ماقتا ەگىلگەن قاتاردى توپىراقپەن جابۋدى كەيىنگە شەگەرۋ تەحنيكاسى شينجياڭ تەحنيكاسىنداعى اق تاڭداقتى تولتىردى
مەجەمەن بيىل 10 ميلليون مۋدان استام جەرگە جالپىلاستىرىلىپ قولدانىلادى
2022.04.18 15:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شيە حۇيبيان 4 - ايدىڭ 16 - كۇنى ۇرىمجىدەن حابارلايدى. شينجياڭ اۋىل شارۋاشىلىعى عىلىم اكادەمياسىنان ۇعىسۋىمىزشا، 2019 − 2021 - جىلدار ارالىعىندا ماقتا ەگىلگەن قاتاردى توپىراقپەن جابۋدى كەيىنگە شەگەرۋ تەحنيكاسى جالپى 20 ميلليون مۋدان استام جەرگە جالپىلاستىرىلىپ قولدانىلىپ، ماقتا ەگىنشىلەرى مەن كاسىپورىنداردىڭ كىرىسىن جيىنى 3 ميلليارد يۋانعا جۋىق ارتتىرعان. 2022 - جىلى سولتۇستىك شينجياڭداعى ماقتا القاپتارىندا ۇزدىكسىز تۇردە كەڭ كولەمدە جالپىلاستىرىلاتىن بۇل تەحنيكا قازىر وڭتۇستىك شينجياڭداعى كوپتەگەن تۇيىندەردە سىناق ەتۋ، ۇلگى كورسەتۋ ساتىسىندا تۇر، مەجەمەن بيىل 10 ميلليون مۋدان استام جەرگە جالپىلاستىرىلىپ قولدانىلماق.
شينجياڭ اۋىل شارۋاشىلىعى عىلىم اكادەمياسىنىڭ ەكونوميكالىق داقىلدار زەرتتەۋ ورنىنىڭ اعا زەرتتەۋشىسى تيان لي - ۋىننىڭ جۇمىس ۇجىمى شينجياڭ ءىشى - سىرتىنداعى 8 جوعارى مەكتەپپەن، عىلمي زەرتتەۋ ورنىمەن، كاسىپورىنمەن بىرلەسىپ زەرتتەپ - اشقان بۇل تەحنيكا شينجياڭنىڭ اگرونوميالىق جولمەن جاۋىن اپاتىنان ساقتانۋ تەحنيكاسىنداعى اق تاڭداقتى تولتىردى، ول ماقتانى جوعارى تۇسىممەن، ساپالى، جوعارى ونىمدىلىكپەن ەگۋ تەحنيكاسىنداعى تاعى ءبىر ماڭىزدى سەرپىلىس سانالادى.
ءداستۇرلى ەگۋ تاسىلىمەن سالىستىرعاندا، ەگىلگەن قاتاردى توپىراقپەن جابۋدى كەيىنگە شەگەرۋ تەحنيكاسى داعدىلى ”شۇقاناق قازۋ، تۇقىم سەبۋ، توپىراقپەن جابۋ، باتتاۋ“ سىندى تۇقىم سەبۋ ءتاسىلىن ”شۇقاناق قازۋ، تۇقىم سەبۋ، باتتاۋ“، وسكىن كوكتەپ شىققان سوڭ بارىپ ”توپىراقپەن جابۋ“ تاسىلىنە وزگەرتىپ، سونىمەن بىرگە تۇقىم سەبۋ تەرەڭدىگىن بەلگىلى دەڭگەيدە ارتتىردى. بۇل تەحنيكا ”قۇرعاق ەگىپ، دىمقىل شىعارۋ“ جانە ءدال مولشەرمەن تۇقىم سەبۋ سياقتى وسكىننىڭ قاتارعا قوسىلۋىنا كەپىلدىك ەتەتىن باسقا دا تەحنيكالارمەن سايكەستىرىلىپ، وسكىننىڭ قاتارعا قوسىلۋ مولشەرىن جايشىلىقتاعى جاۋىن اپاتىنا ۇشىراعان ماقتا اتىزدارىنان ％25.3تىڭ ۇستىندە جوعارىلاتىپ، ％85 كولەمىندە تۇراقتاندىرادى.
جاقىنعى جىلداردان بەرى شينجياڭدا جاۋىن مولشەرى ايتارلىقتاي كوبەيىپ، اسىرەسە، سولتۇستىك شينجياڭداعى ماقتانىڭ كوكتەۋ مەزگىلىندە ءجيى جاۋىن جاۋاتىن بولدى. جاۋىن اپاتى جايشىلىقتا ماقتا اتىزىنداعى ماقتا ەگىلگەن قاتاردىڭ بەتكى توپىراعىن كەرىشتەندىرىپ، ءبىرتالاي ماقتا وسكىنى كەرىش قاباتتىڭ استىندا ”تۇنشىعىپ“، توپىراقتى جارىپ شىعا الماي قالادى، بۇل ۇلگى كورسەتىلەتىن اتىزداعى وسكىننىڭ قاتارعا قوسىلۋ مولشەرىنەن ％35تەي تومەن بولادى. شىعىننىڭ ورنىن تولتىرۋ ءۇشىن، ماقتا ەگىنشىلەرى جايشىلىقتا جاۋىننان كەيىن قولمەن نەمەسە ماشينامەن توپىراق بەتىن بوساتۋ ءادىسىن قولدانادى. اپات اۋىر بولعاندا، قايتالاي تۇقىم سەبۋ نەمەسە باسقا داقىلدار ەگۋ قاجەت بولىپ، ماقتانىڭ وزىندىك قۇنىن ارتتىرعانمەن قويماي، ەگىس ۋاقىتىنىڭ ءوتىپ كەتۋىنە اپارىپ سوعادى.
تيان لي - ۋىننىڭ ايتۋىنشا، بۇل تەحنيكا تۇقىم سەبۋ كەزىندە ەگىلگەن قاتاردى توپىراقپەن جابۋدى وسكىن كوكتەپ شىققاننان كەيىن توپىراقپەن جابۋعا اۋىستىرىپ، ىرىقسىز تۇردە اپاتقا ۇشىراۋدى ىرىقتى تۇردە اپاتتان قورعانۋعا وزگەرتىپ، ماقتانىڭ كوكتەۋ كەزىندە جاۋىن اپاتىنىڭ سالدارىنان وسكىننىڭ قاتارعا قوسىلۋ مولشەرىنىڭ تومەن بولۋى ماسەلەسىن ءونىمدى شەشىپ، ماقتا ءوندىرىسىنىڭ كوكتەۋ مەزگىلىندەگى اگرونوميالىق جولمەن جاۋىن اپاتىنان ساقتانۋ تەحنيكاسىنىڭ جاڭا جولىن اشقان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
