شينجياڭدا 5 ميلليوننان استام مۋ جەرگە كوكتەمگى تۇقىم ءسىڭىرۋ جۇمىسى اياقتالدى
قارقىنى جالپى جاقتان بىلتىرعى سايكەس مەزگىلدەگىدەن تەز بولدى
2022.04.12 16:02 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ ي 4 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، كەزەكتە رايونىمىزدىڭ كوكتەمگى اۋىل شارۋاشىلىعى ءوندىرىسى تارتىپپەن ىلگەرىلەپ جاتىر ەكەن. 4 - ايدىڭ 6 - كۇنىنە دەيىن بۇكىل رايوندا (بيڭتۋاندى قامتىمايدى) 5 ميلليون 55 مىڭ مۋ جەرگە تۇقىم ءسىڭىرىلىپ، سايكەس مەزگىلدەگىدەن 501 مىڭ 900 مۋ ارتىپ، كوكتەمگى تۇقىم ءسىڭىرۋ قارقىنى جالپى جاقتان بىلتىرعى سايكەس مەزگىلدەگىدەن تەز بولعان.
اۋا تەمپەراتۋراسىنىڭ جوعارىلاۋىنا بايلانىستى بۇكىل رايوننىڭ جەر - جەرىندە كوكتەمگى ەگىس جۇمىسى جىلدام ىلگەرىلەتىلىپ، تيانشان الابىندا قاۋىرت ءوندىرىس باستالدى. بۇكىل ەلدىڭ ساپالى ماقتا ءوندىرىس بازاسى شايار اۋدانىندا ءبىر ميلليون 850 مىڭ مۋ جەرگە ماقتا تۇقىمى ءسىڭىرىلىپ، 30 مىڭنان استام اۋىل شارۋاشىلىعى جابدىقتارى ولشەمدەنگەن جۇمىس جۇرگىزۋگە ات سالىستى، جاساندى سەرىك جول نۇسقاۋ جۇيەسى بار تۇقىم سەپكىشتەر سۋلياۋ جارعاق جاتقىزۋ، تۇقىم ءسىڭىرۋ، توپىراقپەن جابۋ سياقتى جۇمىستاردى ءبىر جولدا - اق تامامداپ، ءوندىرىس ونىمدىلىگىن بارىنشا جوعارىلاتتى. باركول قازاق اۆتونوميالى اۋدانىنداعى 260 مىڭ مۋ جەرگە جازدىق ءبيداي ەگۋ جۇمىسى دا جاپپاي باستالىپ، جەرگىلىكتى ورىنداعى تەحنيكتەر اتىز باسىنا بارىپ، ەگىنشىلەردىڭ عىلمي تىڭايتقىش بەرۋىنە، تۇقىم سىڭىرۋىنە جەتەكشىلىك ەتىپ، باپتاۋ دەڭگەيىن جوعارىلاتتى.
بيىل جىل باسىنان بەرى رايونىمىزدىڭ ءار دارەجەلى اۋىل شارۋاشىلىعى، اۋىل - قىستاق تاراۋلارى ەرتە باستان جوبا جاساپ، ەرتە باستان كىرىسىپ، كوكتەمگى اۋىل شارۋاشىلىعى ءوندىرىسى قىزمەتتەرىن ەگىس جۇمىسى ۋاقىتىن اقساتپاي ىلگەرىلەتىپ، تۇتاس جىلداعى اۋىل شارۋاشىلىعى ءوندىرىسىنىڭ جاقسى باستالۋىنا شىنايى كەپىلدىك ەتتى. اۋىل شارۋاشىلىعى جاعدايى جونىندەگى ەڭ جاڭا ورنالاستىرۋدا كورسەتىلۋىنشە، بۇكىل رايوندا (بيڭتۋاندى قامتىمايدى) جازدىق ءبيداي، جۇگەرى سياقتى استىق داقىلدارى ەگىلگەن جەر اۋدانى ءبىر ميلليون 500 مىڭ مۋدان اسىپ، سايكەس مەزگىلدەگىدەن 400 نەشە مىڭ مۋ ارتقان، جازدىق ءبيداي ەگۋدە نىسانا - مىندەتتىڭ ％32.1ى ورىندالىپ، ماقتا ەگىلگەن جەر اۋدانى ءبىر ميلليون مۋدان اسىپ، مايلى داقىل، قانت قىزىلشاسى، كوكونىس سياقتى داقىلدار ەگىلگەن جەر اۋدانى تۇگەل سايكەس مەزگىلدەگىدەن ارتقان.
كەزەكتە وڭتۇستىك شينجياڭدا دۇمبە ءبيداي مايساسى ءوسۋ مەزگىلىنە ءوتىپ، سولتۇستىك شينجياڭدا دۇمبە ءبيداي ىركەس - تىركەس كوكتەي باستادى. بىلتىر دۇمبە ءبيداي ەگۋ مەزگىلىنىڭ كەشەۋىلدەۋى، قىستا اۋا تەمپەراتۋراسىنىڭ جوعارىراق بولۋى، قار از جاۋۋ سياقتى ءتيىمسىز فاكتورلاردىڭ ىقپالىنان بيىل بۇكىل رايوندا دۇمبە ءبيدايدىڭ كوكتەۋى، مايسالانۋى بىلتىرعىدان السىزدەۋ بولدى. سول سەبەپتى ءار دارەجەلى اۋىل شارۋاشىلىعى، اۋىل - قىستاق تاراۋلارى دۇمبە ءبيدايدى كوكتەمدە باپتاۋ سەرپىنىن ارتتىرىپ، ماماندار مەن اۋىل شارۋاشىلىعى تەحنيكتەرىن سول جەردە تۇرىپ اۋماقتاردى كوتەرمەگە الىپ تەحنيكالىق جاقتان جەتەكشىلىك ەتىپ قىزمەت وتەۋگە بەلسەنە ۇيىمداستىرىپ، دۇمبە ءبيداي كوكتەۋ مەزگىلىندەگى باپتاۋ شارالارىن جاپپاي تياناقتاندىرىپ، جازعى ءبيداي مايسا جاعدايىنىڭ جاقسارۋىن پارمەندى جەبەدى. 3 - ايدىڭ سوڭىنا دەيىن بۇكىل رايوندا دۇمبە ءبيداي 3 ميلليون 941 مىڭ مۋ - رەت سۋارىلىپ، 7 ميلليون 200 مىڭ مۋ - رەت ارتتىرىپ تىڭايتقىش بەرىلىپ، 117 مىڭ 900 مۋ - رەت دەرت - دەربەز جانە زياندى جاندىك زيانىنان ساقتانۋ - تىزگىندەۋ جۇمىسى ىستەلىپ، دۇمبە ءبيداي جاقسى كوكتەپ، تاماشا مايسالانۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
