شي جينپيڭ كليمات وزگەرىسى ماسەلەسى جونىندە انگليانىڭ باستاۋىش مەكتەپ وقۋشىلارىنا جاۋاپ حات جازدى
2022.04.22 15:55 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 21 - كۇنى، بەيجيڭ. تاياۋدا مەملەكەت ءتوراعاسى شي جينپيڭ كليمات وزگەرىسى ماسەلەسى جونىندە انگليانىڭ فرانسيس حوللاند مەكتەبىندەگى باستاۋىش مەكتەپ وقۋشىلارىنا جاۋاپ حات جازدى.
شي جينپيڭ بىلاي دەپ اتاپ كورسەتتى: جەر شارى − ۇلكەن شاڭىراق، ادامزات − ورتاق تۇلعا، كليمات وزگەرىسى − بۇكىل ادامزات ءدوپ كەلىپ وتىرعان ورتاق سايىس، ادامزات سەلبەسىپ توتەپ بەرۋى كەرەك.
شي جينپيڭ بىلاي دەپ دارىپتەدى: جۇڭحۋا ۇلتى ەجەلدەن تابيعاتقا قۇرمەت ەتىپ، تابيعاتتى قىزۋ ءسۇيىپ كەلەدى. مەن كليمات وزگەرىسىنە توتەپ بەرۋگە ايرىقشا ءمان بەرىپ، «تۇنىق سۋ، جاسىل تاۋ − باعالى بايلىق» دەگەندى باستان - اياق دارىپتەپ كەلەمىن، بۇل ۇستانىم قازىرگى جۇڭگودا جۇرت جۇرەگىنە تەرەڭ ۇيالادى. ءبىز تۇتاس قوعامنان تابيعات پەن ەكولوگيالىق ورتانى كوز قاراشىعىنداي قورعاپ، جاسىل دامۋدى بەلسەنە ىلگەرىلەتىپ، كورىكتى جۇڭگو قۇرۋدى تالاپ ەتەمىز. جۇڭگو بۇرىن بولىپ كورمەگەن كليمات وزگەرىسىنە توتەپ بەرۋ قيمىلىن ورىستەتىپ، كورنەكتى ونىمدىلىككە قول جەتكىزدى، الدا ءتىپتى دە زور تابىستارعا ۇزدىكسىز قول جەتكىزەتىن بولادى.
شي جينپيڭ مىنانى ءبىلدىردى: جۇڭگونىڭ ءار دارەجەلى، ءار ءتۇرلى مەكتەپتەرى ەكولوگيالىق وركەنيەت تاربيەسىنە ەرەكشە ءمان بەرەدى، جۇڭگونىڭ باستاۋىش مەكتەپ وقۋشىلارى ۇساق ىستەردەن باستاپ ىستەپ، ەنەرگيا ۇنەمدەپ، ورتانى قورعايتىن تاماشا ادەت قالىپتاستىرىپ، جاسىل، تومەن كومىرتەكتى تۇرمىس ءتاسىلىن ۇيرەنۋدە. سەندەردىڭ جۇڭگوعا كەلىپ، دۇنيە جۇزىندەگى ەڭ ۇلكەن جەل ەلەكتر ستانسياسى مەن كۇن ەنەرگياسى ەلەكتر ستانسياسىن، كولەمى ەڭ كەڭ جاساندى ورمان مەن كورىنىسى كوركەم مەملەكەتتىك باقشانى ەكسكۋرسيالاۋلارىڭدى قارسى الامىن. سەندەردىڭ جۇڭگولىق باستاۋىش مەكتەپ وقۋشىلارىمەن اۋىس - كۇيىس جاساپ، جاسىل دامۋ ۇستانىمىن كوڭىلگە تەرەڭ ۇيالاتىپ، ەسەيگەننەن كەيىن ادامزاتتىڭ كورىكتى مەكەنىنىڭ بەلسەندى قۇرۋشىلارى بولۋلارىڭدى ءۇمىت ەتەمىن.
فرانسيس حوللاند مەكتەبى − لوندونداعى حالىقارالانعان قىزدار مەكتەبى، ولار سىرتپەن بەلسەنە اۋىس - كۇيىس جاساپ، وقۋشىلاردى ورتانى قورعاۋ جانە كليمات وزگەرىسى تاقىرىبىنا نازار اۋدارۋعا شابىتتاندىرۋدا. بىرنەشە كۇننىڭ الدىندا وسى مەكتەپتىڭ 4 - جىلدىعىنداعى وقۋشىلار ءتوراعا شي جينپيڭگە توپتىق حات جولداپ، كليمات وزگەرىسى ماسەلەسىنە نازار اۋداراتىندارىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
