الدىڭعى 3 ايدا شينجياڭ ەلەكترىن سىرتقا جەتكىزۋدە جاڭا ەنەرگيالىق ەلەكتر مولشەرى تورتتەن ءبىر ۇلەستى ۇستادى
2022.04.18 15:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 16 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، ءبىرىنشى ماۋسىمدا شينجياڭنان سىرتقا جەتكىزىلگەن ەلەكتر مولشەرى 28 ميلليارد 925 ميلليون كيلوۆات ساعات بولعان، مۇنىڭ ىشىندە سىرتقا جەتكىزىلگەن جاڭا ەنەرگيالىق ەلەكتر مولشەرى 7 ميلليارد 376 ميلليون كيلوۆات ساعات بولىپ، جالپى سىرتقا جەتكىزىلگەن ەلەكتر مولشەرىنىڭ ％25.5ىن ۇستاعان.
شينجياڭنىڭ ەنەرگيا بايلىعى مول، جاڭا ەنەرگيا كاسىپ سالاسىن دامىتۋدىڭ كومەسكى كۇشى مەن ءورىسى وراسان زور. ءبىرىنشى ماۋسىمدا شينجياڭ ەلەكتر جەلىسىنە جاڭادان سيىمدىلىعى 144 مىڭ 500 كيلوۆات كەلەتىن گەنەراتور اگراگاتتارى قوسىلدى، مۇنىڭ ىشىندە جەل ەلەكترى 79 مىڭ 500 كيلوۆات، فوتوۆولتتىق ەلەكتر 40 مىڭ كيلوۆات، قالدىق جىلۋمەن، قالدىق گازبەن، قالدىق قىسىممەن قوزعالاتىن گەنەراتور اگراگاتتارى 25 مىڭ كيلوۆات. 3 - ايدىڭ 31 - كۇنىنە دەيىن شينجياڭ ەلەكتر جەلىسىنىڭ جالپى جەلىسىندەگى بارلىق اگراگاتتاردىڭ سيىمدىلىعى 107 ميلليون 500 مىڭ كيلوۆاتقا جەتىپ، سايكەس مەزگىلدەگىدەن ％3.39 ارتتى، مۇنىڭ ىشىندە جاڭا ەنەرگيالىق اگراگاتتار سيىمدىلىعى 37 ميلليون 206 مىڭ كيلوۆات بولىپ، جالپى اگراگاتتار سيىمدىلىعىنىڭ ％34.61ىن ۇستادى، وسىلايشا جاڭا ەنەرگيالىق اگراگاتتار كولەمى باتىس سولتۇستىك وڭىردە ءبىرىنشى ورىندى يەلەدى.
بىرىنشى ماۋسىمدا سىرتقا جەتكىزىلگەن جاڭا ەنەرگيالىق ەلەكتر مولشەرى 7 ميلليارد 376 ميلليون كيلوۆات ساعات بولدى، بۇل 2 ميلليون 230 مىڭ توننا ولشەمدى كومىردى از ورتەگەنگە، 6 ميلليون 20 مىڭ توننا كومىر قىشقىل گازىن، 19 مىڭ توننا كۇكىرت قوس توتىعىن، 16 مىڭ 500 توننا ازوت وكسيدتەرىن از شىعارعانعا تەڭ.
سىرتقا ەلەكتر جەتكىزەتىن 4 ارنا ۇزدىكسىز، تۇراقتى تۇردە ەلەكتر جەتكىزدى. ءبىرىنشى ماۋسىمدا 750 كيلوۆولتتىق قۇمىل − دۇنحۋاڭ، ياندۇن − شاجوۋ ەلەكتر جەتكىزۋ، كەرنەۋ وزگەرتۋ 1 - ، 2 - ينجەنەرياسى سىرتقا 4 ميلليارد 590 ميلليون كيلوۆات ساعات ەلەكتر جەتكىزسە، 800± كيلوۆولتتىق قۇمىلدىڭ وڭتۇستىگى − جىڭجوۋ ەرەكشە جوعارى كەرنەۋلى تۇراقتى توك جەتكىزۋ ينجەنەرياسى سىرتقا 11 ميلليارد 467 ميلليون كيلوۆات ساعات، 1100± كيلوۆولتتىق سانجى − گۋچۋان ەرەكشە جوعارى كەرنەۋلى تۇراقتى توك جەتكىزۋ ينجەنەرياسى سىرتقا 12 ميلليارد 867 ميلليون كيلوۆات ساعات ەلەكتر جەتكىزدى.
شينجياڭ ەلەكترىن سىرتقا جەتكىزۋ قىزمەتىن ونان ارى جاقسى ىستەۋ ءۇشىن، مەملەكەتتىك ەلەكتر جەلىسى شينجياڭ ەلەكتر قۋاتى شەكتى سەرىكتەستىگى، ءبىر جاعىنان، جاڭا ەنەرگيامەن قاتىستى ەلەكتر جەتكىزۋ، كەرنەۋ وزگەرتۋ ينجەنەريا قۇرىلىستارىن شاپشاڭ ىلگەرىلەتىپ، شينجياڭ ىشىندەگى ەلەكتر جەلىسىنىڭ جەلى قۇرىلىمىن تولىقتاپ، نىعايتسا؛ ەندى ءبىر جاعىنان، شينجياڭ ەلەكترىن سىرتقا جەتكىزۋ ارناسىنىڭ اينالىمىن ساقتاۋدى ۇزدىكسىز تۇردە ويداعىداي ىستەپ، ەلەكتر قۋاتىنىڭ ”ارتەريا تامىرلارىنىڭ“ حاۋىپسىز، سەنىمدى سوعۋىنا شىنايى كەپىلدىك ەتتى.
بۇدان سىرت، ەلەكتر قۋاتى ارقىلى شينجياڭعا كومەكتەسۋ دە شينجياڭ ەلەكترىن سىرتقا جەتكىزۋدى پارمەندى تۇردە العا جىلجىتتى. ءبىرىنشى ماۋسىمدا مەملەكەتتىك ەلەكتر جەلىسى شينجياڭ ەلەكتر قۋاتى شەكتى سەرىكتەستىگى ىشكى قامداۋدى قامتاماسىز ەتۋمەن بىرگە، سىرتقا ەلەكتر جەتكىزۋگە قاتىساتىن ەلەكتر كوزدەرىن ۇيىمداستىرۋ قابىلەتىنىڭ مۇمكىندىكتەرىن اشىپ، ساۋدا ۇيىمداستىرۋعا جانە ارنالىق قولداۋعا بەلسەنە قول جەتكىزىپ، شينجياڭعا كومەكتەسۋ ماقساتىنداعى ەلەكتر مولشەرىنىڭ جاپپاي تياناقتانۋىن ىلگەرىلەتتى.
شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنىڭ ەسەپ ءبولىمىنىڭ ارنايى جاۋاپتىسى جاڭ ي مىنالاردى ءبىلدىردى: بيىل ەلەكتر قۋاتى ارقىلى شينجياڭعا كومەكتەسۋدىڭ كەلىسىم - شارت كولەمى 10 ميلليارد 124 ميلليون كيلوۆات ساعاتقا جەتىپ، قازىرگە دەيىن كەلىسىم - شارتتاعى شينجياڭعا كومەكتەسۋ ماقساتىنداعى ەلەكتر مولشەرىنىڭ 2 ميلليارد 206 ميلليون كيلوۆات ساعاتى ورىندالىپ، بۇل كەلىسىم - شارت كولەمىنىڭ ％21.8ىن ۇستادى.
”14 - بەسجىلدىق“ مەزگىلىندە مەملەكەتتىك ەلەكتر جەلىسى شينجياڭ ەلەكتر قۋاتى شەكتى سەرىكتەستىگى ءوڭىرارالىق ەلەكتر جەتكىزۋ ارنالارى قۇرىلىسىن ونان ارى كۇشەيتىپ، 750 كيلوۆولتتىق تۇلعالىق جەلى قۇرىلىمىنىڭ قامتۋ كولەمىن كەڭەيتەدى. قازىر 800± كيلوۆولتتىق قۇمىلدىڭ سولتۇستىگى − چۇڭچيڭ ەرەكشە جوعارى كەرنەۋلى تۇراقتى توك جەتكىزۋ ينجەنەرياسى جەدەل ىلگەرىلەۋدە، ينجەنەريا سالىنىپ بىتكەن سوڭ، مەجەمەن جىلىنا سىرتقا جەتكىزىلەتىن ەلەكتر مولشەرىن 40 ميلليارد كيلوۆات ساعاتتىڭ ۇستىندە كوبەيتە الادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
