شينجياڭداعى 3 اۋدان مەملەكەتتىك جايىلىم مال شارۋاشىلىعىنىڭ تيپىن وزگەرتىپ، دارەجەسىن جوعارىلاتۋ نىسانى ەتىلگەن اۋدان قاتارىنا ەندى
2022.04.18 15:33 كەلۋ قاينارى : حالىق تورابى
شينجياڭ گازەتىنىڭ ءتىلشىسى ما بويۇي 4 ـ ايدىڭ 17 ـ كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايوندىق مال شارۋاشىلىق، مال شيپاگەرلىك مەكەمەسىنەن ۇعىسۋىنشا، تاياۋدا شينجياڭنان 3 اۋدان «2022 ـ جىلعى جايىلىم مال شارۋاشىلىعىنىڭ ءتيبىن وزگەرتىپ، دارەجەسىن جوعارىلاتۋ نىسانى ەتىلگەن اۋدان» قاتارىنا ەنگىزىلگەن، ولار جەكە ـ جەكە تاشقورعان تاجىك اۆتونوميالى اۋدانى، بۋىرشىن اۋدانى جانە موڭعۇلكۇرە اۋدانى ەكەن. تۇيىندە سىناق ەتۋ مەزگىلىندە ورتالىق نىسان قارجىسىن قولداپ، جايىلىم مال شارۋاشىلىعىنىڭ تيپىن وزگەرتىپ، دارەجەسىن جوعارىلاتىپ دامۋىن قولداۋعا جۇمسايدى.
مەملەكەتتىك كەڭەس كەڭسەسى باسىپ تاراتقان «مال شارۋاشىلىعىنىڭ جوعارى ساپالى دامۋىن جەبەۋ جونىندەگى پىكىردى» دايەكتىلەندىرىپ، جايىلىم مال شارۋاشىلىعىنىڭ باياندى، اقاۋسىز دامۋىن جەدەل ىلگەرىلەتۋ ءۇشىن، 2022 ـ جىلدان باستاپ مەملەكەتتىك دامۋ جانە رەفورما كوميتەتى، اۋىل شارۋاشىلىعى، اۋىل ـ قىستاق مينيسترلىگى شينجياڭ، ىشكى موڭعۇل، شيزاڭ، چيڭحاي سياقتى بۇكىل ەلدەگى كوپتەگەن ولكە، اۆتونوميالى رايونداردىڭ مال شارۋاشىلىق اۋداندارىندا جانە جارتىلاي ەگىنشىلىك، جارتىلاي مال شارۋاشىلىق اۋداندارىندا جايىلىم مال شارۋاشىلىعىنىڭ تيپىن وزگەرتىپ، دارەجەسىن جوعارىلاتۋدى تۇيىندە سىناق ەتۋ نىسانىن اتقاردى.
مەملەكەتتىك دامۋ جانە رەفورما كوميتەتى، اۋىل شارۋاشىلىعى، اۋىل ـ قىستاق مينيسترلىگى بىرلەسىپ تەكسەرۋ، جاۋاپ قايتارۋ ارقىلى بۇكىل ەل كولەمىندە 15 اۋداندا جايىلىم مال شارۋاشىلىعىنىڭ تيپىن وزگەرتىپ، دارەجەسىن جوعارىلاتۋدى تۇيىندە سىناق ەتۋ نىسانىن بەلگىلەدى، مۇنىڭ ىشىندە شينجياڭنىڭ تاشقورعان تاجىك اۆتونوميالى اۋدانى، بۋىرشىن اۋدانى جانە موڭعۇلكۇرە اۋدانى تۇيىندە سىناق ەتۋ كولەمىنە ەنگىزىلدى، تۇيىندە سىناق ەتۋ مەرزىمى 3 تە 4 جىل بولادى، ءاربىر اۋدانعا 150 ميلليون يۋان قارجى قوسىلادى، 2022 ـ جىلى ءاربىر اۋدانعا ورتالىق 40 ميلليون يۋان قارجى قوسادى. نىسان قۇرىلىسى اۋدان كولەمىندەگى تابيعي جايىلىمنىڭ تارالۋى، جايىلىم مال شارۋاشىلىعىنىڭ دامۋ جاعدايى، مال شارۋاشىلىق ءونىم قۇنىنىڭ ءىرى اۋىل شارۋاشىلىعىنداعى ارا سالماعى، مالدى قولدا باعۋ، مال شارۋاشىلىعىن وسىزامانداندىرۋ دەڭگەيى سياقتىلارعا نەگىزدەلىپ بەلگىلەنەدى.
شينجياڭ ۇيعۇر اۆتونوميالى رايوندىق مال شارۋاشىلىق، مال شيپاگەرلىك مەكەمەسىنىڭ قاتىستى جاۋاپتىسىنىڭ تانىستىرۋىنا قاراعاندا، نىسان قۇرىلىسىنىڭ باستى مازمۇنى تابيعي جايىلىمدى قورعاۋ جانە قالپىنا كەلتىرۋ، جوعارى ءونىمدى، ورنىقتى، ساپالى جەم ـ ءشوپ بازاسى قۇرىلىسى، وسىزاماندانعان جايىلىم ەكولوگيالىق مال فەرماسى نەمەسە ولشەمدەنگەن كولەمدى باعىمشىلىق الاڭى قۇرىلىسى، اسىل تۇقىمدى مال جانە جەم ـ ءشوپ ۇرىعى بازاسى قۇرىلىسى، اپاتتان ساقتانۋ، اپات زيانىن ازايتۋ، جەم ـ ءشوپ ساقتاۋ، تاسۋ جۇيەسى قۇرىلىسى سياقتى 5 جاقتى ارقاۋ ەتەدى. نىسان جايىلىم مەن مالدىڭ سايكەستى شارالارىن كەمەلدەندىرۋ، جايىلىم مال شارۋاشىلىق ءوندىرىس جۇيەسىندە جاڭالىق اشۋ، جايىلىم مال شارۋاشىلىق كاسىپ تىزبەگىن ۇزارتۋ، عىلىم ـ تەحنيكانىڭ جەتەكشىلىك تىرەگىن كۇشەيتۋ، ءوندىرىس ونىمدىلىگى مەن تابىس دەڭگەيىن جوعارىلاتۋ سياقتى جاقتاردا ۇلگى كورسەتۋ، جەتەكشىلىك ەتۋ رولىن ساۋلەلەندىرىپ، ءداستۇرلى تابيعاتقا سۇيەنىپ كۇنەلتەتىن ءوندىرىس ءتاسىلىن وزگەرتىپ، جايىلىم مال شارۋاشىلىق ءوندىرىس تاسىلىندە ءتۇبىرلى بۇرىلىس جاساۋدى جەبەپ، مال شارۋاشىلىق رايوندارىنىڭ ءوندىرىسى دامىعان، تۇرمىسى اۋقاتتى، ەكولوگياسى تاماشا وركەنيەتتى دامۋ جولىنا تۇسۋىنە مۇمكىندىك جاسايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
