قىزىلسۋ وبلىسى:
”بەستى تۇزەتۋ“ شاراسىن تياناقتاندىرىپ، كەن ەكولوگيالىق ورتاسىنىڭ ساپاسىن جاقسارتۋدى ىلگەرىلەتتى
2022.04.18 15:40 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى ءتىلشى جۋ ۋي 4 - ايدىڭ 14 - كۇنى ۇرىمجىدەن حابارلايدى. ”شاعىل الاڭىنىڭ شاڭ - توزاڭى باسىلىپ، اسپانى اشىلا ءتۇستى“، ”قورشاعان ورتا جاقساردى، كوڭىلىمىز جاي تاپتى“. 4 - ايدىڭ 12 - كۇنى قىزىلسۋ قىرعىز اۆتونوميالى وبلىسى اتۇش قالاسى كاتتايلاق اۋىلى شاعىل ماتەريالدارىن جيناۋ رايونىندا سۋ شاشۋ ماشيناسى سۋ شاشىپ شاڭ - توزاڭدى باسۋدا، ماڭىنداعى بۇقارا شاڭ - توزاڭ بىلعانىشىنىڭ رەتتەۋ - تۇزەتۋ ونىمدىلىگىن اۋىز جاپپاي القادى.
تاياۋدا بۇقارا ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنا ”اتۇش قالاسى كاتتايلاق اۋىلىنداعى 7 شاعىل ماتەريالى الاڭىندا شاڭ - توزاڭنىڭ لاستاۋى اۋىر بولىپ، توڭىرەگىندەگى ەكولوگيالىق ورتانى بۇلدىرگەندىگىن“ اڭىس ەتتى. بىتىرۋگە وتكىزگەن ارىز - ارماندى قابىلداعاننان كەيىن، قىزىلسۋ وبلىسى قاتىستى تاراۋلاردى ناق مايدانعا بارىپ تەكسەرۋ جۇرگىزۋگە دەرەۋ ۇيىمداستىردى.
تەكسەرۋ ارقىلى اتۇش قالاسى كاتتايلاق اۋىلىنىڭ شاعىل ماتەريالى جينالعان وڭىردە 5 شاعىل ماتەريالى الاڭى، جالپى 7 ءوندىرىس جەلىسى بار ەكەندىگى، قۇرىلىسقا پايدالاناتىن شاعىل ماتەريالى نەگىزىنەن اشىق قازىلاتىندىعى، قازۋ ءوڭىرى، ءوندىرىس ءوڭىرى، ماتەريال ءۇيۋ الاڭى سياقتى وڭىرلەردە تۇگەلدەي سۋ شاشىپ شاڭدى باسۋ اتقارىلماعاندىعى، ماتەريال ءۇيۋ الاڭى جانە قاتىستى اشىق وڭىرلەردە دە تولىق قامتۋ ورىندالماعاندىعى انىقتالدى.
اتۇش قالاسى دەرەۋ ”ۇكىمەت جاۋاپكەرشىلىك ارقالاپ، بىرلەسىپ ارەكەتتەنىپ تۇزەتۋ، تاراۋلار جاۋاپكەرشىلىكتى ايقىنداپ تۇزەتۋگە قۋزاۋ، كاسىپورىندار جاۋاپكەرشىلىكتى ادا ەتىپ ىرىقتىلىقپەن تۇزەتۋ، ساپا مەن ونىمدىلىككە تەڭ ءمان بەرىپ اشىق - اشكەرە تۇزەتۋ، ەرەجە - ءتۇزىم ورناتىپ، قاينارىنان تۇزەتۋ“ سىندى ”بەس تۇزەتۋ“ شاراسىنا ساي، باسشىلار ءىستى كوتەرمەگە الىپ جاۋاپتى بولىپ، ەكولوگيالىق ورتا، جاراتىلىستىق بايلىق سياقتى تاراۋلاردى جانە اۋىل - قالاشىقتى سايكەسە بىرلەسىپ ارەكەتتەنۋگە ۇيىمداستىرىپ، كاسىپورىنداردىڭ رەتتەۋ - تۇزەتۋ جوباسىن عىلمي، دالمە - ءدال جاساۋىنا جەتەكشىلىك ەتىپ، رەتتەۋ - تۇزەتۋ شاراسىن جانە ۋاقىت شەگىن ايقىنداپ، رەتتەۋ - تۇزەتۋدى تياناقتاندىرۋدى پارمەندى، ءتارتىپتى تۇردە ىلگەرىلەتتى.
”ءبىز وڭدەلگەن ماتەريال ءۇيىندىسى بيىكتىگىن بۇرىنعى 10 مەتردەن 6 مەترگە تومەندەتتىك ءارى شاڭ - توزاڭنان ساقتانۋ قامتىمىن جۇرگىزدىك؛ الاڭ ءوڭىرى جانە الاڭعا كىرەتىن جولداردى كۇتىمدەۋدى كۇشەيتىپ، سۋ شاشۋ رەت سانىن بۇرىنعى كۇنىنە 2 رەتتەن 5 رەتكە كوبەيتىپ، تاسىمال كولىكتەرىنە جاپقىش جاۋىپ، زاتتىق ماتەريالداردى جەتكىزۋ سياقتى قۇرىلعىلارعا جابىق شارا قولداندىق؛ مانەرلەۋ ءوندىرىس جەلىسىنە شاڭ - توزاڭدى كەتىرۋ جابدىقتارىن ورناتىپ، دىمقىلداندىرۋ ءادىسى جۇمىسىن (بۇركۋ) اتقاردىق؛ شاعىل ءۇيىندى ماتەريالى الاڭىنا قورشاۋ ورناتتىق“، - دەدى تىلشىگە قىزىلسۋ وبلىسى شانديڭ شاعىل ماتەريالى شەكتى جاۋاپكەرشىلىك سەرىكتەستىگىنىڭ جاۋاپتىسى رىن رۇيبو.
ۇعىسۋعا قاراعاندا، 5 شاعىل ماتەريالى الاڭى لاس سۋدى تۇندىرىپ، اينالمالى پايدالانۋ، قاتتى جاراقسىز زاتتاردى قايتا اشىپ پايدالانۋ، قاتەرلى جاراقسىز زاتتاردى ساقتاۋ جانە كەن گەولوگيا ورتاسىنىڭ ەكولوگياسىن قالپىنا كەلتىرۋ، جونگە سالۋ سياقتى جاقتاردا تۇگەلدەي ەگجەي - تەگجەيلى رەتتەۋ - تۇزەتۋ جوباسىن جاساعان.
”ءبىز الداعى جەردە كاسىپورىنداردىڭ جۇمىس وڭىرىندە، اشىق وڭىردە جانە تاسىمال جولىندا سۋ شاشىپ شاڭ باسۋدى ۇدايىلاندىرىپ، ”ءبىر جاعىنان قازۋ، ءبىر جاعىنان جونگە سالۋ، ءبىر جاعىنان قالپىنا كەلتىرۋ“ سياقتى جونگە سالۋ شاراسىن تياناقتاندىرىپ، بۇقارا ۋاكىلدەرىن رەتتەۋ - تۇزەتۋ بارىسىن باقىلاۋعا ات سالىسۋعا شاقىرامىز“، - دەدى قىزىلسۋ وبلىستىق ەكولوگيالىق ورتا مەكەمەسىنىڭ باستىعى قالبيات ابدۇقادىر.
تانىستىرۋعا قاراعاندا، قىزىلسۋ وبلىسى تاعى ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ ورايىنان تولىق پايدالانىپ، تۋ باستان، تۇبىرىنەن تالداۋ جاساپ، زەرتتەۋ جۇرگىزىپ، ماسەلەنىڭ قاينارىن تەكسەرىپ تاۋىپ، شاعىل ماتەريالى الاڭىنىڭ ەكولوگيالىق ورتاسىن قورعاۋ قىزمەتىن ارناعا ءتۇسىرۋدى، ۇلگى كورسەتۋدى، ولشەمدەندىرۋدى، ۇدايىلاندىرۋدى جۇزەگە اسىرىپ، كەن اشۋعا ساياتىن كاسىپورىندار جونىندە ىشكەرىلەي تالداۋ جاساپ، تەكسەرىپ العا قويىپ، لاستانۋ ماسەلەسىن جونگە سالۋ شاراسىن اناعۇرلىم اشالاپ، بۇقارا اڭىس ەتكەن قورشاعان ورتا ماسەلەسىن كۇش سالا ويداعىداي شەشەدى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
