”وسى وزگەرىستەردى اناعۇرلىم كوپ جۇرتشىلىققا بايانداپ بەرۋدى ايرىقشا ءۇمىت ەتەمىن“
□ شينحۋا اگەنتتىگىنىڭ ءتىلشىسى شيە جيانۋىن
2022.04.18 15:06 كەلۋ قاينارى : حالىق تورابى
2016 - جىلى 7 - ايدىڭ 18 - كۇنى باس شۋجي شي جينپيڭ نيڭشيا حۇيزۋ اۆتونوميالى رايونى شيحايگۋ وڭىرىندە قىزمەت تەكسەرگەندە گۋيۋان قالاسى جيڭيۋان اۋدانى داۋان اۋىلى ياڭليڭ قىستاعىنداعى حۇيزۋ اۋىلداس ما كىجۇن وتباسىنا باردى. جۋىقتا شينحۋا اگەنتتىگىنىڭ ءتىلشىسى ما كىجۇنمەن قايىرا سۇحباتتاستى.
【كورىنىستەردى قايتا ەلەستەتۋ】
سول كۇنى تۇستەن كەيىن ليۋپانشان وڭىرىندە نوسەر قۇيىپ تۇردى. باس شۋجي جاۋىپ تۇرعان جاڭبىرعا قاراماي تاۋ ەتەگىندەگى ما كىجۇننىڭ ۇيىنە كەلدى، الدىمەن شاعىن اۋلانىڭ بۇرىشىنداعى سيىر قوراعا بارىپ، قارىز اقشا جانە ەتتى سيىردىڭ ساتىلۋى، بورداقىلانۋى سياقتى جاعدايلاردى ۇعىسىپ، ما كىجۇننىڭ كىرىس - شىعىسىنىڭ ناقتى ەسەبىن تىڭدادى.
وسىدان سوڭ باس شۋجي ما كىجۇننىڭ ۇيىندەگى سۇپىعا وتىرىپ، قىستاق كادرلارى، پارتيا مۇشەلەرى ۋاكىلدەرىمەن، سيىر باعىمشىلىعى ءىرى كاسىپتىك شارۋالارىمەن جانە كەدەي وتباسى ۋاكىلدەرىمەن بىرگە كۇندەلىكتى تۇرمىستارى جونىندە اڭگىمەلەستى: ”شيحايگۋ كەزىندە ’الەمدەگى قۇنارسىز جەر‘ ەدى. بۇل مەنىڭ گۋيۋانعا 3 - رەت كەلۋىم. مەن تاعى دا ءبىرشاما ماشاقاتتى اۋىل - قىستاقتارعا بارىپ كورۋدى ۇسىنىس ەتەمىن“.
قىستاق تۇرعىندارى ۋاكىلدەرى قىستاقتىڭ جۋىق جىلداردان بەرگى سۋ، ەلەكتر، جول، كاسىپ سالاسىنىڭ دامۋى سياقتى كوپ جاقتاردا جارىققا شىققان كورنەكتى وزگەرىستەردى جاپا - تارماعاي تىلگە تيەك ەتتى، وتە - موتە، كەدەي وتباسىلارىنا قاراتا جان باسى سايىن ءبىر مۋ جەرگە استىق ەگۋ، ءبىر مۋ جەرگە كوكونىس ەگۋ، ءبىر سيىر باعۋ بويىنشا كومەكتەسۋ - سۇيەمەلدەۋ شاراسىن اتقارعاننان بەرى، كەدەي وتباسىلارىنىڭ كىرىسى بارعان سايىن قامتاماسىزداندىرىلىپتى.
باس شۋجي شي جينپيڭ ما كىجۇننىڭ قولىن ۇستاپ تۇرىپ بىلاي دەدى: ”جاسىڭىز مەنەن كىشى ەكەن، مەنىڭ ءىنىم ەكەنسىز. ءسىزدىڭ جانە اۋىلداستاردىڭ تۇرمىسىنىڭ بارعان سايىن جاقسارعاندىعىن كورىپ ايرىقشا قۋاندىم“. باس شۋجي بىلاي دەپ اتاپ كورسەتتى: تاماشا تۇرمىسقا قاجىرلى ەڭبەك ارقىلى قول جەتكىزۋگە بولادى. كاسىپ سالاسىن دامىتۋ كەدەيلىكتەن ارىلتۋدى جۇزەگە اسىرۋدىڭ ءتۇبىرلى شاراسى. جەرگىلىكتى جاعدايعا قاراي ىستەپ، كاسىپ سالاسىن جەتىلدىرۋدى كەدەيلىكتەن ارىلتۋدان قامال الۋدى ىلگەرىلەتۋدىڭ ءتۇبىرلى شىعار جولى ەتۋىمىز كەرەك.
【ما كىجۇننىڭ كوڭىل سىرى】
”ءىنىم“ دەگەن ءۇنى جادىمدا ماڭگى قالىپ قويدى.
مەن باس شۋجيدىڭ ”تاماشا تۇرمىسقا قاجىرلى ەڭبەك ارقىلى قول جەتكىزۋگە بولادى“ دەگەن ءسوزىن استە ۇمىتپايمىن، سەبەبى قىستاعىمىزدىڭ دامۋى وسى ءبىر اۋىز سوزدەن ايرىلا المايدى!
بۇرىندارى جۇبايىم ەكەۋىمىز بىرنەشە مۋ قۇنارسىز جەرگە سۇيەنىپ قارىن تويعىزىپ قانا جۇردىك، كۇندەرىمىز اۋپىرىمدەپ وتەتىن. كەدەيلەردى دالمە - ءدال سۇيەمەلدەگەننەن باستاپ مەملەكەتتىڭ كومەكتەسۋ - سۇيەمەلدەۋىندە ءبىز سيىر باعىپ تۇرمىسىمىزدى جاقسارتتىق. جۋىقتاعى بىرنەشە جىلدان بەرى قىستاق شوعىرلى باعىمشىلىق باقشاسىن سالا باستادى، مەن سيىرلارىمدى باسقالارعا اماناتتاپ باقتىردىم، جىل سايىن پايدا ءبولىسۋدى تومەندەتپەۋگە كەپىلدىك ەتىلدى.
قادامدى دۇرىس باسقاندىقتان قىستاقتىڭ كەدەيلىكتەن ارىلتۋ جاعدايىندا وزگەرىستەر بولدى!
قىستاعىمىز كورىكتەندى، تازالاندى، ساياحاتشىلار دا مولايدى. قىستاقتا تاعى ساياحات اينالما جولى دا سالىندى، ەگىنجايلار گۇلدى القاپقا اينالدى، كوپتەگەن ادام شارۋالار شاتتىعى ساياجايىن اشتى.
تۇرمىسىمدا وسىنشاما وزگەرىستەردىڭ تۋىلۋى كوڭىلىمدى جادىراتتى. الدىڭعى بىرنەشە جىلدا اۋداننىڭ بۇقارانى ۇيىمداستىرعان توپتىق ەكسكۋرسيالاۋ، ۇيرەنۋ ورايىنا يە بولدىم، تۇڭعىش رەت اۋىلدان الىستاپ فۋجيانعا باردىم، كوز ايام ءاپ - ساتتە كەڭەيگەندەي بولدى. فۋجياندىقتار شاي ەگۋگە، شاي ساۋداسىمەن شۇعىلدانۋعا شەبەر ەكەن، بارلىق جەردەن شايحانا كەزدەستىرۋگە بولادى، وسىنى كورىپ مەن سول كەزدە - اق تاۋ قويناۋىنان ءبىر شايحانا اشسام بولا ما؟ دەگەن ويعا كەلدىم.
قايتىپ كەلگەننەن كەيىن كوپ وتپەي، مەن سيىر قورانى شايحاناعا وزگەرتتىم، مۇنىمەن قوسا ماحۋا، ساڭزى، باباۋ شايى، بال سەكىلدى جەرگىلىكتى ەرەكشە ونىمدەردى ساتتىم. الىستان كەلگەن قوناقتار ۇيىمە دامىلداپ، ىستىق شاي ءىشتى، مەن دە ازىن - اۋلاق كىرىس تاپتىم، ەكى جاققا دا ءتيىمدى بولدى.
كەدەيلىكتەن ارىلۋدان ۇلگى كورسەتۋ وتباسى رەتىندە، مەن قىستاق تاريحى سارايىنىڭ باسقارۋشىسى دا بولدىم. ءار جولى ساياحاتشىلار كەلگەن سايىن مەن ەكى حيكايانى بايانداپ بەرەمىن، ونىڭ بىرەۋى، باس شۋجي قىستاعىمىزعا كەلىپ قىزمەت تەكسەرگەندەگى حيكايا، ەندى ءبىرى، اۋىلداستاردىڭ كەدەيلىكتەن ارىلىپ، بايۋ جولىنا ءتۇسۋ حيكاياسى. جوعارىداعى وزگەرىستەردى ءوز باسىمنان كەشىردىم، سوندىقتان مەن وسى وزگەرىستەردى اناعۇرلىم كوپ جۇرتشىلىققا بايانداپ بەرۋدى ايرىقشا ءۇمىت ەتەمىن.
(شينحۋا اگەنتتىگىنىڭ 4 - ايدىڭ 15 - كۇنى يىنچۋاننان بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
