ەكى تاراۋ: ىندەت تۋىلماعان رايونداردا ىندەتتەن ساقتانۋدى سىلتاۋ ەتىپ ديقانداردى اتىزعا جىبەرمەي قويۋعا قاتاڭ تيىم سالىنادى
2022.04.24 15:54 كەلۋ قاينارى : حالىق تورابى
شينحۋا اگەنتتىگىنىڭ 4 - ايدىڭ 22 - كۇنى بەيجيڭنەن بەرگەن حابارى. اۋىل شارۋاشىلىعى، اۋىل – قىستاق مينيسترلىگى مەن مەملەكەتتىك دەنساۋلىق ساقتاۋ، سالاماتتىق كوميتەتى تاياۋدا «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە كوكتەمگى اۋىل شارۋاشىلىق ءوندىرىسى قىزمەتىن ءبىرتۇتاس جوسپارلاۋ جەتەكشى ەرەجەسىن» باسىپ تاراتىپ، ىندەت تۋىلماعان وڭىرلەردە «ءبىر شىبىقپەن ايداۋعا» جانە ساتىلار بويىنشا تالاپ قويۋعا بولمايدى، ىندەتتىڭ الدىن الۋدى سىلتاۋ ەتىپ، ٶز بەتىمەن توسقاۋىل ورناتىپ، جول توسىپ، قىستاقتى بەكىتۋگە، ديقاندارعا اتىزعا جىبەرمەي قويۋعا بولمايدى دەپ ايقىن بەلگىلەدى.
بۇل ءتىلشىنىڭ 4 - ايدىڭ 22 - كۇنى اۋىل شارۋاشىلىعى، اۋىل – قىستاق مينيسترلىگىنەن ۇعىسقان حابارى.
تاياۋدا ەل ىشىندە ىندەت كوپ ورىندا تارالىپ، ءىشىنارا وڭىرلەردە شوعىرلى ىندەت تۋىلىپ، ساقتانۋ – تىزگىندەۋ جاعدايى قاتاڭ دا كۇردەلى بولدى. كوكتەمگى اۋىل شارۋاشىلىق ءوندىرىسىنىڭ شەشۋشى كەزەڭگە وتۋىنە بايلانىستى، ىندەتتەن ساقتانۋ - تىزگىندۋدى قاتاڭ، شىنايى ويداعىداي ىستەۋمەن بىرگە، اۋىل شارۋاشىلىق ءوندىرىسى مەن اۋىل شارۋاشىلىق ونىمدەرىمەن قامداۋدى ءونىمدى تۇردە قامتاماسىزداندىرۋ دا كەزەك كۇتتىرمەيتىن جۇمىس.
ىندەت تۋىلماعان رايوندارعا قاراتا، جەتەكشى ەرەجەدە بىلاي دەپ اتاپ كورسەتتى: ىندەتتەن ساقتانۋ - تىزگىندەۋ تالابىن تياناقتاندىرىپ، ىندەتتەن ساقتاۋ - تىزگىندەۋ مەن كوكتەمگى ەگىس ءوندىرىسى جونىندەگى ۇگىتتى ىشكەرىلەي ورىستەتىپ، ديقاندار بۇقاراسىن دەر كەزىندە ۆاكسينا ەگۋگە، اۋرۋدىڭ الدىن الۋ تالابىنا سانالى بويسۇنۋعا، ءوزىن - ءوزى قورعاۋدى كۇشەيتۋ نەگىزىندە، ەگىس ۋاقىتىن مىقتى يگەرىپ، ءوندىرىستى ورىستەتۋگە تاربيەلەۋ، جەتەكتەۋ كەرەك. شارۋالاردىڭ اۋىلىنا قايتىپ اۋىل شارۋاشىلىعىمەن شۇعىلدانۋىنا، اۋىل شارۋاشىلىق ماشينالارىن جولعا شىعارىپ جۇمىس ىستەۋىنە، اۋىل شارۋاشىلىق ماتەريالدارىن جوتكەۋ، اۋىل شارۋاشىلىق ونىمدەرىن ءوندىرۋ، قامداۋ سياقتىلارداعى كەپتەلىس تۇيىندەرىن دەر كەزىندە اشىپ، اۋىل شارۋاشىلىق ءوندىرىسىنىڭ قالىپتى ورىستەتىلۋىنە كەپىلدىك ەتۋ كەرەك.
اۋىل شارۋاشىلىق ٶندىرىس جۇمىستارىن ولشەمدەندىرۋ جونىندە جەتەكشى ەرەجەدە بىلاي دەدى: «قوعامدىق باسقارۋ ـ مەڭگەرۋدى كۇشەيتىپ، ادامداردىڭ توپتالۋىن قاتاڭ شەكتەۋ» جالپى تالابىنا تاباندى بولىپ، قاتىستى باسقارۋ ـ مەڭگەرۋ شارالارىن تياناقتاندىرۋ نەگىزىندە اۋىل شارۋاشىلىق ءوندىرىسىنىڭ قالىپتى ورىستەتىلۋىنە كەپىلدىك ەتۋ كەرەك.
اۋىل شارۋاشىلىق ءوندىرىس جۇمىستارىن باسقارۋ، تىزگىندەۋ قىزمەتى جونىندە جەتەكشى ەرەجەدە مىنالاردى اتاپ كورسەتتى: ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، «رايوننان شىقپاۋ، توپتالۋعا قاتاڭ تيىم سالۋ» جالپى تالابىنا تاباندى بولىپ، پرينسيپتىك جاقتان جابىق باسقارىپ، قىستاقتى (اۋىلدى) بىرلىك ەتىپ، كەمىندە ءبىر رەت جالپى قىزمەتكەرلەردىڭ نۋكلەين قىشقىلىن تەكسەرۋ، تەكسەرۋ ناتيجەسى بولىمسىز بولۋ شارت ـ جاعدايىن قاناعاتتاندىرعاننان كەيىن، اۋىل شارۋاشىلىق ءوندىرىسىن ءتارتىپتى تۇردە ۇيىمداستىرۋ، ورىستەتۋ كەرەك.
بەكىتىلىپ تىزگىندەلگەن جەردەگى اۋىل شارۋاشىلىق ءوندىرىس جۇمىستارىنا قاراتا جەتەكشىلى ەرەجەدە بىلاي دەپ باسا دارىپتەدى: «ءوڭىردى بەكىتۋ، ۇيدەن شىقپاۋ، ۇيگە كەلىپ قىزمەت ەتۋ» جالپى تالابىنا تاباندى بولىپ، تىزگىندەلگەن رايونداعى ادامداردىڭ پرينسيپتىك جاقتان سىرتقا شىعىپ جۇمىس ىستەۋىنە بولمايدى. بەكىتىلىپ تىزگىندەلگەن رايونىندا بەكىتۋدى توقتاتۋ ولشەمىنە جەتكەننەن كەيىن، بەكىتىپ تىزگىندەۋدى دەر كەزىندە كۇشىنەن قالدىرىپ، جەرگىلىكتى اۋىل شارۋاشىلىق ءوندىرىسىن تەز ارادا قالپىنا كەلتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
