قۇمىل قالاسى:
ورتانى قورعاۋ ولشەمىنە جەتپەيتىن قاراماي ارالاستىرۋ پۋنكتىن زاڭ بويىنشا تەكسەرىپ ءبىر جايلى ەتتى
2022.04.14 17:32 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى ءتىلشى ياڭ حۇڭجيان 4 - ايدىڭ 11 - كۇنى ۇرىمجىدەن حابارلايدى. 4 - ايدىڭ 10 - كۇنى قۇمىل قالاسى يجوۋ رايونى سولتۇستىك شىعار جول 312 - مەملەكەتتىك تاس جولىنىڭ ماڭىندا قۇمىل جيانشياڭ قۇرىلىس شەكتى سەرىكتەستىگى ارالاستىرۋ پۋنكتىنىڭ جابدىقتارىن شاعۋدا، شينجياڭ تيانشيڭ ۋيجيان ينجەنەريا قۇرىلىسى شەكتى سەرىكتەستىگى قۇمىل بولىمشە سەرىكتەستىگى شيكى زاتتاردى ءۇيۋ الاڭىن شاڭ - توزاڭنان قورعاۋ تورىمەن جاپتى. وزگە 4 قاراماي ارالاستىرۋ پۋنكتى تۇگەلدەي ءوندىرىس توقتاتتى.
تاياۋدا قۇمىل قالاسى ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنىڭ بىتىرۋگە وتكىزىپ بەرگەن ”يجوۋ رايونى سولتۇستىك شىعار جول 312 - مەملەكەتتىك تاس جولىنىڭ سولتۇستىگىندە، شىعىستان باتىسقا قاراي 50 كيلومەترگە جۋىق كولەمىندە 6 قاراماي ارالاستىرۋ پۋنكتىنىڭ ەشقانداي راسمياتى جوق، قارا ءتۇتىن شىعارىپ، ورتانى لاستاۋ سياقتى ماسەلە“ تۋرالى ارىز - ارماندى قابىلداعان سوڭ، دەرەۋ ەكولوگيالىق ورتا، جاراتىلىستىق بايلىق، تۇرعىن ءۇي جانە قالا، اۋىل قۇرىلىسى سياقتى تاراۋلاردى ۇيىمداستىرىپ سول جەردىڭ وزىندە تەكسەرۋ جۇرگىزدى.
سول جەردىڭ وزىندە تەكسەرۋ ارقىلى ارىز - ارمان اشكەرەلەۋدە اڭىس ەتىلگەن وڭىردەگى جالپى 6 قاراماي ارالاستىرۋ پۋنكتىنىڭ ىشىندە بەسەۋىنىڭ يجوۋ رايونى كولەمىندە ەكەندىگى، بارلىعىندا ۋاقىتشا جەردەن پايدالانۋ راسمياتى بار ەكەندىگى، الايدا ورتاعا ىقپالىن ساراپتاۋ بەكىتپە راسمياتىن الماعاندىعى، قالعان بىرەۋىنىڭ شينجياڭ ءوندىرىس - قۇرىلىس بيڭتۋانى 13 - شى شينشيڭ قالاسىنا قاراستى بولىپ، بىتىرۋگە وتكىزىپ بەرىلگەندىگى انىقتالدى.
”ءبىز 5 قاراماي ارالاستىرۋ پۋنكتىنە زاڭعا قايشى ارەكەتىن تۇزەتۋدى بۇيىرۋ ۇيعارىمىن ءتۇسىرىپ، كاسىپورىننىڭ دەرەۋ رەتتەۋ - تۇزەتۋىن، قاراماي، قۇم - شاعىلداردى ساقتاۋ، تاسىمالداۋ، جىلىتۋ، ارالاستىرۋدان ماتەريالدى ءتۇسىرىپ زاۆودتان شىعارۋعا دەيىنگى جۇمىستاردى ءتۇيىندى تۇردە ارقاۋ ەتە وتىرىپ رەتتەۋ - تۇزەتۋ جوباسىن جاساپ، ءوندىرىس بارىسىندا جارىققا شىققان زياندى ءتۇتىن، شاڭ - توزاڭنىڭ تارالۋى جانە ەنەرگيانى جوعارى مولشەردە جۇمساۋ ماسەلەسىن ءونىمدى تەجەپ، تۇتاس بارىستا جابىق ءوندىرىس جۇرگىزۋدى جۇزەگە اسىرۋدى تالاپ ەتتىك“، - دەدى قۇمىل قالالىق ەكولوگيالىق ورتا مەكەمەسى ەكولوگيالىق ورتانى قورعاۋ جالپىلىق اكىمشىلىك زاڭ اتقارۋ تارماق اترەتىنىڭ ورىنباسار ءبولىم باستىعى چىن يميڭ. ول تەكسەرىپ وتكىزىپ الۋ تولىمدى بولۋدان بۇرىن كاسىپورىنداردىڭ جابدىقتى ىسكە قوسۋعا تيىم سالعاندىعىن ايتتى.
شينجياڭ تيانشيڭ ۋيجيان ينجەنەريا قۇرىلىسى شەكتى سەرىكتەستىگى قۇمىل بولىمشە سەرىكتەستىگىنىڭ قاتىستى جاۋاپتىسى بىلاي دەدى:”ءبىز تالاپ بويىنشا دەرەۋ قاتىستى راسمياتتاردى تولىقتايمىز، سونداي - اق شيكى زاتتاردى ءۇيۋ الاڭىندا شاڭ - توزاڭ شىعارماۋ قىزمەتىن ويداعىداي ىستەپ، سۋ شاشۋعا تيىستىلەرىنە سۋ شاشىپ، جابۋعا بولاتىندارىن جاۋىپ، الاڭنىڭ ورتانى قورعاۋ تالابىنا ۇيلەسۋىنە شىنايى كەپىلدىك ەتەمىز“.
ۇعىسۋعا قاراعاندا، قۇمىل قالاسىنىڭ ەكولوگيالىق ورتا تاراۋلارى جاراتىلىستىق بايلىق، شۇعىل جاعدايعا توتەپ بەرۋدى باسقارۋ سياقتى تاراۋلارمەن بىرلەسكەن زاڭ اتقارۋ گرۋپپاسىن قۇرىپ، قاراستى اۋماقتاعى ارالاستىرۋ پۋنكتتەرىندە شاڭ - توزاڭ، شۋىل، ولشەمگە تولماي ىعىستىرۋ سياقتى قورشاعان ورتانى لاستاۋ ماسەلەلەرىنە ءبىر رەت تور جايۋ ۇلگىسىندە ءبىر - بىرلەپ تەكسەرۋ جۇرگىزىپ، زاڭعا قايشى ارەكەتتەرگە سوققى بەرىپ، قۇمىل قالاسىنىڭ تۇرعىندارىنا تاماشا تۇرمىس ورتاسىن جاراتادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
