب ەلدەرى وداعىنىڭ جانە شىعاناق ەلدەرى سەلبەستىگى كوميتەتىنىڭ جۇڭگومەن سەلبەستىكتى كۇشەيتۋىن قولدايدى.
ەكى ەل باسشىلارى تاعى ۋكراينا جاعدايى جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
