ءبىرىنشى ماۋسىمدا شينجياڭدا ەلەكتر تورىنىڭ ەلەكتر ساتۋ مولشەرى ％13.12 ارتتى
2022.04.12 16:00 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 10 - كۇنى ۇرىمجىدەن حابارلايدى. ءتىلشىنىڭ مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، ءبىرىنشى ماۋسىمدا شينجياڭ ەلەكتر تورىنىڭ ساتقان ەلەكتر مولشەرى جالپى 42 ميلليارد 174 ميلليون كيلوۆات ساعات بولىپ، سايكەس مەزگىلدەگىدەن ％13.12 ارتقان.
مەملەكەتتىك ەلەكتر تورى شينجياڭ ەلەكتر كۇشى شەكتى سەرىكتەستىگىنىڭ ساناعىنا نەگىزدەلگەندە بيىل ءبىرىنشى ماۋسىمدا تۇتاس سالاداعى جالپى ساتىلعان ەلەكتر مولشەرى 35 ميلليارد 822 ميلليون كيلوۆات ساعات بولىپ، جالپى ساتىلعان ەلەكتر مولشەرىنىڭ ％84.94ىن ۇستاپ، سايكەس مەزگىلدەگىدەن ％7.94 ارتقان؛ قالا، اۋىل تۇرعىندارىنىڭ تۇرمىسقا قولدانىلعان ەلەكتر مولشەرى 6 ميلليارد 352 ميلليون كيلوۆات ساعات بولىپ، جالپى ساتىلعان ەلەكتر مولشەرىنىڭ ％15.06ىن ۇستاعان.
كاسىپ سالالارىنىڭ ەلەكتردەن پايدالانۋ ساندى مالىمەتىنەن الىپ قاراعاندا، 1 - كاسىپتىڭ ەلەكتر پايدالانۋ مولشەرى 596 ميلليون كيلوۆات ساعات بولىپ، تۇتاس كاسىپ سالاسىنىڭ ەلەكتردەن پايدالانۋ مولشەرىنىڭ ％1.66ىن ۇستاعان؛ 2 - كاسىپتىڭ ەلەكتردەن پايدالانۋ مولشەرى 24 ميلليارد 508 ميلليون كيلوۆات ساعات بولىپ، تۇتاس كاسىپ سالاسىنىڭ ەلەكتردەن پايدالانۋ مولشەرىنىڭ ％68.42ىن ۇستاپ، بىلتىرعى سايكەس مەزگىلدەگىدەن ％21.74 ارتقان؛ 3 - كاسىپتىڭ ەلەكتردەن پايدالانۋ مولشەرى 10 ميلليارد 718 ميلليون كيلوۆات ساعات بولىپ، تۇتاس كاسىپ سالاسىنىڭ ەلەكتردەن پايدالانۋ مولشەرىنىڭ ％29.92ىن ۇستاعان.
مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ تالداۋىنا نەگىزدەلگەندە، ءبىرىنشى توقسان ءدال تۇتاس شينجياڭنىڭ كوكتەمگى ەگىس، كوكتەمگى سۋارۋدىڭ ءتۇرلى قىزمەتتەرىن ورىستەتۋ مەزگىلىنە تۋرا كەلدى، سونداي - اق رايونىمىزدىڭ ەلەكتر قۋاتىن اۋىستىرۋ قىزمەتىنىڭ اتقارۋ ونىمدىلىگى كورنەكتى بولىپ، 1 - كاسىپتە ەلەكترلەندىرۋ ورەسى ءونىمدى جوعارىلاپ، اۋىل شارۋاشىلىعى، ورمانشىلىق، مال شارۋاشىلىعى سياقتى 1 - كاسىپتىڭ ەلەكتردەن پايدالانۋ مولشەرى ارتۋ قارقىنىنىڭ ءبىرشاما تەز بولۋىن جەبەدى. ساندى مالىمەتتەن الىپ قاراعاندا، 2 - كاسىپتىڭ تۇتاس سالانىڭ ەلەكتردەن پايدالانۋىنان ۇستايتىن سالىستىرماسى ەڭ ۇلكەن بولىپ، تۇتاس كاسىپ سالاسىنىڭ ەلەكتردەن پايدالانۋ مولشەرىنىڭ ارتۋىن ىلگەرىلەتۋ رولى ءبىرشاما كورنەكتى بولعان. بۇل ءبىرىنشى توقسانداعى تۇتاس رايون نىسانىنىڭ جۇمىستى، ءوندىرىستى قالپىنا كەلتىرۋ ورلەۋىنىڭ باستالۋ سەبەبىنەن بولىپ، كوپتەگەن ءتۇيىندى سالالاردىڭ ەلەكتردەن پايدالانۋ مولشەرىنىڭ ارتۋ قارقىنى كورنەكتى بولعان. قالا، اۋىل تۇرعىندارىنىڭ تۇرمىستىق ەلەكتردەن پايدالانۋ مولشەرى زور مولشەردە ارتقان، بۇعان، باستىسى، رايونىمىز تۇرعىندارىنىڭ جاسىل، تومەن كومىر قىشقىل گازدى بولۋ تانىمىنىڭ كۇشەيۋى، ەلەكتر ارقىلى جىلۋمەن قامداۋدان پايدالاناتىن وتباسىلاردىڭ ارتۋى سەبەپشى بولعان.
2 - كاسىپتە ءبىرىنشى توقسانداعى سۋىق، دىمقىل كليماتتىڭ جانە تومەن تەمپەراتۋرالى اۋا رايىنىڭ ىقپالىنا ۇشىراعان بولىپ، وتىندىق گاز ءوندىرۋ مەن قامداۋ كاسىبىنىڭ ەلەكتردەن پايدالانۋ مولشەرى 648 ميلليون كيلوۆات ساعات بولىپ، بىلتىرعى سايكەس مەزگىلدەگىدەن ％185.81 ارتقان؛ ءتۇيىندى، تىرەكتى كاسىپورىنداردىڭ جەدەل دامۋى، تەمىرلى قورىتپا، مەتاللۋرگيا كاسىبىنىڭ ەلەكتردەن پايدالانۋ مولشەرى 680 ميلليون كيلوۆات ساعات بولىپ، بىلتىرعى سايكەس مەزگىلدەگىدەن ％92.01 ارتقان، باسقا ونەركاسىپ سالالارىنىڭ ەلەكتردەن پايدالانۋ مولشەرى تۇگەلدەي ۇقساماعان مولشەردە ارتقان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
