شاعىن اۋماقتاعى كوگال سۋارۋسىز قالعاندا، دەر كەزىندە رەتتەۋ - تۇزەتۋ جۇرگىزىپ، حالىقتى ۋايىمنان ارىلتتى
□ انار بۇلت / شينجياڭ گازەتىنىڭ ءتىلشىسى جىڭ جو
2022.04.12 16:01 كەلۋ قاينارى : شينجياڭ گازەتى
”بۇرىن شاعىن اۋماق ىشىندە قۋراعان اعاش پەن جابايى ءشوپ قالىڭ بولاتىن، قازىر جاڭادان اعاش وتىرعىزىلىپ، سۋارۋ ماسەلەسى شەشىلدى، قونىستانۋ ورتاسى دا جاقساردى“. 4 - ايدىڭ 6 - كۇنى ءۇرىمجى قالاسى چيماشانجۋاڭ شاعىن اۋماعىنىڭ تۇرعىنى شۇي لي جاڭادان وتىرعىزىلعان اعاش قالامشالارىنا ۇمىتپەن قاراپ، الەۋمەتتىك اۋماقتىڭ تاماشا ورتاسىنىڭ قالپىن ساقتاۋىن ءۇمىت ەتەتىندىگىن ايتتى.
جۋىقتا ءبىر بۇقارا ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنا سايباق رايونى حىجيڭ كوشەسى چيماشانجۋاڭ شاعىن اۋماعىنىڭ ىشىندە اعاش، كوگالدىڭ قۋراپ، توپىراعى شىعىپ، شاڭ - توزاڭ بۇرقىراپ جاتقاندىعىن، مۇنان سىرت، كورىنگەن جەردە قوقىر - قوقسىق شاشىلىپ، ورتا ناشارلاپ، تۇرعىنداردىڭ تۇرمىستاعى ءجۇرىس - تۇرىسىنا ىقپال بولعاندىعىن اڭىس ەتەدى.
ۇعىسۋعا قاراعاندا چيماشانجۋاڭ شاعىن اۋماعىنىڭ اۋدانى 53 مىڭ شارشى مەتر، تۇراقتى تۇرعىندارى 300 وتباسىنان اسادى ەكەن. شاعىن اۋماق تاۋ بوكتەرىنە جايعاسقاندىقتان، بۇرالاڭداعان تاۋ جولى ۇزاق، بوس جاتقان جەرلەر ءبىرشاما كوپ ەدى. 2013 - جىلى شاعىن اۋماق سالىنىپ بولعاننان كەيىن قوجالىق سەرىكتەستىگى 3 رەت اۋىسىپ، الما - كەزەك قىزمەت اۋىستىرۋدان قىرۋار ماسەلەلەر ساقتالىپ قالعان، كەزەكتە وسى شاعىن اۋماقتىڭ قوجالىق ىستەرى باسقارۋسىز كۇيدە ەكەن.
4 - ايدىڭ 1 - كۇنى شاعىن اۋماق قاراستى چيماشان ءمالىسى چيماشان جولى باتىس الەۋمەتتىك اۋماعى بىتىرۋگە وتكىزۋ ءىسىن قابىلداعاننان كەيىن، باسا نازار اۋدارىپ، دەرەۋ سايباق رايوندىق باۋ - باقشا باسقارۋ مەكەمەسى، قۇرىلىس مەكەمەسى، قالا باسقارۋ مەكەمەسى سياقتى قاتىستى ورىندارمەن بىرگە ناق مايدانعا بارىپ تەكسەرۋ جۇرگىزىپ، قولما - قول رەتتەۋ - تۇزەتۋ ورىستەتەدى. 4 - ايدىڭ 3 - كۇنى شاعىن اۋماقتىڭ قورشاعان ورتا ماسەلەسىن رەتتەۋ - تۇزەتۋ ءىسى اياقتايدى.
چيماشان ءمالىسى چيماشان جولى باتىس الەۋمەتتىك اۋماعىنىڭ مەڭگەرۋشىسى ياڭ حۇي تانىستىرىپ بىلاي دەدى: الەۋمەتتىك اۋماق وسى شاعىن اۋماقتىڭ تازالىق ورتاسىن بولىككە ءبولىپ تازالادى، مۇنىڭ ىشىندە شاعىن اۋماق تۇرعىندارىنىڭ ۇيىنە، زالعا جانە جول شەتىنە ءۇيىپ قويعان ەسكى - قۇسقى دۇنيەلەرى، قۇرىلىس قوقسىقتارى سىندىلارعا جاپپاي تازالاۋ جۇرگىزىلدى؛ قۋراعان اعاشتاردى تازالاپ، تولىقتاپ جاڭا اعاش وتىرعىزدى؛ سونىمەن بىرگە سۋ شاشۋ اۆتوكولىگىنە بايلانىس جاساپ، شاعىن اۋماق ىشىندەگى كوگالدى كۇندەلىكتى سۋاردى، الداعى جەردە تامشىلاتىپ سۋارۋ جابدىعى ورناتىلاتىن بولدى.
ياڭ حۇي بىلاي دەدى: قازىر الەۋمەتتىك اۋماق قاتىستى تاراۋلارمەن بايلانىس جاساپ، بۇرىننان قالعان ماسەلەلەردى سايكەسە وتىرىپ ءبىر جاقتى ەتپەكشى. شاعىن اۋماقتاعى نەگىزدىك قۇرىلعىلاردىڭ كەمەلسىز بولۋى سىندى جاعدايلاردى ويلاستىرعان الەۋمەتتىك اۋماق الەۋمەتتىك رەمونتتاۋ قورىنا ءوتىنىش بەرىپ، سول ماڭداعى قورشاعان ورتا قۇرىلعىلارىن جاڭالاپ، رەمونتتاۋ جۇرگىزبەكشى. كەلەسى قادامدا الەۋمەتتىك اۋماق قۋاتتى قوجالىق سەرىكتەستىگىنىڭ شاعىن اۋماققا جايعاسىپ، قىزمەت وتەۋىنە بەلسەنە ىزدەنىس جاساپ، بۇقارانىڭ باقىت كورسەتكىشىن شىنايى جوعارىلاتۋعا قۇلشىنۋدا.
بۇقارا اڭىس ەتكەن ماسەلەلەردىڭ تەز تياناقتانىپ، شەشىم تاپقاندىعىن كورگەن شاعىن اۋماقتىڭ تۇرعىنى ما رۇي ءدان ريزا بولدى، ول شاعىن اۋماقتىڭ قوجالىق باسقارۋ ورەسىنىڭ دە جوعارىلاپ، تۇرعىنداردىڭ الاڭسىز قونىستانۋىنا مۇمكىندىك جاسالۋىن ءۇمىت ەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
