لي كىچياڭ تاسقىننان ساقتانىپ، قۋاڭشىلىققا قارسى اتتانۋ قىزمەتىنە ماڭىزدى بەكىتۋ سالىپ مىنانى دارىپتەدى
اۋىر تاسقىن - سەل اپاتىنان باتىل ساقتانىپ جانە وعان توتەپ بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋ كەرەك
2022.04.15 17:32 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 14 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ تاياۋدا تاسقىننان ساقتانىپ، قۋاڭشىلىققا قارسى اتتانۋ قىزمەتى جونىندە ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: تاسقىننان ساقتانىپ، قۋاڭشىلىققا قارسى اتتانۋ ەكونوميكالىق، قوعامدىق دامۋ مەن حاۋىپسىزدىك، ورنىقتىلىق جالپى جاعدايىنا سايادى، وسى قىزمەتتى جاقسى ىستەۋ بيىلعى كۇردەلى دە اۋىر حالىقارا، ەل ءىشى جاعدايىندا توتەنشە ماڭىزدى. قازىر ەلىمىز تاسقىن مەزگىلىنە ءوتتى، تاسقىننان ساقتانۋ، قۋاڭشىلىققا قارسى اتتانۋ قىزمەتىندە تيتتەي دە بوساڭسىماۋ كەرەك. وڭىرلەر، قاتىستى تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋدا، ءومىردى قاستەرلەۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، اۋىر تاسقىن اپاتىنان ساقتانۋدى، اۋىر قۋاڭشىلىق اپاتىنا قارسى اتتانۋدى، اۋىر حاۋىپ - قاتەرگە توتەپ بەرۋدى، اپاتتان قۇتقارۋدى تياناق ەتىپ، ءتۇرلى قىزمەتتەردى اناعۇرلىم جوعارى ولشەممەن، اناعۇرلىم قاتاڭ تالاپپەن، اناعۇرلىم ناقتى شارالارمەن ويداعىداي يگەرۋى كەرەك. ساقتانۋدى نەگىز ەتۋدە، ساقتانۋدى، قارسى اتتانۋدى، قۇتقارۋدى ءوزارا ۇشتاستىرۋدا تاباندى بولىپ، ءار جاقتىڭ جاۋاپكەرلىگىن جاپپاي ناقتىلاندىرىپ، جوبانى جەدەل كەمەلدەندىرىپ، باقىلاۋ - تەكسەرۋدى، ساقتاندىرۋدى كۇشەيتىپ، ءۇن قاتۋ دەڭگەيىن جوعارىلاتىپ، قاتەردەن قۇتقارۋ بۇيىمدارىنىڭ جەتكىلىكتى تياناقتانۋىنا كەپىلدىك ەتىپ، نەگىزدىك قۇرىلعىلار مەن نەگىزگى ساتىنىڭ شۇعىل جاعدايعا توتەپ بەرۋ قۋاتىنداعى ولقىلىقتاردى جەدەل تولىقتاۋ كەرەك. تومەنگى شەكتە ويلاۋ تانىمىن مىقتى ورناتىپ، كومەسكى حاۋىپ - قاتەردى ءبىر - بىرلەپ تەكسەرىپ جونگە سالۋدى مىقتى يگەرىپ، قالالارداعى تاسقىن، سەل، تايفىڭ داۋىلى سياقتى اپاتتاردان قورعانۋدى كورنەكتى تۇردە مىقتى يگەرىپ، قاجەتتى كەزدە ادامداردى دەر كەزىندە حاۋىپتەن ساقتانۋعا ۇيىمداستىرۋ كەرەك. مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، اعارلارداعى تاسقىننان ساقتانۋ قولباسشىلىق شتابى جانە ولكە دارەجەلى تاسقىننان ساقتانۋ، قۋاڭشىلىققا قارسى اتتانۋ قولباسشىلىق شتابى ءبىر تۇتاس سايكەستىرۋدى كۇشەيتىپ، قولباسشىلىق جۇيەسى مەن سايكەسە قيمىلداۋ مەحانيزمىن ونان ارى كەمەلدەندىرىپ، اۋىر تاسقىن - سەل اپاتىنان باتىل ساقتانىپ جانە وعان توتەپ بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتىپ، ءىس جۇزىندىك ارەكەتپەن پارتيا 20 - قۇرىلتايىنىڭ تابىسپەن اشىلۋىن قارسى الۋى كەرەك.
مەملەكەتتىك كەڭەستىڭ مۇشەسى، مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق شتابىنىڭ باس قولباسشىسى ۋاڭ يۇڭ 4 - ايدىڭ 14 - كۇنى تاسقىننان ساقتانىپ، قۋاڭشىلىققا قارسى اتتانۋ قىزمەتى جونىندەگى مەملەكەتتىك تەلەۆيزور - تەلەفون ماجىلىسىنە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ تاسقىننان ساقتانۋ، قۋاڭشىلىققا قارسى اتتانۋ جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالاپتارىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنا ساي، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە كەپىلدىك ەتۋدى ماڭداي الدى ورىنعا قويىپ، ۇيىمدىق باسشىلىقتى كۇشەيتىپ، جان - جاقتى ورنالاستىرۋ جاساپ، تاسقىننان ساقتانۋ دايىندىق قىزمەتتەرىن تىڭعىلىقتى ىستەپ، ءتۇرلى سۋ، قۋاڭشىلىق اپاتىنان قاتاڭ ساقتانىپ جانە وعان توتەپ بەرىپ، پارتيا 20 - قۇرىلتايىنىڭ تابىسپەن اشىلۋىنا حاۋىپسىز، ورنىقتى ورتا ازىرلەۋ كەرەك.
ۋاڭ يۇڭ بىلاي دەپ اتاپ كورسەتتى: قازىر بۇكىل ەلدىڭ جەر - جەرى ىركەس - تىركەس تاسقىن مەزگىلىنە ءوتتى، جەر - جەر، قاتىستى جاقتار تاسقىننان ساقتانۋدى، اۋىر قۋاڭشىلىق اپاتىنا قارسى اتتانۋدى، اۋىر حاۋىپ - قاتەرگە توتەپ بەرۋدى، اۋىر اپاتتان قۇتقارۋدى تياناق ەتىپ، جاۋاپكەرلىكتى دارەجە بويىنشا قاتايتىپ، ناقتىلاندىرىپ، شارالاردىڭ ەگجەي - تەگجەيلى تياناقتانۋىن مىقتى يگەرۋى كەرەك. ءار ءتۇرلى اپاتتى اۋا رايىن باقىلاۋ - تەكسەرۋدى، ساقتاندىرۋدى جانە اقىلداسىپ تۇجىرىم جاساۋدى كۇشەيتىپ، وزەن - داريالاردا تاسقىن، قالالاردا تاسقىن، سەل، تايفىڭ داۋىلى سياقتى ەلەۋلى حاۋىپ - قاتەرلەردى قاداعالاپ، ءتۇرلى كومەسكى قاتەرلەردى ىشكەرىلەي ءبىر - بىرلەپ تەكسەرىپ، جونگە سالىپ، شۇعىل جاعدايعا توتەپ بەرۋ جوباسىن جەدەل كەمەلدەندىرىپ، ناقتى شايقاستىق جاتتىعۋدى كۇشەيتىپ، حاۋىپ - قاتەرگە ۇشىراعان بۇقارانى دەر كەزىندە باتىل كوشىرىپ، ءولىم - ءجىتىم مەن اپات زيانىنان مۇمكىندىكتىڭ بارىنشا ساقتانۋ كەرەك. تاسقىننان ساقتانۋ، قۋاڭشىلىققا قارسى اتتانۋ ءتۇزىلىس، مەحانيزمىن ونان ارى اقاۋسىزداندىرىپ، تاسقىننان ساقتانۋ، تاسقىن سۋىن ىعىستىرۋ ينجەنەريا قۇرىلعىلارىنداعى ولقىلىقتاردى، ءالسىز بۋىنداردى جەدەل تولىقتاپ، قۋاڭشىلىققا قارسى اتتانىپ، سۋمەن قامداۋ قىزمەتىن ءبىر تۇتاس ويداعىداي ىستەپ، نەگىزگى ساتىنىڭ شۇعىل جاعدايعا توتەپ بەرۋ، توسىن وقيعالاردى ءبىر جاقتى ەتۋ قۋاتىن جوعارىلاتىپ، تاسقىننان امان - ەسەن وتۋگە بار كۇشپەن كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
