قاتىناس – تاسىمال مينيسترلىگى: ىندەتتىڭ ىقپالىنا ۇشىراعان جوعارى قارقىندى تاس جول قىزمەت وتەۋ رايونى اشىق جۇمىس جۇرگىزۋ كۇيىنە تاباندى بولۋى كەرەك، ءوز بەتىمەن جابۋىنا، توقتاتۋىنا بولمايدى
2022.04.14 15:23 كەلۋ قاينارى : حالىق تورابى
شينحۋا اگەنتتىگىنىڭ 4 ـ ايدىڭ 12 ـ كۇنى بەيجيڭنەن بەرگەن حابارى. ءتىلشىنىڭ 4 ـ ايدىڭ 12 ـ كۇنى قاتىناس ـ تاسىمال مينيسترلىگىنەن ۇعىسۋىنشا، تاس جول، قاتىناس ـ تاسىمال سالاسىنىڭ ىندەتىنەن ساقتانۋ - تىزگىندەۋ جانە قامتاماسىز ەتۋ، ىركىلىسسىزدەندىرۋ قىزمەتىن اناعۇرلىم ءبىر تۇتاس جوسپارلاپ ويداعىداي ىستەۋ ءۇشىن، قاتىناس ـ تاسىمال مينيسترلىگى ءتۇرلى ءادىس ـ امالدارمەن قىزمەت كورسەتۋ رايوندارىنىڭ قالىپتى جۇمىس جۇرگىزۋىنە كەپىلدىك ەتۋدى، ىندەتتىڭ ىقپالىنا ۇشىراعان جوعارى قارقىندى تاس جول قىزمەت كورسەتۋ رايوندارىنىڭ اشىق جۇمىس جۇرگىزۋ كۇيىنە تاباندى بولۋىن، ءوز بەتىمەن جابىلماۋىن تالاپ ەتتى.
قاتىناس - تاسىمال مينيسترلىگىنىڭ قاتىستى جاۋاپتىسى بىلاي دەدى: شارت - جاعدايى بار قىزمەت وتەۋ رايوندارىندا جوعارى، ورتاشا حاۋىپ - قاتەرى بار رايوندار مەن سۋىق تىزبەكتى زات اينالىمى اۆتوموبيلدەرىنىڭ توقتاتۋ رايونى، سونداي - اق شوفەرلەردىڭ دەمالىس ارناۋلى رايونى، ارناۋلى جىلجىمالى تازالىق بولمەسى، دالالىق تازالىق بولمەسى نەمەسە تيەۋىش قوراپتى تاسىمال اۆتوموبيلى سياقتى جۇك اۆتوموبيلدەرىنىڭ ۋاقىتتىق ارناۋلى قىزمەت وتەۋ رايونىن قۇرىپ، جابىق باسقارۋ جۇرگىزەدى. ىندەتكە شالدىققانى جونىندە دياگنوز قويۋ نەمەسە جاناسۋ سياقتى جاعدايلار سەبەبىنەن شىنىندا جابۋ، توقتاتۋ قاجەت بولسا، ولكە دارەجەلى بىرلەسىپ ساقتانۋ، بىرلەسىپ تىزگىندەۋ مەحانيزمىنە جولداپ بەكىتتىرگەننەن كەيىن اتقارۋعا بولادى ءارى قوعامعا جابۋ، توقتاتۋ ينفورماتسياسىن الدىن الا جاريالاۋ كەرەك. ىندەتتىڭ الدىن الۋعا قاتىستى بەلگىلەمەلەرگە ساي، قاتىستى تاراۋلاردىڭ قىزمەتكەرلەردى اۋاشالاۋ، دالمە ـ ءدال ەپيدەميولوگيالىق تەكسەرۋ جۇرگىزۋ، جەدەل ءبىر جاقتى ەتۋ، جالپى بەتتىك سوڭعى زارارسىزداندىرۋ سياقتى قىزمەتتەردى ورىنداۋىنا بەلسەنە سايكەسىپ، اينالىمدى تەز ارادا قالپىنا كەلتىرۋ كەرەك. جوعارى قارقىندى تاس جول قىزمەت وتەۋ رايونىن ۋاقىتشا جابۋ، توقتاتۋ مەزگىلىندە، ىندەتتىڭ الدىن الۋ قىزمەتىن قاتاڭ جاقسى ىستەۋمەن بىرگە، ماي قۇيۋ، دارەتحانا سياقتى قىزمەت وتەۋ فۋنكتسياسىن ۇزدىكسىز ساقتاپ، كولىك جۇرگىزۋشىلەردىڭ نەگىزگى قاجەتىن قاناعاتتاندىرۋ كەرەك.
اتالعان جاۋاپتى بىلاي دەپ اتاپ كورسەتتى: جەر ـ جەر قاتىستى تاراۋلارمەن بىرگە ءوز وڭىرىندەگى تاس جولدا ىندەتتىڭ الدىن الۋ، تەكسەرۋ تۇيىندەرىن قۇرۋ، اقى الۋ پۋنكتتەرىن جانە قىزمەت وتەۋ رايوندارىن جابۋ، توقتاتۋ سياقتى جاعدايلاردى جان ـ جاقتى ۇعىسىپ، قايتا تەكسەرىپ، تالاپقا ۇيلەسپەيتىندەرىن دەرەۋ قالپىنا كەلتىرۋ كەرەك؛ تالاپقا ۇيلەسەتىندەرىن قاتىستى بەلگىلەمەلەر بويىنشا ارناعا ءتۇسىرۋ، باسقارۋ قىزمەتىن ويداعىداي ىستەپ، پايدالانۋدى تەز ارادا قالپىنا كەلتىرىپ، 4 - ايدىڭ 15 - كۇنىنەن بۇرىن رەتتەۋ ـ تۇزەتۋدىڭ ورىندالۋىنا كەپىلدىك ەتۋ كەرەك. مەرزىم بويىنشا حابارلاندىرۋ ءتۇزىمىن اقاۋسىزداندىرىپ، كەمەلدەندىرىپ، ايماق، قالالاردىڭ ىندەتتەن ساقتانۋ، تەكسەرۋ تۇيىندەرىن قۇرۋ، اقى الۋ پۋنكتتەرىن نەمەسە قىزمەت وتەۋ رايوندارىن جابۋ، توقتاتۋ، تاس جول كەپتەلىسىن كەشەۋىلدەتۋ، قاتىناۋعا قىزمەت وتەۋدى قامتاماسىزداندىرۋ ساياساتىنىڭ اتقارىلۋى سياقتى جاعدايلاردى باقىلاۋ ـ تەكسەرۋدى جانە اشىق، جاسىرىن تەكسەرۋدى كۇشەيتۋ كەرەك. ولكە دارەجەلى قاتىناس ـ تاسىمال باسقارۋ تاراۋلارى ءار كۇنى تۇستەن بۇرىن ساعات 9دان بۇرىن، ۇكىمەتتىڭ نەگىزگى تورابى سياقتىلار ارقىلى ءوز قاراستىلىعىنداعى اقى الۋ پۋنكتى مەن قىزمەت وتەۋ رايونىن جابۋ، توقتاتۋ جاعدايىن جاريالايدى. قاتىناس ـ تاسىمال مينيسترلىگىنىڭ جول تورابىن باقىلاۋ ـ تەكسەرۋ جانە شۇعىل جاعدايعا توتەپ بەرۋ، ءبىر جاقتى ەتۋ ورتالىعى ءار كۇنى جەر ـ جەردىڭ جاعدايىن جيناقتاپ، ءتارتىپ بويىنشا بەكىتتىرگەننەن كەيىن ءبىرتۇتاس جاريالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
