لي كىچياڭ جياڭشيدە قىزمەت تەكسەرگەندە مىنانى دارىپتەدى
بەلگىلەنگەن ساياسات - شارالاردىڭ اتقارىلۋ اياق الىسىن جەدەلدەتىپ، ماكرولىق ەكونوميكانىڭ جالپى جاعدايىن ورنىقتىرىپ، حالىق تۇرمىسىن شىنايى قامتاماسىز ەتۋ كەرەك
2022.04.13 17:43 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 12 - كۇنى، نانچاڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 4 - ايدىڭ 11 - كۇنىنەن 12 - كۇنىنە دەيىن جياڭشي ولكەلىك پارتكومنىڭ شۋجيى ي ليانحۇڭنىڭ، ولكە باستىعى يە جيانچۇننىڭ سەرىك بولۋىندا نانچاڭدا، شاڭراۋدا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، كاسىپورىنداردىڭ قيىنشىلىعىن شەشۋگە كومەكتەسۋ سياقتى ساياسات - شارالاردىڭ اتقارىلۋ اياق الىسىن جەدەلدەتىپ، رەفورما جاساپ، ەسىك اشۋدى ىلگەرىلەتىپ، ەل ءىشى - سىرتىنداعى ورتانىڭ مەجەدەگىدەن ارتىق وزگەرىسىنە پارمەندى توتەپ بەرىپ، جۇمىستاندىرۋدى، زات باعاسىن، ماكرولىق ەكونوميكانىڭ جالپى جاعدايىن ورنىقتىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، حالىق تۇرمىسىن شىنايى قامتاماسىز ەتۋ كەرەك.
لي كىچياڭ گانجياڭ وزەنىنىڭ قۇيار جەرىندەگى سۋ يگىلىگى قۇرىلىسىنىڭ جۇمىس ورنىندا جياڭشي ولكەسىنىڭ سۋ يگىلىگى قۇرىلىسى جونىندەگى مالىمەتتى تىڭداپ، ينجەنەريا سالىنىپ بولعاننان كەيىنگى تۇرمىستى سۋمەن قامداۋ، سۋارۋ، سۋ تاسىمالى سياقتى يقۋاتتاردى ۇعىستى. ول بىلاي دەدى: سۋ يگىلىگى ينجەنەرياسى − حالىققا تيىمدىلىك جاساۋ جانە دامۋ ينجەنەرياسى، قازىرگى جاعدايعا دا، ۇرپاقتارعا دا باقىت جاراتادى. ارناۋلى قارىزدى تاراتۋدى، پايدالانۋدى جەدەلدەتىپ، امانات - قارىز جاعىنان قولداۋدى كۇشەيتىپ، نىسانداردى تەكسەرىپ بەكىتۋ ونىمدىلىگىن جوعارىلاتىپ، شارت - جاعدايى پىسىپ - جەتىلگەن نىسان قۇرىلىسىن قۇرىلىس ساپاسىنا كەپىلدىك ەتۋ نەگىزىندە جاپپاي ورىستەتىپ، ءونىمدى قارجى قوسۋدى كەڭەيتىپ، جۇمىستانۋعا باستاماشىلىق ەتۋ، اسىرەسە، شارۋا جۇمىسكەرلەرگە اناعۇرلىم كوپ جۇمىستانۋ ورايىن جاراتىپ بەرۋ كەرەك. سول مايدانداعى شارۋا جۇمىسكەر بىلاي دەدى: ۇستەمە جۇمىس ىستەگىمىز كەلەدى، وسىلاي بولعاندا كىرىسىمىز دە مولايادى. لي كىچياڭ بىلاي دەدى: جۇڭگولىقتار ەڭبەكشىل، سىزدەر قاجىرلى ەڭبەكتەنىپ، تەر توكتىڭىزدەر، سايكەستى قارىمجىعا يە بولۋلارىڭىز كەرەك.
لي كىچياڭ جياڭشيدىڭ جۇمىستانۋدى ورنىقتىرىپ، يگىلىك جاراتۋدى جەبەۋ جاعدايى جونىندەگى تانىستىرۋىن تىڭدادى. ول نانچاڭ شەكارا اتتاعان ەلەكتروندىق ساۋدا يگىلىك جاراتۋ باقشا رايونىنا كەلىپ، يگىلىك جاراتۋشىلارمەن اڭگىمەلەستى. كەيبىر كاسىپورىندار ناق اقشا اينالىمىنىڭ تاپشى ەكەنىن اڭىس ەتتى، لي كىچياڭ قاتىستى جاۋاپتىلارعا بىلاي دەدى: كەيبىر كاسىپورىندار، اسىرەسە، ەرەكشە قيىنشىلىعى بار كاسىپتەردەگى كاسىپورىندار ءومىر ءسۇرۋدىڭ، دامۋدىڭ ماڭىزدى وتكەلىندە تۇر، قارجى قىسىمىن باسەڭدەتەتىن فينانستىق قولداۋ شارالارىن زەرتتەۋدى مىقتى يگەرۋ كەرەك. ول مەيفان عىلىم - تەحنيكا سەرىكتەستىگىنە بارىپ، كاسىپورىننىڭ تۇعىر ارقىلى ەلەكتروندىق ساۋدامەن اينالىساتىن يگىلىك جاراتۋشىلارعا جۇرگىزگەن ناقتى جاتتىعۋ كۋرسىن ۇعىسىپ، تۇعىردى ويداعىداي دامىتىپ، ءتىپتى دە كوپ ادامنىڭ يگىلىك جاراتۋىنا، جۇمىسقا ورنالاسۋىنا كومەكتەسۋگە ىنتالاندىردى. لي كىچياڭ بىلاي دەدى: رەفورمانى تەرەڭدەتۋ ارقىلى بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم ارتتىرىپ، الەۋمەتتىڭ يگىلىك، جاڭالىق جاراتۋىن ۇزدىكسىز ىلگەرىلەتىپ، جاڭا كاسىپ كۇيىنىڭ، جاڭا ۇلگىنىڭ ۇزدىكسىز جارىققا شىعۋىنا مۇمكىندىك جاساۋ كەرەك. يگىلىك جاراتۋشىلار بازار اشۋعا باتىل بولۋمەن بىرگە، سەنىمدىلىكتەن دە جازباۋى كەرەك، وسىلاي ىستەگەندە ءتىپتى دە جاقسى، ءتىپتى دە باياندى بولادى.
لي كىچياڭ حىڭفىڭ اۋدانى ديڭجيا قىستاعىنا كەلىپ، كۇرىش مايساسىن كوزدەن كەشىردى. مەملەكەتتىڭ اۋىل شارۋاشىلىق ءوندىرىس قۇرال - جابدىقتارى قوسىمشا قاراجاتى مەن جەرگىلىكتى ورىنداردىڭ ۇستەمە زاتتارىنىڭ ەگىنشىلەردىڭ قولىنا تاراتىلعانىن بىلگەن ول مۇنى تۇراقتاندىردى. لي كىچياڭ بىلاي دەدى: استىق ەگۋدىڭ پايداسى بار، استىق وندىرىسىنە باتىلدىقپەن كەپىلدىك ەتۋ كەرەك. اۋىل شارۋاشىلىق ءوندىرىس قۇرال - جابدىقتارىمەن، اسىرەسە، تاپشى ەرەكشە سورتتارمەن قامداۋعا كەپىلدىك ەتۋدى، باعانى ورنىقتىرۋدى ۇزدىكسىز مىقتى يگەرۋ كەرەك، بيىل كۇزگى استىق ەگىلگەندە، ەگەر اۋىل شارۋاشىلىق ءوندىرىس قۇرال - جابدىقتارىنىڭ باعاسى ءالى دە ءبىرشاما جوعارى بولسا، مەملەكەت اۋىل شارۋاشىلىق ءوندىرىس قۇرال - جابدىقتارىنا بەرىلەتىن جاڭا قوسىمشا قاراجات شارالارىن قولدانادى. استىق جەتكىلىكتى بولسا، مەملەكەت تىنىش بولادى، مەملەكەتتىڭ استىق حاۋىپسىزدىگىنە شىنايى كەپىلدىك ەتۋ كەرەك. شاڭراۋدا كۇرىشى ەگۋ تاريحى ۇزاق، قازىر ءبىر ۇلەس ارتىق ەڭبەكتەنسەڭىزدەر، بىرنەشە ايدان كەيىن كوبىرەك ءونىم الاتىن بولاسىزدار.
جيلي جاڭا ەنەرگيا ساۋدالىق اۆتوموبيل سەرىكتەستىگىندە لي كىچياڭ جاڭا تەحنيكا، جاڭا ونىمدەردى كوزدەن كەشىردى. ول بىلاي دەدى: جاڭا ەنەرگيانى دامىتۋ ەنەرگيانى كوپ نەگىزدەندىرۋگە، ەنەرگيانى قامتاماسىزداندىرۋ قۋاتىن جوعارىلاتۋعا ءتيىمدى، ساپاسى جوعارى، حاۋىپسىزدىگى كۇشتى، بازار قاجەت ەتەتىن ءتىپتى دە كوپ جاڭا ونىمدەردى جارىققا شىعارۋ كەرەك. لي كىچياڭ ناق مايدانداعى سايكەستى ورتا، شاعىن، ۇساق كاسىپورىنداردىڭ جاۋاپتىلارىمەن پىكىر الماستىردى. كاسىپورىندار ارتقان قۇن سالىعىن دولايلاستىرىپ قايتارۋ دەر كەزىندە بەرىلگەن كومەك بولعانىن، قازىر جۇك تاسىمالى كەدەرگىگە ۇشىراپ، زات اينالىمى ىركىلىسسىز بولماي، ءونىم تاسىمالدانباي، قامبادا باسىلىپ قالۋ مولشەرى ارتىپ وتىرعانىن اڭىس ەتتى. لي كىچياڭ بىلاي دەدى: سالىق قايتارۋ اياق الىسىن اناعۇرلىم تەزدەتىپ، كاسىپورىنداردىڭ ناق اقشاعا ەرتەرەك قول جەتكىزۋىنە مۇمكىندىك جاساۋ كەرەك. قاتىناستىڭ تىرەكتى توراپتارى مەن جەتكىزۋدىڭ ءتارتىپتى اينالىمىنا، ەل ىشىندەگى حالىقارالىق زات اينالىمىنىڭ ىركىلىسسىزدىگىنە كەپىلدىك ەتىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىنا كەپىلدىك ەتۋ كەرەك. كاسىپورىندار دا ۇزاق جوسپار جاساپ، جۇمىسشى - قىزمەتكەرلەرمەن تار جول، تايعاق كەشۋلەردەن بىرگە ءوتىپ، جۇمىس ورنىن قۇلشىنا ورنىقتىرۋى كەرەك.
لي كىچياڭ جياڭشي ولكەسىنىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، وڭىرلىك ورنى سياقتى ابزالدىقتاردى اناعۇرلىم ويداعىداي ساۋلەلەندىرىپ، ناقتى ىستەپ، العا باسىپ، قيىندىقتاردى جەڭىپ، دامۋدى ۇزدىكسىز تىڭ ساتىعا كوتەرۋدى ىلگەرىلەتۋىن ءۇمىت ەتتى.
شياۋ جيە قىزمەت تەكسەرۋدە بىرگە بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
