تۇرپان قالاسى بىرەگەي شارۋاشىلىق - ساۋدا ورتاسىن تۇلعالادى
ينتەرنەت جەلىسىنەن تىس تىڭعىلىقتى قىزمەت وتەدى، ينتەرنەت جەلىسىندە ءىس ءبىتىرۋ قولايلى بولدى
2022.04.14 17:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاڭ رۇيلين 4 - ايدىڭ 12 - كۇنى تۇرپاننان حابارلايدى. ”تۇرپان قالاسى شارۋاشىلىق - ساۋدا ورتاسىن جاقسارتۋ اڭگىمە ءماجىلىسىن اشىپ، كاسىپورىنداردىڭ قيىن ماسەلەلەرىن شەشىپ، تۇرپان قالاسىندا قارجى قوسۋ سەنىمىمىزدى ءتىپتى دە بەكەمدەي ءتۇستى“، - دەدى 4 - ايدىڭ 11 - كۇنى تۇرپان قالاسى اشقان شارۋاشىلىق - ساۋدا ورتاسىن جاقسارتۋ اڭگىمە ماجىلىسىنە قاتىناسقان شينجياڭ رۇيزى توقىماشىلىق شەكتى سەرىكتەستىگىنىڭ جاۋاپتىسى ليۋ يۇڭي.
وسى رەتكى اڭگىمە ماجىلىستە تۇرپان قالالىق پارتكوم مەن قالالىق ۇكىمەت كاسىپورىن جاۋاپتىلارىمەن بەتپە - بەت اڭگىمەلەسىپ، شارۋاشىلىق - ساۋدا ورتاسىن جاقسارتۋ جونىندە اشىق كەڭەس الىپ، ۇكىمەت ىستەرىن كاسىپورىندارمەن اقىلداسىپ، كاسىپورىنداردىڭ قاجەتىن ۇعىسىپ، كاسىپورىنداردان امال - شارا قابىلداپ، كاسىپورىنداردىڭ ويلاعاندارىن، ارمانداعاندارىن ۇعىسىپ، كاسىپورىندار ۇشىراعان قيىن ءتۇيىن، بوگەتتى ءتۇيىن، تالماۋ ءتۇيىن ماسەلەلەرىن شەشتى. تۇرپان قالاسىنداعى 18 كاسىپورىننىڭ ۋاكىلى ءوز ءىس جۇزىندىك جاعدايلارىمەن ۇشتاستىرىپ اسەرلەرىن ايتىپ، ۇسىنىستارىن ورتاعا قويدى.
”شارۋاشىلىق - ساۋدا ورتاسىن جاقسارتۋدى ’ءبىرىنشى ءنومىرلى رەفورما ينجەنەرياسى‘ رەتىندە يگەرىپ، بازارلاندىرۋ، زاڭمەن باسقارۋ، حالىقارالاندىرۋ بەتالىسىنا تاباندى بولىپ، تۇرپان قالاسىن تەكسەرىپ بەكىتۋى اناعۇرلىم تەز، ونىمدىلىگى اناعۇرلىم جوعارى، قىزمەت وتەۋى اناعۇرلىم جاقسى، اتاعى اناعۇرلىم تاماشا بىرەگەي شارۋاشىلىق - ساۋدا ورتاسىنا يە قالا ەتىپ تۇلعالايمىز...“، - دەدى اڭگىمە ماجىلىستە تۇرپان قالالىق پارتكومنىڭ شۋجيى جاڭ ۋىنشىڭ.
”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ، شارۋاشىلىق - ساۋدا ورتاسىن جاقسارتۋ − بازار تۇلعالارىنىڭ ومىرشەڭدىك كۇشىن قاۋلاتۋداعى، ەكونوميكانىڭ، قوعامنىڭ ۇزدىكسىز دامۋىن ىلگەرىلەتۋدەگى تەتىك. بيىل جىل باسىنان بەرى تۇرپان قالاسىنىڭ ءار دارەجەلى ورىندارى، تاراۋلارى ”تومەنگە بەرۋ، باسقارۋ، قىزمەت وتەۋ“ رەفورماسىنىڭ تەبىنىن ۇزدىكسىز ارتتىرىپ، ەسىك اشۋ ورەسىن بار كۇشپەن جوعارىلاتىپ، ناقتى شارالار ارقىلى كاسىپورىنداردىڭ دامۋىنا دەم بەردى.
ەلەكتر قۋاتى ينجەنەريا قۇرىلىسى نىسانىنا پايدالانىلاتىن جەردى الدىن الا تەكسەرۋ جانە ورىن تاڭداۋ پىكىرناماسىن تاياۋدا راسىمدەۋ بارىسىن تىلگە العاندا، مەملەكەت ەلەكتر تورى تۇرپان ەلەكترمەن قامداۋ سەرىكتەستىگىنىڭ نىساندى باستاپقى مەزگىلدە باسقارۋعا ارناۋلى جاۋاپتى قىزمەتكەرى جوۋ جۇنفىڭ تەبىرەنە بىلاي دەدى: ”تۇرپان قالالىق ۇكىمەت ىستەرىنەن قىزمەت وتەۋ ورتالىعىندا ءبىر تەرەزەدە عانا بىتىرەدى ەكەن، بۇرىنعىمەن سالىستىرعاندا، جۇمىس ءبىتىرۋ ۋاقىتى بارىنشا قىسقارىپ، ءتىپتى دە قولايلى بولا ءتۇسىپتى“.
”كوپ تەكسەرۋدى بىرىكتىرۋ، كوپ كۋالىكتى بىرىكتىرۋ“ جالپى بەتتىك ىلگەرىلەتىلگەننەن بەرى، تۇرپان قالالىق جاراتىلىستىق بايلىق مەكەمەسى دامۋ جانە رەفورما، تۇرعىن ءۇي جانە قالا، اۋىل قۇرىلىسى سياقتى قاتىستى تاراۋلارمەن بەلسەندىلىكپەن سايكەسىپ، كاسىپ تىرەكتىلەرىن شىعارىپ ينجەنەريا قۇرىلىسىن تەكسەرىپ بەكىتۋ، ءبىتىرۋ بارىسىن، ۋاقىت شەگىن قايتادان سالالاۋ، قىسقارتۋ جونىندە تالقى جۇرگىزىپ، تالداۋ جاساپ، قۇرىلىس نىسانىنا پايدالانىلاتىن جەردى الدىن الا تەكسەرۋ جانە ورىن تاڭداۋ پىكىرناماسى، قۇرىلىسقا پايدالانىلاتىن جەر جوسپارى رۇقسات كۋالىگى سياقتى تەكسەرىپ بەكىتۋ ىستەرىن ينجەنەريا قۇرىلىسى نىسانىن ءبىر تەرەزەدە قابىلداپ، شوعىرلى قىزمەت وتەپ ءبىتىرۋ كولەمىنە جالپى بەتتىك كىرگىزىپ، ۋاقىت شەگىن بۇرىنعى 15 قىزمەت كۇنىنەن 3 − 5 قىزمەت كۇنىنە قىسقارتتى.
تەكسەرىپ بەكىتۋ ۋاقىتى ەڭ قىسقا، قىزمەت وتەۋى دە ەڭ جاقسى بولۋعا تالپىندى. كاسىپورىنداردىڭ دامۋىنا ىشكەرىلەي دەم بەرۋ ءۇشىن، تۇرپان قالالىق ونەركاسىپ جانە ينفورماتسيالاندىرۋ مەكەمەسى اۆتونوميالى رايوننىڭ قاتىستى مەڭگەرمە، مەكەمەلەرىمەن ىرىقتىلىقپەن ۇشتاسىپ، نىسان قارجىسى مەن ساياساتتىق قولداۋدى بەلسەندىلىكپەن قولعا كەلتىردى ءارى نىسان قارجىسىن ءتۇسىرۋ مەن پايدالانۋدى باقىلاۋ - باسقارۋدى ويداعىداي يگەردى. ”ءبىر القا مۇشەسى ءبىر رايون، اۋداندى كوتەرىپ الىپ، بايلانىس ورناتىپ قىزمەت وتەۋ“ قىزمەت مەحانيزمىن تياناقتاندىرۋمەن بىرگە، 2 قىزمەت گرۋپپاسىن كاسىپورىن ءبىرىنشى شەبىندە تۇيىندە تۇرۋعا جىبەرىپ، كاسىپورىنداردىڭ جۇمىستى قالپىنا كەلتىرۋ جاعدايىن ناقتى ۇعىستى ءارى كاسىپورىندارعا تيىمدىلىك جاساۋ ساياساتتارىن ۇگىتتەپ، ىرىقتى تۇردە كاسىپورىندارعا بارىپ قىزمەت وتەپ، كاسىپورىنداردىڭ دامۋ بارىسىندا كەزدەستىرگەن ماسەلەلەرى مەن قيىنشىلىقتارىن شەشتى.
تۇرپان قالاسى شارۋاشىلىق - ساۋدا ورتاسىن جاقسارتۋدىڭ جاڭا امالياتىندا ينتەرنەت جەلىسىنەن تىسقى قىزمەت وتەۋدىڭ تىڭعىلىقتى بولعان - بولماعاندىعىنا نازار اۋدارىپ قانا قويماي، ينتەرنەت جەلىسىندەگى ءىس ءبىتىرۋدىڭ دە قولايلى، يكەمدى بولۋىن تالاپ ەتتى.
بيىل جىل باسىنان بەرى تۇرپان قالالىق بازاردى باقىلاۋ - باسقارۋ مەكەمەسى كاسىپورىنداردىڭ تىزىمگە الۋدى، تىركەۋگە الۋدى وڭتايلاستىرۋ رەفورماسىن ۇزدىكسىز ىلگەرىلەتىپ، جەكە ونەركاسىپ ساۋداگەرلەرىنىڭ ”جۇمىستى كوبىندە ينتەرنەتتە ءبىتىرىپ، از سابىلۋىنا“، ناقتى قولايلىلىقتان يگىلىكتەنۋىنە مۇمكىندىك جاساپ، ءتۇرلى شارۋاشىلىق تۇلعالارىنىڭ شارۋاشىلىق قۇرۋ، جاڭالىق اشۋ ومىرشەڭدىك كۇشىن بارىنشا قاۋلاتتى. قازىرگە دەيىن تۇرپان قالاسىندا 773 جەكە ونەركاسىپ ساۋداگەرى تۇتاس بارىستىق ەلەكتروندانعان تاسىلمەن تىزىمگە الدىرۋعا، تىركەۋگە الدىرۋعا ءوتىنىش بەردى.
”شارۋاشىلىق - ساۋدا ورتاسى وڭىرلىك دامۋداعى نەگىزگى باسەكەلىك كۇش، ءبىر ءوڭىردىڭ دامۋىنداعى التىن جازۋلى ماڭدايشالىق. تۇرپان قالاسى كاسىپورىنداردىڭ ءۇمىت - تىلەگىن ۇزدىكسىز تۇردە قىزمەت وتەۋ بەتالىسى ەتىپ، كاسىپورىنداردىڭ ’سىرتقى جۇمىستارىن‘ شىن مانىندە جاقسى ءبىتىرىپ، كاسىپورىنداردىڭ ’ىشكى جۇمىسىن‘ الاڭسىز جاقسى ىستەۋىنە مۇمكىندىك جاسايدى“، - دەدى جاڭ ۋىنشىڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
