اباي بولىڭىزدار! ەل ىشىندە ءبىر توپ شيە قىزاناق جەمىسىنىڭ قورابىنا جۇرگىزىلگەن ۆيرۋسقا قاتىستى تەكسەرۋ ناتيجەسى بولىمدى بولىپ، 11 ادام جۇعىمدالعان
2022.04.19 13:06 كەلۋ قاينارى : حالىق تورابى
«شىنياڭنان جاريالاۋ» اتتى تەكشەنىڭ 4 – ايدىڭ 17 – كۇنى حابارلاۋىنشا، شىنياڭ قالاسى دادۇڭ رايونى باجيازى جەمىس – جيدەكتى تولايىم ساتۋ بازارىنا داعدىلى تەكسەرۋ جۇرگىزۋ بارىسىندا، ءبىر توپ شيە قىزاناقتىڭ ىشكى، سىرتقى قورابىنا جاڭا تيپتى ايدارشا ۆيرۋسقا قاتىستى نۋكلەين قىشقىلىن تەكسەرۋ ناتيجەسى تۇگەلدەي بولىمدى بولعان، جەرگىلىكتى ورىن بۇل زاتتارمەن جاناسقانداردىڭ بارلىعىنا دەرەۋ تەكسەرۋ جۇرگىزىپ، ولاردى اۋاشالاپ باسقارۋعا العان، شوعىرلى اۋاشالاۋ ورنىندا مەديتسينالىق باقىلاۋ جۇرگىزۋ بارىسىندا كەزەكتى نۋكلەين قىشقىلىن تەكسەرۋدى ورىستەتكەندە، 11 ادامنىڭ تەكسەرۋ ناتيجەسى بولىمدى بولعان، بۇل 1 – ءنومىرلى زال، 4 – ءنومىرلى زال، 5 – ءنومىرلى زال جانە كوكونىس زالى قاتارلى ساۋدا ورىندارىمەن قاتىستى بولعان.
ماماندار تالداۋ جاساۋ، تۇجىرىمداۋ ارقىلى اتالعان بازاردا قازىر ىندەتتىڭ تارالۋىنىڭ حاۋپى ءبىرشاما زور دەپ قارادى، قازىر دادۇڭ رايونى باجيازى جەمىس – جيدەكتى تولايىم ساتۋ بازارىنا تۇيىقتاپ باسقارۋ ۋاقىتشا اتقارىلدى، بۇكىلدەي ديزەنفەكسيالاۋ جۇرگىزىپ، ديزەنفەكسيالاۋ ونىمدىلىگىنە باعا بەرۋ ناتيجەسى تولىمدى بولعان سوڭ، بۇل بازاردىڭ جۇمىسى الدا قالپىنا كەلتىرىلەدى.
جەمىس – جيدەكتى قالاي جەسە اناعۇرلىم حاۋىپسىز بولادى؟
جياڭسۋ ولكەلىك اۋرۋدان ساقتانۋ – تەجەۋ ورتالىعىنىڭ حابارلاۋىنشا، جاڭا تيپتى ايدارشا ۆيرۋس وكپە قابىنۋ ىندەتى ازىق – تۇلىك قاينارىندىق اۋرۋعا جاتپايدى، جەمىس – جيدەك جەگەندەردىڭ جۇعىمدالۋ حاۋپى وتە تومەن، شەكتەن تىس ۇرەيلەنىپ كەتۋدىڭ قاجەتى جوق، الايدا، ساقتىقتى ويداعىداي ىستەۋ كەرەك.
جىجياڭ ولكەسى تايجوۋ قالالىق بازاردى باقىلاۋ – باسقارۋ مەكەمەسى تۇتىنۋشىلارعا مىنانى ەسكەرتەدى: شەكارا سىرتىنان كەلگەن توڭازىتىلعان ازىق – تۇلىكتەردى نەمەسە يمپورت ەتىلگەن جەمىس – جيدەكتەردى ساتىپ العان كەزدە، سەنىمدى ەرەنبازارلاردان جانە بازارلاردان ساتىپ الۋ كەرەك، كەلۋ قاينارى انىق بولماعان يمپورتتىق توڭازىتىلعان ازىق – تۇلىكتەردى جانە جەمىس – جيدەكتەردى ساتىپ الماۋ قاجەت. يمپورتتىق توڭازىتىلعان ازىق – تۇلىكتەر مەن يمپورت ەتىلگەن جەمىس – جيدەكتەردى ءوز بەتىنشە ينتەرنەت ارقىلى ساتىپ الۋدان، ۋاكىلەتتى ساتىپ الۋدان، شەكارا سىرتىنان ساتىپ الۋدان بارىنشا اباي بولعان ءجون.
سونىمەن بىرگە، جەدەل جولدامانى، پوچتالىق سالەمدەمەلەردى قابىلداعان كەزدە، جەكەلىك ساقتىقتى ويداعىداي ىستەپ، زاتتىڭ بەتكى جاعىن ديزەنفەكسيالاپ، جولدامانىڭ قورابىن ءبىرجاقتى ەتىپ بولعان سوڭ، دەرەۋ قولدى تازالاپ جۋۋ جانە ديزەنفەكسيالاۋ كەرەك.
جىجياڭ ولكەلىك اۋرۋدان ساقتانۋ – تىزگىندەۋ ورتالىعىنىڭ مامانىنىڭ ايتۋىنشا، يمپورت ەتىلگەن جەمىس – جيدەكتەردى ساتىپ العان سوڭ، الدىمەن سىرتقى قورابىنا سپيرت بۇركۋ نەمەسە ديزەنفەكسيالاۋعا ارنالعان دىمقىل قاعازبەن سىرتقى قورابىن ءسۇرتىپ ديزەنفەكسيالاۋ، ونان سوڭ، جەمىستىڭ ەرەكشەلىگىنە قاراي، تازالاۋ ءتاسىلىن تاڭداۋ قاجەت، تازا سۋعا 10 – 20 مينۋت شىلاپ قويۋعا بولادى؛ مۇنان سىرت، بازاردا ساتىلاتىن جەمىس جيدەكتى تازالاۋعا ارنالعان تولىمدى تازالاعىش سۇيىقتىقتارمەن جۋىپ، ونان سوڭ تازا سۋمەن تاعى ءبىر رەت شايىپ جىبەرۋگە دە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
