13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 34 - ءماجىلىسى بەيجيڭدە وتكىزىلدى
كەسىكتى بۇيىم جانە تۋىندامالى بۇيىمدار زاڭى جوباسى، كاسىپتىك وقۋ - اعارتۋ زاڭىنا وزگەرىس ەنگىزۋ جوباسى سياقتىلاردى قارادى
ءماجىلىستى لي جانشۋ باسقاردى
2022.04.19 15:39 كەلۋ قاينارى : حالىق تورابى
«حالىق گازەتى»، 4 - ايدىڭ 18 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 34 - ءماجىلىسى 4 - ايدىڭ 18 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى لي جانشۋ ءماجىلىستى باسقاردى.
تۇراقتى كوميتەتتىڭ قۇرامىنداعىلاردان 140 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي فەي جاساعان كەسىكتى بۇيىم جانە تۋىندامالى بۇيىمدار زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا تۋىندامالى بۇيىمدار ساۋداسىن باقىلاۋ - باسقارۋدى ونان ارى كۇشەيتىپ، فينانس حاۋىپ - قاتەرىنەن شىنايى ساقتانۋ بەلگىلەندى؛ قاتىستى كەلىسىم ۇعىمدارىنداعى بەلگىلەمەلەر كەمەلدەندىرىلدى؛ شەكارا اتتاعان كەسىكتى بۇيىمدار مەن تۋىندامالى بۇيىمدار ساۋداسى قيمىلدارىن باقىلاۋ - باسقارۋدى ونان ارى كۇشەيتىپ، شەكارا اتتاعان فينانس حاۋىپ - قاتەرىنەن شىنايى ساقتانۋ بەلگىلەندى؛ كەسىكتى بۇيىمدار ينفورماتسياسىنا تەحنيكالىق قىزمەت وتەۋ قۇرىلىمدارىن باقىلاۋ - باسقارۋدى كۇشەيتۋ بەلگىلەندى، ت. ب.
ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى شۇي حۇي جاساعان كاسىپتىك وقۋ - اعارتۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا كاسىپتىك وقۋ - اعارتۋدىڭ جۇمىستانۋ بەتالىسى ونان ارى كورنەكتىلەندىرىلىپ، تەحنيكا، ونەر تۇرىندەگى دارىندىلاردى جەتىلدىرۋدى تەزدەتۋ بەلگىلەندى؛ سوتسياليستىك وزەكتى قۇن كوزقاراسى كاسىپتىك وقۋ - اعارتۋعا ونان ارى ءسىڭىرىلىپ، مەكتەپ ستيلى، ۇيرەنۋ ستيلى قۇرىلىسى كۇشەيتىلەتىن بولدى؛ وسىزامانعى كاسىپتىك وقۋ - اعارتۋ جۇيەسى ونان ارى ورناتىلىپ جانە كەمەلدەندىرىلىپ، كاسىپتىك وقۋ - اعارتۋ مەن ادەتتەگى وقۋ - اعارتۋدىڭ ءوزارا توعىسۋىن، تۇرلىشە جىكتەگى كاسىپتىك وقۋ - اعارتۋدىڭ ءوزارا توعىسۋىن جەبەۋ بەلگىلەندى؛ كاسىپورىنداردىڭ كاسىپتىك وقۋ - اعارتۋداعى ماڭىزدى تۇلعالىق رولىن ساۋلەلەندىرىپ، ءوندىرىس پەن وقىتۋدىڭ توعىسۋىن تەرەڭدەتۋ بەلگىلەندى؛ كاسىپتىك وقۋ - اعارتۋدىڭ قوعام جاعىنان تانىلۋ دارەجەسىن جوعارىلاتىپ، كاسىپتىك وقۋ - اعارتۋدىڭ دامۋىنا ءتيىمدى تاماشا ورتا جاراتۋ بەلگىلەندى، ت. ب.
نەگىزگى زاڭ جانە زاڭدار كوميتەتى جوعارىداعى 2 جوبا ءبىرشاما پىسىپ - جەتىلدى دەپ قاراپ، وسى رەتكى تۇراقتى كوميتەت ءماجىلىسىنىڭ قاراپ ماقۇلداۋىنا ۇسىنۋدى ۇسىنىس ەتتى.
ءماجىلىس شۇي حۇي جاساعان دەنەتاربيە زاڭىنا وزگەرىس ەنگىزۋ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا جۇڭحۋا دەنەتاربيە رۋحىنىڭ مازمۇنى ايگىلەندى؛ نەگىزگى الەۋمەتتىك دەنەتاربيە جاعىنان قىزمەت وتەۋمەن قامداۋ جونىندەگى بەلگىلەمەلەر كوبەيتىلىپ، دەنەتاربيە ىستەرىنىڭ دامۋ جەتىستىكتەرىنەن جالپى حالىقتى يگىلىكتەندىرۋ بەلگىلەندى؛ ءار جىلى 8 - ايدىڭ 8 - كۇنى جالپى حالىقتىق دەنە شىنىقتىرۋ كۇنى تۋرا كەلگەن اپتا دەنەتاربيە ۇگىت اپتالىعى بولادى دەپ بەلگىلەندى؛ جاستار مەن ورەندەردىڭ دەنەتاربيەسى مەن مەكتەپتەردىڭ دەنەتاربيەسىن دامىتۋ مازمۇنى كەمەلدەندىرىلدى؛ ەرەكشە دەنە قۋاتى بار وقۋشىلاردىڭ دەنەتاربيە وقىتۋى مەن باعالاۋى جونىندە ۇيلەسىمدى بەلگىلەمەلەر جاسالدى؛ جاستار مەن ورەندەردىڭ الىستى كورە الماۋى، سەمىزدىكتىڭ تۋىنداۋ شاماسى جوعارى بولۋ سياقتى جاعدايلارعا باعىتتاي وتىرىپ، دەنەتاربيە ارقىلى كيلىگۋدى باعىتتامالى تۇردە ورىستەتۋ جونىندەگى بەلگىلەمەلەر قوسىلدى.
ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى ليۋ جيشيڭ جاساعان قارا توپىراقتى قورعاۋ زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا قارا توپىراقتى جەر كولەمىنە قاتىستى بەلگىلەمەلەر ونان ارى كەمەلدەندىرىلدى؛ قارا توپىراقتىڭ استىق حاۋىپسىزدىگىن قامتاماسىزداندىرۋ رولىن كورنەكتىلەندىرۋ بەلگىلەندى؛ قارا توپىراقتى قورعاۋدىڭ عىلىم - تەحنيكالىق تىرەگى مەن تەحنيكالىق قىزمەت وتەۋىن كۇشەيتۋ بەلگىلەندى؛ قارا توپىراقتى قورعاۋدا بازاردىڭ رولىن ساۋلەلەندىرۋگە باسا ءمان بەرۋ، نەگىزگى ساتى ۇيىمدارى مەن ەگىنشىلەرگە سۇيەنۋ بەلگىلەمەسى قوسىلدى؛ زاڭدىق جاۋاپكەرلىك كەمەلدەندىرىلىپ، باعىتتامالىلىق كۇشەيتىلىپ، جازالاۋ تەبىنى ارتتىرىلدى، ت. ب.
ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى سۇڭ بين جاساعان ايەلدەردىڭ ۇقىق - مۇددەسىن قامتاماسىزداندىرۋ زاڭىنا وزگەرىس ەنگىزۋ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا ايەلدەردىڭ جەكە باس ۇقىعىن، ادامدىق ۇقىعىن قورعاۋ ونان ارى كورنەكتىلەندىرىلىپ، وزگەرىس ەنگىزىلگەن جوبا قۇرىلىمى لايىقتى رەتتەپ كەمەلدەندىرىلدى؛ مالىمەت بەرۋ جانە تەكسەرۋ ءتۇزىمىن ورناتىپ، ايەلدەردىڭ ۇقىق - مۇددەسىنە زيان جەتكىزەتىن زاڭعا قايشى قىلمىستىق ارەكەتتەردى دەركەزىندە بايقاۋ جانە ءبىرجاقتى ەتۋ بەلگىلەندى؛ مەكتەپتەردە ازامات جاسىنا تولماعان قىزداردى جىنىستىق مازالاۋدان، جىنىستىق سۇعاناقتىقتان ءونىمدى ساقتانۋ ءۇشىن، مىندەتكە كىرگىزىپ سۇراستىرۋ ءتۇزىمى بەلگىلەندى؛ قاتىستى تۇزىمدەر ونان ارى كەمەلدەندىرىلىپ، مەملەكەتتىڭ تۋىت ساياساتىنىڭ تياناقتانۋى جەبەلدى، ت. ب.
13 - كەزەكتى مەملەكەتتىك حالىق قۇرىلتايىنىڭ مىندەت وتەۋ مەرزىمى 2023 - جىلى 3 - ايدا تولادى، مەملەكەتتىك 14 - كەزەكتى حالىق قۇرىلتايىنىڭ ۋاكىلدەرى 2023 - جىلى 1 - ايدا سايلانادى. 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى مەملەكەتتىك 14 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاۋلىنى ماقۇلدادى. وسىعان ساي مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ءماجىلىسى مەملەكەتتىك 14 - كەزەكتى حالىق قۇرىلتايى ۋاكىلدەرىنىڭ سانىن ءبولۋ جوباسىنىڭ جوبا نۇسقاسىن، مەملەكەتتىك 14 - كەزەكتى حالىق قۇرىلتايىنىڭ از ۇلت ۋاكىلدەرىنىڭ سانىن ءبولۋ جوباسىنىڭ جوبا نۇسقاسىن، تايۋان ولكەسىنىڭ مەملەكەتتىك 14 - كەزەكتى حالىق قۇرىلتايى ۋاكىلدەرىن كەڭەسۋ، سايلاۋ جوباسىنىڭ جوبا نۇسقاسىن جاسادى. كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باس حاتشىسىنىڭ ورىنباسارى شين چۇنيىڭ جوعارىداعى 3 جوبا نۇسقاسى جونىندە تۇسىنىك جاسادى.
مەملەكەتتىك كەڭەستىڭ تاپسىرۋىمەن قوعام حاۋىپسىزدىگى مينيسترلىگى مينيسترىنىڭ ۇنەمىلىك ىستەرگە جاۋاپتى ورىنباسارى ۋاڭ شياۋحۇڭ «2022 - جىلى 6 - ايدىڭ 7 - كۇنى رەسەيدىڭ سانت - پەتربۋرگ قالاسىندا قول قويىلاتىن <شاڭحاي سەلبەستىك ۇيىمىنا مۇشە ەلدەردىڭ وڭىرلىك لاڭكەستىككە قارسى تۇرۋ قۇرىلىمى كەلىسىمى> جونىندەگى كەلىسىم حاتقا وزگەرىس ەنگىزۋ كەڭەس جوباسىن» قاراپ بەكىتۋگە ۇسىنۋ جونىندە تۇسىنىك جاسادى.
مەملەكەتتىك كەڭەستىڭ تاپسىرۋىمەن ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى جاڭ جينان «1930 - جىلعى زورلىقتى ەڭبەك شارتىن» قاراپ بەكىتۋگە ۇسىنۋ جونىندەگى كەڭەس جوباسى جانە «1957 - جىلعى زورلىقتى ەڭبەكتى كۇشىنەن قالدىرۋ شارتىن» قاراپ بەكىتۋگە ۇسىنۋ جونىندەگى كەڭەس جوباسى جونىندە تۇسىنىك جاسادى.
مەملەكەتتىك كەڭەستىڭ تاپسىرۋىمەن ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ 2021 - جىلعى ەكولوگيالىق ورتا جاعدايى مەن ورتانى قورعاۋ نىساناسىنىڭ ورىندالۋ جاعدايى جونىندە بايانداما جاسادى.
ءماجىلىس تۇراقتى كوميتەتتىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.
ءماجىلىس مىندەتكە تاعايىنداۋ، مىندەتىنەن قالدىرۋعا قاتىستى ىستەردى دە قارادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەسى، ورتالىق اسكەري ىستەر كوميتەتىنىڭ مۇشەسى ۋەي فىڭحى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
