1 - توقساندا سىرتقى ساۋدادا ورنىقتى باستاما جارىققا شىقتى (جاڭا ساندى مالىمەت، جاڭا ءتۇيىن)
زات ساۋداسىنىڭ يمپورت – ەكسپورت جالپى قۇنى 9 تريلليون 420 ميلليارد يۋان بولىپ، سايكەس مەزگىلدەگىدەن %10.7 ارتتى
2022.04.14 16:04 كەلۋ قاينارى : حالىق تورابى
«حالىق گازەتى»، 4 - ايدىڭ 13 - كۇنى، بەيجيڭ (ءتىلشى دۋ حايتاۋ). كەدەن باس مەكەمەسى 4 - ايدىڭ 13 - كۇنى جاريالاعان ساندى مالىمەتتە كورسەتىلۋىنشە، بيىل ءبىرىنشى توقساندا ەلىمىزدىڭ سىرتقى ساۋداسىندا ورنىقتى باستاما جارىققا شىعىپ، زات ساۋداسىنىڭ يمپورت - ەكسپورت جالپى قۇنى 9 تريلليون 420 ميلليارد يۋان بولىپ، سايكەس مەزگىلدەگىدەن %10.7 ارتقان. مۇنىڭ ىشىندە ەكسپورت 5 تريلليون 230 ميلليارد يۋان بولىپ، %13.4 ارتقان؛ يمپورت 4 تريلليون 190 ميلليارد يۋان بولىپ، %7.5 ارتقان.
1 – توقسانداعى ەلىمىزدىڭ ادەتتەگى ساۋدا يمپورت – ەكسپورتى 5 تريلليون 950 ميلليارد يۋان بولىپ، %13.9 ارتىپ، ەلىمىزدىڭ سىرتقى ساۋدا يمپورت – ەكسپورت جالپى قۇنىنىڭ %63.2 ىن يەلەپ، سايكەس مەزگىلدەگىدەن 1.8 پايىز جوعارىلاعان. وسى مەزگىلدە ەلىمىزدىڭ مانەرلەۋ ساۋداسىنىڭ يمپورت – ەكسپورتى ءبىر تريلليون 990 ميلليارد يۋان بولىپ، %4.2 ارتقان. 1 - توقساندا ەلىمىزدىڭ الدىڭعى 5 ءىرى ساۋدا سەرىگى − شىعىس وڭتۇستىك ازيا ەلدەرى وداعى، ەۆروپا وداعى، ا ق ش، كورەيا جانە جاپونيامەن يمپورت - ەكسپورتى جەكە - جەكە %8.4، %10.2، %9.9، %12.3 جانە %1.8 ارتىپ، يمپورت - ەكسپورت جالپى تۇلعالىق جاقتان 4.8 پايىز ارتقان.
كاسىپورىنداردىڭ قيىنشىلىعىن شەشۋگە كومەكتەسۋ ساياساتى ۇزدىكسىز دەم بەرىپ، سىرتقى ساۋدا بازارىنىڭ نەگىزگى تۇلعالارى دامۋدىڭ يكەمدىلىگىن ساقتادى. اسىرەسە، پەريود اتتاعان رەتتەۋدىڭ سىرتقى ساۋدانى ورنىقتىرۋ ساياساتتىق ونىمدىلىگى ۇزدىكسىز كورنەكتىلەنىپ، سىرتقى ساۋدا بازارى تۇلعالارىنىڭ ومىرشەڭدىك كۇشىن ونان ارى تاسقىنداتتى. 1 - توقساندا ەلىمىزدە يمپورت – ەكسپورت ناتيجەسى كورنەكتى بولعان سىرتقى ساۋدا كاسىپورىندارى 432 مىڭ بولىپ، سايكەس مەزگىلدەگىدەن %5.7 ارتتى، مۇنىڭ ىشىندە حالىقتىق كاسىپورىنداردىڭ يمپورت – ەكسپورتى %14.1 ارتىپ، سىرتقى ساۋدانىڭ تۇلعالىق ارتۋ قارقىنىنان 3.4 پايىز جوعارى بولىپ، سىرتقى ساۋدانىڭ 6.6 پايىز ارتۋىن جەبەدى.
تانىستىرۋعا قاراعاندا، 1 - توقساندا ەلىمىزدىڭ «ءبىر بەلدەۋ، ءبىر جول» بويىنداعى ەلدەرمەن يمپورت - ەكسپورتى 2 تريلليون 930 ميلليارد يۋان بولىپ، سايكەس مەزگىلدەگىدەن %16.7 ارتقان. مۇنىڭ ىشىندە ەكسپورت ءبىر تريلليون 640 ميلليارد يۋان بولىپ، %16.2 ارتقان؛ يمپورت ءبىر تريلليون 290 ميلليارد يۋان بولىپ، %17.4 ارتقان. ەلىمىزدىڭ «ءبىر بەلدەۋ، ءبىر جول» بويىنداعى ەلدەرمەن يمپورت - ەكسپورت قۇنى ەلىمىزدىڭ سىرتقى ساۋدا يمپورت - ەكسپورت جالپى قۇنىنىڭ %31.1 ىن ۇستاعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved