العاشقى ماۋسىمدا شينجياڭنىڭ قاتىناس نەگىزدىك قۇرىلعىلارىنا قوسىلعان قارجى سايكەس مەزگىلدەگىدەن ％53.1 ارتتى
2022.04.14 17:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 4 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋعا قاراعاندا، بيىل جىل باسىنان بەرى رايونىمىز قاتىناس نەگىزدىك قۇرىلعىلار قۇرىلىسىن بەلسەنە ىلگەرىلەتىپ، ءبىرىنشى ماۋسىمدا بۇكىل اۆتونوميالى رايونىمىزدىڭ قاتىناس نەگىزدىك قۇرىلعىلار قۇرىلىسىنا 4 ميلليارد 93 ميلليون يۋان قارجى قوسىلىپ، سايكەس مەزگىلدەگىدەن ％53.1 ارتقان.
4 - ايدىڭ 11 - كۇنى تۇستەن بۇرىن G0711 ۇرىمجىدەن لوپنۇرعا دەيىنگى جوعارى جىلدامدىقتى تاس جولدىڭ تيانشان جەڭىس تۋنەلىنىڭ كىرەر اۋزىنداعى جۇمىس ورنىندا ماشينا گۇرىلدەپ، تاس جول قۇرىلىسشىلارى قاربالاس جۇمىس ىستەۋدە.
”ءۇرىمجى − لوپنۇر تاس جولى كوتەرمەگە الۋ نىسانىنا قاراستى نىساننىڭ ءبارى قايتا جۇمىس باستادى، ءبىرىنشى ماۋسىمدا جيىنى ءبىر ميلليارد 140 ميلليون يۋان قارجى قوسىلدى. الدا ءبىز قۇرىلىس سەرپىنىن ارتتىرىپ، ءارقايسى كەزەڭدەگى قارجى قوسۋ مىندەتتەرىن نورمادان ارتىق ورىنداۋعا كۇش سالامىز“، - دەدى شينجياڭ ءۇرىمجى − لوپنۇر تاس جولى كوتەرمەگە الۋ نىسانى PPP نىسانىنىڭ باس ديرەكتورى سۇي جيڭچۋان.
بيىل اۆتونوميالى رايوندىق قاتىناس - تاسىمال مەڭگەرمەسى ”ءبىر نىسان، ءبىر باسشى، ءبىر جوبا“ بويىنشا تۇرگە ايىرىپ شارا قولدانىپ، قۇرىلىسى جالعاستىرىلاتىن نىسانداردىڭ جابال، جەدەل جۇمىس باستاۋىن، جاڭادان جۇمىس باستايتىن نىسانداردىڭ باستاۋعا تيىستىلەرىنىڭ مۇمكىندىگىنشە جۇمىس باستاۋىن، زاپاس نىسانداردىڭ مۇمكىندىكتىڭ بارىنشا ەرتەرەك جۇمىس باستاۋىن تالاپ ەتتى ءارى ءتۇيىندى قىزمەت مىندەتتەرىن ورنالاستىردى، بۇكىل رايونىمىزداعى قاتىناس - تاسىمال سالالارىن بەتالىستى ايقىنداپ، سەنىمدى بەكەمدەپ، مەملەكەتتىك، ولكەلىك نەگىزگى جەلى، اۋىل - قىستاق تاس جولى، جولاۋشى - جۇك تاسىمال الاڭ - بەكەتى سياقتى نىسانداردىڭ قۇرىلىس اياق الىسىن جەدەلدەتۋگە اتتانىسقا كەلتىردى.
1 - ايدان 3 - ايعا دەيىن بۇكىل رايونىمىزداعى مەملەكەتتىك، ولكەلىك نەگىزگى جەلى نىساندارىنا 3 ميلليارد 271 ميلليون يۋان قارجى قوسىلىپ، نىسانا - مىندەتتەردى نورمادان ارتىق ورىندادى. قازىر بۇكىل رايونىمىزداعى قۇرىلىسى جالعاستىرىلاتىن 56 نىساننىڭ 44ى قايتا جۇمىس باستادى، قايتا جۇمىس باستاۋ سالىستىرماسى ％78.6 بولدى، قالعان 12 نىسان قايتا جۇمىس باستاۋ شارت - جاعدايىن ازىرلەمەگەن، اۋا رايى جىلىنىپ، ءارقايسى نىسان قايتا جۇمىس باستاۋ شارت - جاعدايىن ازىرلەگەننەن كەيىن، جۇمىس باستاۋعا كىرىسەدى. بۇكىل رايونىمىزدا جاڭادان قۇرىلىس باستايتىن 24 نىساننىڭ ەكەۋى جۇمىس باستاعان، قالعان نىساندار ىلگەرىلەتىلۋدە. اۋىل - قىستاق تاس جولى، جولاۋشى - جۇك تاسىمال الاڭ - بەكەتتەرى نىساندارى دا جەدەل ىلگەرىلەتىلۋدە.
بيىل رايونىمىز تۇتاس جىلدا قاتىناس تۇراقتى مۇلكىنە 80 ميلليارد يۋان قارجى قوسۋدى بەلگىلەدى، مولشەرمەن جىل سوڭىندا بۇكىل رايونىمىزداعى جوعارى جىلدامدىقتى (1 - دارەجەلىنى قامتيدى) تاس جول جالپى ۇزىندىعىن 10 مىڭ كيلومەتردەن اسىرادى، مۇندا جوعارى جىلدامدىقتى تاس جولدىڭ جالپى ۇزىندىعى 7500 كيلومەتردەن اسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
