قۋاتتىق ازىق – تۇلىكتەردى ساتىپ العاندا بەلگىسىن دۇرىس تانىڭىز (حالىق تۇرمىسىنا قىزمەت وتەۋ)
حالىق گازەتىنىڭ ءتىلشىسى چي جىميڭ
2022.04.15 15:11 كەلۋ قاينارى : حالىق تورابى
تۇرمىس ورەسىنىڭ ۇزدىكسىز جوعارىلاۋىنا بايلانىستى، كوپتەگەن تۇتىنۋشىلاردىڭ، وتە – موتە، قارت تۇتىنۋشىلاردىڭ قۋاتتىق ازىق – تۇلىكتەرگە بولعان قاجەتسىنۋى ارتتى. الايدا، بۇكىل ەلىمىزدىڭ جەر – جەرىندەگى تۇتىنۋشىلار بىرلەستىگى جيناقتاعان ساندى دەرەكتەرگە قاراعاندا، 2021 – جىلى قۋاتتىق ازىق – تۇلىكتەرگە قاتىستى 7709 شاعىم بەرىلگەن، مۇندا ساپاسى، زات ساتقاننان كەيىنگى قىزمەت وتەۋ، جالعان ۇگىت قاتارلى ماسەلەلەر قامتىلعان، قارتتارعا ساياتىن شاعىمدانۋ ىستەرى ءبىرشاما كورنەكتى بولعان. ەندەشە، قۋاتتىق ازىق – تۇلىكتەردى قالاي تاڭداۋ كەرەك؟
جۇڭگو تۇتىنۋشىلار بىرلەستىگىنىڭ قاتىستى جاۋاپتىسىنىڭ تانىستىرۋىنشا، سەنىمدى كاسىپورىندار وندىرگەن قۋاتتىق ازىق – تۇلىكتەردىڭ بارلىعىندا مەملەكەتتىڭ اكىمشىلىك ورگاندارى پايدالانۋعا رۇقسات بەرگەن «كوك شاپكى» بەلگىسى بولادى، بەلگىنىڭ استىڭعى جاعىنا «بەكىتۋ ءنومىرى» جازىلادى.
اتالعان جاۋاپتى مىنانى ەسكەرتتى: سەنىمسىز قۋاتتىق ازىق – تۇلىكتەردى ساتۋشىلاردىڭ ايلاسى مول، ەڭ كورنەكتىسى — اسىرەلەپ ۇگىتتەۋ، جالعان جارناما ارقىلى تۇتىنۋشىلاردى الجاستىرۋ. تيپتىك بەينەلەرى — «جاي ازىق – تۇلىكتەرگە بەلگىلى رول ۇستەمەلەۋ، بەلگىلى رولى بار ازىق – تۇلىكتەردى ءدارى – دارمەك رەتىندە تانىستىرۋ»، قۋاتتىق رولى مۇلدە جوق جاي ازىق – تۇلىكتەردى قۋاتتىق رولى بار دەپ، ءتىپتى اۋرۋدان ساقتانۋ جانە اۋرۋدى ەمدەۋ رولى بار «حيكىمەتتى ءدارى» دەپ تانىستىرۋ.
سەنىمدى قۋاتتىق ازىق – تۇلىكتەردى ساتىپ الۋ ءۇشىن، تۇتىنۋشىلار تومەندەگىدەي ماڭىزدى تۇيىندەردى ەستە ساقتاۋى قاجەت:
قۋاتتىق ازىق – تۇلىكتەردى ساتىپ الۋداعى ماقسات — اۋرۋدى ەمدەۋ ەمەس، اۋرۋدان ساقتانۋ؛ كۋالىكتەرى تولىق، سەنىمدى دۇكەندەردەن ساتىپ الۋ قاجەت؛ باعاسى قىمبات بولعان سايىن، رولى جاقسى بولادى دەگەنگە سەنە كەتپەۋ كەرەك؛ كىشى - گىرىم پايدانى كوزدەمەۋ، بارلىق اۋرۋعا شيپالى دەگەن قيسىنسىز سوزگە سەنبەۋ قاجەت؛ قوماقتى سومادا زات ساتىپ العاندا، ساۋداگەرلەردىڭ تولىمدىلىعىن، ءونىمنىڭ رۇقسات كۋالىگىن، ءسوزسىز، تەكسەرىپ كورۋ، كاسىپورىننىڭ قاتىستى تىركەلۋ، تىزىمدەلۋ جاعدايلارىن تەكسەرىپ كورۋ قاجەت؛ تاۋاردى ساتىپ العاندا تالون قاتارلى سەنىمدى ىسپاتتاردى الۋدى، استە، ۇمىتپاۋ، جول بويىنداعى جايما، زاڭسىز شوعىرلى ساتۋ، جالعامالى ساتۋ قاتارلى جولدارمەن قۋاتتىق ازىق – تۇلىكتەردى ساتىپ الماۋ قاجەت؛ اتالمىش «ءتيىمدى باعا» دەگەنگە بولا قۋاتتىق ازىق – تۇلىكتەردى جيناپ الماۋ، قاجەتكە قاراي ۇيلەسىمدى مولشەردە تۇتىنۋ پرينسيپىن مەڭگەرۋ، ءوز دەنساۋلىق جاعدايىنا جانە ەكونوميكالىق جاعدايىنا ۇيلەسەتىن قۋاتتىق ازىق – تۇلىكتەردى تاڭداۋ قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
