دەلو ارقىلى ەسكەرتۋ بەرىلدى، حەيلۇڭجياڭ ولكەسى اۋىل – قىستاقتاعى ەگىستىك جەردى الباتى يەلەپ الىپ، وعان ءۇي سالۋ قاتارلى ءبىر توپ تيپتىك دەلو جونىندە حابارلاندىرۋ شىعاردى
2022.04.15 13:36 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى سۇن شياۋيۇي 4 – ايدىڭ 13 – كۇنى حاربيننەن حابارلايدى. ەگىستىك جەردى اناعۇرلىم قاتاڭدىقپەن قورعاپ، ەگىستىك جەرگە قاتىستى قىزىل سىزىقتى بەرىك ساقتاۋ ءۇشىن، جۋىردا حەيلۇڭجياڭ ولكەلىك جاراتىلىستىق بايلىق مەڭگەرمەسى اۋىل – قىستاقتاعى ەگىستىك جەردى الباتى يەلەپ الىپ، وعان ءۇي سالۋ جاعىنداعى تيپتىك دەلولاردان ءبىر توپ دەلو جونىندە حابارلاندىرۋ شىعاردى.
مۇندا، 2021 – جىلى 4 – ايدا، حاربين چىشۋان ەڭبەك جاعىندا قىزمەت وتەۋ شەكتى سەرىكتەستىگى حاربين قالاسى اچىڭ رايونى اچىڭ وزەنى ءمالىسى دۇڭحۋان قىستاعىنىڭ 2.97 مۋ جەرىن زاڭسىز يەلەپ، بۇل جەرگە ۋاقىتتىق قالتقى سالعان. 2021 – جىلى 11 – ايدا، بۇل سەرىكتەستىك زاڭسىز يەلەپ العان جەردەگى قۇرىلىستى وزدىگىنەن شاققان. قازىر بۇل جەردە ەگىس ەگۋ شارت – جاعدايى قالپىنا كەلتىرىلگەن، جەرگىلىكتى ءتارتىپ تەكسەرۋ – باقىلاۋ كوميتەتى بۇل ءىستى تەكسەرۋگە ارالاسقان.
2021 – جىلى 5 – ايدا، حاربين قالاسى سۇڭبەي رايونى ۋانباۋ قالاشىعى حوۋچىڭ قىستاعىنداعى جاۋ X زاڭعا قايشى تۇردە ماڭگىلىك نەگىزدىك ەگىستىك جەردەن 0.69 مۋ جەردى يەلەپ الىپ، بۇل جەرگە ءۇي سالعان. 2021 – جىلى 12 – ايدا، حاربين قالاسى جاڭا رايوندىق باسقارۋ كوميتەتى امبەباپ اكىمشىلىك زاڭ اتقارۋ باس اترەتى بۇل ءۇيدى شاعۋ جۇمىستارىن ۇيىمداستىرعان. قازىر زاڭعا قايشى سالىنعان قۇرىلىس تۇگەلدەي شاعىلعان، جەردىڭ توڭى جىبىگەن سوڭ، بۇل جەر ەگىن ەگۋ شارت – جاعدايىن ازىرلەيدى. جەرگىلىكتى ورىنداعى ءتارتىپ تەكسەرۋ – باقىلاۋ كوميتەتى تەكسەرۋگە ارالاسقان.
2021 – جىلى 5 – ايدا، حاربين جانحاڭ ەگىمشىلىك شەكتى سەرىكتەستىگى سۇڭبەي رايونى سۇڭپۋ قالاشىعى شينحۋا قىستاعىنىڭ ماڭگىلىك نەگىزدىك ەگىستىك جەرىنەن 12.35 مۋ جەردى زاڭسىز يەلەپ الىپ، دوڭىز قورا جانە كەڭسە سالعان. 2022 – جىلى 1 – ايدا، حاربين قالاسى جاڭا رايوندىق باسقارۋ كوميتەتىنىڭ امبەباپ اكىمشىلىك زاڭ اتقارۋ باس اترەتى بۇل قۇرىلىستى شاعۋ جۇمىستارىن ۇيىمداستىرعان. قازىر زاڭعا قايشى سالىنعان قۇرىلىس تۇگەلدەي شاعىلعان، جەردىڭ توڭى جىبىگەن سوڭ، ەگىن ەگۋگە بولادى. جەرگىلىكتى ءتارتىپ تەكسەرۋ – باقىلاۋ كوميتەتى بۇل ءىستى تەكسەرۋگە ارالاسقان ءارى قوعام حاۋىپسىزدىگى ورگاندارىنا جوتكەپ بەرگەن، قوعام حاۋىپسىزدىگى ورگانى قىلمىس كۇماندىسىن مەڭگەرۋگە العان، قازىر پروكۋراتۋرا ورگانىنىڭ تەكسەرۋىنە وتكىزىپ بەرۋدە.
مۇنان سىرت، حەيلۇڭجياڭ ولكەسى حاربين قالالىق 3 – قۇرىلىس ينجەنەرياسى شەكتى سەرىكتەستىگىنىڭ جەردى زاڭسىز يەلەپ الىپ، ۋاقىتتىق قالتقى تۇرعىزۋى، حاربين قالاسى سۇڭبەي رايونى شينجىن قىستاعىنداعى لي X دىڭ جەردى زاڭسىز يەلەپ الىپ، قامبا سالۋى، حاربين قالاسى نانگاڭ رايونى ۋاڭگاڭ قالاشىعى يۇڭحۇڭ قىستاعىنداعى حۋارۇن سەرىكتەستىگىنىڭ جۇڭحاي جيۋلي فاڭحۋا قۇرىلىس نىسانىنىڭ ەگىستىك جەردى يەلەپ الىپ، ءۇي سالۋى قاتارلى دەلولار جونىندە حابارلاندىرۋ شىعارعان.
حەيلۇڭجياڭ ولكەلىك جاراتىلىستىق بايلىق مەڭگەرمەسىنىڭ قاتىستى جاۋاپتىسىنىڭ ايتۋىنشا، ەگىستىك جەردى يەلەپ الىپ، بۇل جەرگە ءۇي سالۋ سىندى ارەكەتتەردىڭ جاڭادان ارتۋىنا مۇلدەم جول بەرمەستەن، پارمەندى شارالاردى قولدانىپ، اۋىل – قىستاقتاعى ەگىستىك جەردى الباتى يەلەپ الىپ، ءۇي سالۋ ارەكەتىن باتىل تەجەپ، ەگىستىك جەردى قورعاۋ قىزىل سىزىعىن تاباندىلىقپەن ساقتايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
