«ۇيلەنۋ، جۇكتى بولۋ سياقتى جاعدايلارعا بولا ايەل جۇمىسشى – قىزمەتكەرلەردىڭ مىندەتكە تاعايىندالۋىن، دارەجەسىن جوعارىلاتۋىن شەكتەۋگە بولمايدى»
2022.04.15 16:33 كەلۋ قاينارى : حالىق تورابى
4 - ايدىڭ 14 - كۇنى مەملەكەتتىك حالىق قۇرىلتايى تۇراقتى كوميتەتىنىڭ زاڭ ـ ءتۇزىم قىزمەتى كوميتەتى تىلشىلەر جينالىسىن وتكىزدى، مالىمدەمەشى ساڭ تيەۋي زاڭ شىعارۋ قىزمەتىنە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى. سوندا بىلاي دەلىندى: ۇيلەنۋ، جۇكتى بولۋ سياقتى جاعدايلارعا بولا ايەل جۇمىسشى – قىزمەتكەرلەردىڭ مىندەتكە تاعايىندالۋىن، دارەجەسىن جوعارىلاتۋىن شەكتەۋگە بولمايدى.
مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 34 - ءماجىلىسى 4 - ايدىڭ 18 - كۇنىنەن 20 - كۇنىنە دەيىن بەيجيڭدە وتكىزىلەدى، ايەلدەردىڭ ۇقىق - مۇددەسىن قامتاماسىزداندىرۋ زاڭىنا وزگەرىس ەنگىزۋ جوباسى ەكىنشى رەت قارالادى. ساڭ تيەۋي تانىستىرىپ بىلاي دەدى: ەكىنشى رەت تالقىلاناتىن نۇسقادا العاشقى تالقىلانعان نۇسقا نەگىزىندە، قاتىستى بەلگىلەمەلەرى اناعۇرلىم كەمەلدەندىرىلىپ، ايەلدەردىڭ ۇقىق – مۇددەسىن قامتاماسىزداندىرۋ كۇشەيتىلەدى.
وزگەرىس ەنگىزۋ جوباسىندا ۇيلەنۋ، جۇكتى بولۋ، تۋىت دەمالىسى، بالا ەمىزۋ سياقتى جاعدايلارعا بولا ايەل جۇمىسشى – قىزمەتكەرلەردىڭ كاسىپتىك – تەحنيكالىق اتاعى مەن مىندەتىن جوعارىلاتۋىنا، باعالاۋىنا، ۇسىنىس ەتىلۋىنە شەك قويۋعا تيىم سالىنىپ، كاسىپتەنۋدەگى كەمسىتۋشىلىك ىشكەرىلەي الاستالادى؛
مەكتەپ وقىتۋشى - قىزمەتكەرلەردى ۇسىنىس ەتكەندە نەمەسە ەرىكتىلەر، قوعامدىق قىزمەتكەرلەر سياقتى ادامداردى جۇمىسقا قابىلداعاندا، ولاردىڭ جىنىستىق سۇعاناقتىق جاساۋ، جىنىستىق مازالاۋ سياقتى زاڭعا قايشى قىلمىس ارحيۆى بار - جوقتىعىن سۇراستىرۋ كەرەك، جوعارىداعى جاعدايلار بار ەكەندىگى بايقالسا، ونى ىستەتۋگە نەمەسە قابىلداۋعا بولمايدى.
تانىستىرۋعا قاراعاندا، 2021 - جىلى 12 - ايدا، تۇراقتى كوميتەتتىڭ 32 ـ رەتكى ءماجىلىسى ايەلدەردىڭ ۇقىق ـ مۇددەسىن قامتاماسىزداندىرۋ زاڭىنا وزگەرىس ەنگىزۋ جوباسىن تۇڭعىش رەت قاراعان بولاتىن. ماجىلىستەن كەيىن، جۇڭگو حالىق قۇرىلتايى تورابى قوعامنان اىق پىكىر الدى، جالپى 85221 توراپكەر 423 مىڭ 719 ءتۇرلى پىكىردى ورتاعا قويدى. بۇدان سىرت، بۇقارادان 300گە جۋىق حات تاپسىرىپ العان.
قوعامداعى بۇقارانىڭ ۇسىنىس - پىكىرلەرى نەگىزىنەن مىنالاردى قامتيدى: وقۋ - اعارتۋ، جۇمىستانۋ سياقتى سالالارداعى ەر - ايەل تەڭدىگى ءتۇزىمىن كەمەلدەندىرىپ، ايەل جۇمىسشى - قىزمەتكەرلەردىڭ جۇكتى بولۋ، تۋىت مەزگىلىندەگى دەمالىس ۇقىق - مۇددەسىن قامتاماسىزداندىرۋ، ايەلدەردى الداپ ساتۋ سياقتى ايەلدەردىڭ ۇقىق - مۇددەسىنە اۋىر زيان جەتكىزەتىن زاڭعا قايشى قىلمىستىق ارەكەتتەردى دەر كەزىندە بايقاۋ، ودان ءونىمدى ساقتانۋ، ت ب.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
