شينجياڭ التى ءتۇرلى شارا قولدانىپ، مال شارۋاشىلىعىنىڭ جوعارى ساپالى دامۋىن ىلگەرىلەتتى
2022.04.14 15:25 كەلۋ قاينارى : حالىق تورابى
شينجياڭ تورابىنىڭ حابارى. بيىل شينجياڭ ۇيعۇر اۆتونوميالى رايونى تۇتاس شينجياڭدا ەت ءونىمىن 200 مىڭ تونناعا جەتكىزۋ، ءسۇت ءونىمىن 180 مىڭ تونناعا جەتكىزۋ، جۇمىرتقا ءونىمىن 20 مىڭ توننادان اسىرۋ نىساناسىن جۇزەگە اسىرۋعا كۇش سالدى. مۇنى ءتىلىشىمىز شينجياڭ ۇيعۇر اۆتونوميالى رايوندىق مال شارۋاشىلىق، مال شيپاگەرلىك مەكەمەسىنەن ۇعىستى.
بيىل شينجياڭ ۇيعۇر اۆتونوميالى رايوندىق مال شارۋاشىلىق، مال شيپاگەرلىك مەكەمەسى مال شارۋاشىلىعىنىڭ «14 ـ بەسجىلدىق» دامۋ نىساناسى مەن مىندەتتەرىن مىقتاپ ارقاۋ ەتىپ، سويىس قوي ولشەمدەنگەن كولەمدى باعىمشىلىعىن جەدەل دامىتۋ، سويىس سيىر ءوندىرىسىنىڭ كولەمىن كەڭەيتۋ، ءۇي قۇستارى كاسىبىن ساپالىلاندىرۋ، كۇشەيتۋ سياقتى التى ءتۇرلى شارا قولدانىپ، مال شارۋاشىلىعىنىڭ جوعارى ساپالى دامۋىن بەلسەنە ىلگەرىلەتىپ، مال شارۋاشىلىق ونىمدەرى ءوندىرىسىنىڭ قامداۋ قۋاتىن ۇزدىكسىز جوعارىلاتادى.
ساندى مالىمەتتە كورسەتىلۋىنشە، بىلتىر شينجياڭ ەگىنشىلىك رايوندارىنداعى مال شارۋاشىلىعى مەن ءسۇت شارۋاشىلىعىن گۇلدەندىرۋدى بار كۇشپەن ىلگەرىلەتىپ، 1293 كولەمدى باعىمشىلىق الاڭىن جاڭادان قۇرعان جانە كەڭەيتىپ سالعان، شوشقا، سيىر، قوي، قۇس ەتى، سيىر ءسۇتى، جۇمىرتقا ءونىمى وتكەن جىلدىڭ ۇقساس مەزگىلىندەگىدەن %16.1، %5.57، %2 ارتقان، سۋ ونىمدەرىنىڭ جالپى ءونىم مولشەرى 170 مىڭ تونناعا جەتكەن.
جالعاستى كورىڭىز
مال شارۋاشىلىعىنىڭ جوعارى ساپالى دامۋىن ىلگەرىلەتۋدىڭ التى ءتۇرلى شاراسى ءبىر ـ بىرلەپ كورسەتىلدى
سويىس قوي ولشەمدەنگەن كولەمدى باعىمشىلىعى جەدەل دامىتىلادى. ەگىنشىلىك رايوندارىندا 10 مىڭ تۇياقتان استام سويىس قوي ولشەمدەگەن كولەمدى باعىمشىلىق بازاسىنان ءبىر توبى جاڭادان سالىنادى جانە جاڭالانادى، ءبىر توپ سويىس قوي شارۋاشىلىعىنداعى قۋاتتى قالاشىق جانە جاسىل، ورگانيكالى قوي ەتى ماركاسىن قالىپتاستىرادى. 2022 ـ جىلى بۇكىل شينجياڭ بويىنشا قوي ەتىنىڭ ءونىم مولشەرىن تىڭنان 47 مىڭ توننا اسىرۋعا كۇش سالىنادى.
سويىس سيىر ءوندىرىس كولەمى كەڭەيتىلەدى. سويىس سيىرلاردى وزدەرى ءوسىرىپ جەتىلدىرەتىن ءوندىرىس جۇيەسىن جەدەل ورناتىپ، اسىل تۇقىمدى سيىرلاردى ەنگىزۋ تەبىنىن ارتتىرىپ، مىڭ باس سويىس سيىرى بار باعىمشىلىق الاڭدارىنان ءبىر توبىن جاڭادان جانە وزگەرتىپ قۇرىپ، كاسىپورىنداردىڭ اۋىل شارۋاشىلىعىمەن بىرلەسۋ، اۋىل شارۋاشىلىعىن جەتەكتەۋ، اۋىل شارۋاشىلىعىن جەبەۋ مەحانيزمىن كەمەلدەندىرەدى. 2022 - جىلى شينجياڭ بويىنشا سيىر ەتىنىڭ ءونىم مولشەرىن تىڭنان 83 مىڭ توننا اسىرۋعا كۇش سالىنادى.
ءسۇت شارۋاشىلىعىنىڭ دامۋىن جەدەلدەتۋ. ءسۇت بازاسى قۇرىلىسىن كۇشەيتىپ، حولستەين ساۋىن سيىرىن مولايتىپ، ساۋىن سيىردىڭ بىرلىك ءونىمىن جوعارىلاتىپ، سورتىنىڭ ساپالىلانۋىن، مولشەرىنىڭ قاتار جوعارىلاۋىن جۇزەگە اسىرادى. ءسۇت ونىمدەرىن مانەرلەۋ كاسىپورىندارىنىڭ ابزال بايلىتى بىرىكتىرۋدى ىلگەرىلەتىپ، ءسۇت ونىمدەرىنىڭ باستاماشى كاسىپورىندارىن قۇرىپ، رايون سىرتىنداعى ءسۇت ونىمدەرى بازارىن ونان ارى كەڭەيتەدى. 2022 ـ جىلى تۇتاس شينجياڭدا سيىر ءسۇتىنىڭ ءونىم مولشەرىن 180 مىڭ توننادان اسىرۋعا، شينجياڭنان سىرتقا ساتىلاتىن ءسۇت ونىمدەرىن تىڭنان 250 مىڭ توننا اسىرۋعا كۇش سالىنادى.
ءۇي قۇستارى كاسىبىن ساپالىلاندىرۋ، كۇشەيتۋ. ءۇي قۇستارىنىڭ تۇقىم قاينارى جۇيەسى مەن ولشەمدەنگەن ءوندىرىس جۇيەسىن اقاۋسىزداندىرىپ، ءۇي قۇستارىن ولشەمدەندىرىپ، اقاۋسىز باعۋ ۇلگىسىن جالپىلاستىرىپ، 500 مىڭنان جوعارى ولشەمدەنگەن قۇس باعۋ بازاسىنان 2 دە 3ىن تىڭنان جانە كەڭەيتىپ سالادى. ەرەكشە ءۇي قۇستارىنىڭ تۇقىم قۋالاۋ بايلىعىن قورعاۋدى جانە اشىپ پايدالانۋدى كۇشەيتىپ، باي اۋدانى ماما تاۋىعىنىڭ، حوتان قارا تاۋىعىنىڭ، ىلە قازىنىڭ تۇقىمىن سۇرىپتاپ جەتىلدىرۋ مەن ءونىم جۇيەسىن جەتىلدىرۋدى كۇشەيتەدى. 2022 ـ جىلى شينجياڭ بويىنشا قۇس ەتىنىڭ ءونىم مولشەرىن تىڭنان 53 مىڭ توننا، جۇمىرتقا ءونىمىن 20 مىڭ توننا اسىرۋعا كۇش سالىنادى.
شوشقا شارۋاشىلىعىنىڭ تيپىن وزگەرتىپ، دارەجەسىن جوعارىلاتۋدى جەبەۋ. شوشقا تۇقىمىن جەتىلدىرۋ جۇيەسى قۇرىلىسىن كۇشەيتەدى. 2022 - جىلى شينجياڭ بويىنشا شوشقا ەتىنىڭ ءونىم مولشەرىن تىڭنان 17 مىڭ توننا اسىرۋعا كۇش سالىنادى.
جەرگىلىكتى جاعدايعا قاراي ەرەكشە باعىمشىلىق كاسىبىن دامىتۋ. كوپ ءتۇرلى شارانى قاتار قولدانىپ، جىلقى، ەسەك، تۇيە، كەپتەر سياقتى ەرەكشە كاسىپتەردىڭ دامۋىن ىلگەرىلەتىپ، سورتتى جىلقىنىڭ ساپاسىن جوعارىلاتۋ ارەكەتىن اتقارىپ، شينجياڭ ىلە جىلقىسىنىڭ كاسىپ شوعىرى نىسانىن مىقتى يگەرىپ، تۇيە ءسۇتى، ەسەك ءسۇتى، جىلقى ونىمدەرى سياقتى شينجياڭنىڭ ەرەكشە مال شارۋاشىلىق ونىمدەرىنىڭ بازار ۇلەسىن كەڭەيتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
