شىعىس اۆياتسيا سەرىكتەستىگىنىڭ MU5735 ۇشاعىنىڭ 3 – ايدىڭ 21 – كۇنى شىرعالاڭعا ۇشىراۋىنا بايلانىستى العاشقى قادامداعى تەكسەرۋ مالىمەتى جونىندەگى جاعدايدان حابارلاندىرۋ
2022.04.21 14:56 كەلۋ قاينارى : حالىق تورابى
2022 – جىلى 3 – ايدىڭ 21 – كۇنى، شىعىس اۆياتسيا سەرىكتەستىگى يۇننان شەكتى سەرىكتەستىگىنىڭ بوين 800-737 تۇرپاتتى B-1791 ءنومىرلى ۇشاعى MU5735 كۇنميڭنەن گۋاڭجوۋعا ۇشۋ مىندەتىن اتقارۋ بارىسىندا، گۋاڭجوۋدىڭ باقىلاۋىنداعى وڭىردە ۇشىپ بارا جاتقان كەزدە، اۋە جولىنداعى 8900 مەتر بيىكتىكتەگى كەڭىستىكتەن جەدەل قۇلديلاپ، سوڭىندا گۋاڭشي جۋاڭزۋ اۆتونوميالى رايونى ۋجوۋ قالاسى تىڭشيان اۋدانى لياڭنان قالاشىعى مولياڭ قىستاعىنىڭ ماڭىنا قۇلاعان. ۇشاق جەرگە سوعىلعان سوڭ ويراندالعان، ۇشاقتاعى 123 جولاۋشى مەن 9 ۇشاق قىزمەتكەرى تۇگەلدەي قازا بولعان.
«حالىقارالىق حالىقتىق اۆياتسيا شارتىنداعى» بەلگىلەمەلەرگە نەگىزدەلگەندە، شىرعالاڭ تۋىلعان كۇننەن باستاپ 30 كۇن ىشىندە، تەكسەرۋدى ۇيىمداستىرۋشى ەل حالىقارالىق حالىقتىق اۆياتسيا ۇيىمى مەن تەكسەرۋگە قاتىناسقان ەلدەرگە العاشقى قادامداعى تەكسەرۋ مالىمەتىن جولداۋى كەرەك، ونىڭ مازمۇنىندا ادەتتە سول كەزدە قول جەتكىزگەن شىنايى ينفورماتسيالار قامتىلادى، شىرعالاڭنىڭ سەبەبىنە تالداۋ جاساۋ مەن ودان شىعارىلعان قورىتىندى قامتىلمايدى. قازىر «شىعىس اۆياتسيا سەرىكتەستىگىنىڭ MU5735 ۇشاعىنىڭ 3 – ايدىڭ 21 – كۇنى شىرعالاڭعا ۇشىراۋىنا بايلانىستى العاشقى قادامداعى تەكسەرۋ مالىمەتى» دايىندالىپ بولدى، مالىمەتتە باستىسى ۇشۋ بارىسى، ۇشاق قىزمەتكەرلەرى، ۇشۋعا جارامدى ەتىپ كۇتىمدەۋ جاعدايى، سىنىقتاردىڭ تارالۋى قاتارلى شىنايى ينفورماتسيالار قامتىلعان. باستى جاعدايى تومەندەگىدەي:
ۇشاق بەيجيڭ ۋاقىتى بويىنشا ساعات 13 تەن 16 مينۋت وتكەندە كۇنميڭ چاڭشۇي اۋەجايىنداعى 21 – ءنومىرلى سىرعىما جولدان ۇشقان، 13 تەن 27 مينۋت وتكەندە ۇشۋ بيىكتىگى 8900 مەترگە جەتكەن، ساعات 14 تەن 17 مينۋت وتكەندە A599 اۋە جولىن بويلاي گۋاڭجوۋدىڭ باسقارۋىنداعى وڭىرگە وتكەن، 14 تەن 20 مينۋت 55 سەكۋندتا گۋاڭجوۋ وڭىرىندەگى باقىلاۋشى راداردا «بۇيرىقتاعى بيىكتىكتەن اۋىتقىدى» دەگەن ەسكەرتۋ بايقالعان، ۇشاق ۇشۋ بيىكتىگىنەن الشاقتاعان، باسقارۋشى قىزمەتكەر ۇشاق قىزمەتكەرلەرىنە دەرەۋ حابارلاسقان بولسا دا، ەشقانداي جاۋاپ الا الماعان. ساعات 14 تەن 21 مينۋت 40 سەكۋند وتكەندە راداردا ەڭ سوڭعى رەت ەستەلىككە الىنعان ۇشاققا قاتىستى ينفورماتسيالار: ولشەمدى اتموسفەرا قىسىمى بيىكتىگى 3380 مەتر، جەرمەن سالىستىرعانداعى قارقىنى ساعاتىنا 1010 كيلومەتر، ۇشۋ باعىتى 117 گرادۋس. ىلە – شالا رادارداعى سەگنال وشكەن.
شىرعالاڭ تۋىلعان جەر گۋاڭشي جۋاڭزۋ اۆتونوميالى رايونى ۋجوۋ قالاسى تىڭشيان اۋدانى لياڭنان قالاشىعى مولياڭ قىستاعىنىڭ ماڭىنداعى شىعىس وڭتۇستىكتەن باتىس سولتۇستىككە قاراي سوزىلعان تاۋ اڭعارىندا. شىرعالاڭ تۋىلعان جەردەن كولەمى 45 شارشى مەترلىك، تەرەڭدىگى 2.7 مەترلىك سۋ جيىلعان شۇڭقىردى كورۋگە بولادى، بۇل ۇشاق سوعىلعان جەر دەپ تۇراقتاندىرىلدى، ورنى سولتۇستىك ەندىك ″23°19′25.52، شىعىس بويلىق ″111°06′44.30. ۇشاقتىڭ سىنىقتارى نەگىزىنەن ۇشاق سوعىلعان جەردەگى °0 تان °150 قا دەيىنگى اۋماقتاعى جەر بەتىنەن جانە جەر استىنان بايقالعان. ۇشاق سوعىلعان جەردەن شامامەن 12 كيلومەتر جەردەن وڭ قاناتىنىڭ ۇشىنداعى ۇشكىلدىڭ ارتقى جيەگى تابىلعان. شىرعالاڭ تۋىلعان جەردەگى تاۋلى ورماندا ءورت كەتكەن ءىز قالعان. شىرعالاڭ تۋىلعان جەردەن كولدەنەڭ ورنىقتىرۋ بەتى، تىك قۇيرىق قاناتى، ۇشاق باعىتتاۋىشى، وڭ – سول موتورى، وڭ – سول قاناتى، ۇشاق دەنەسىنىڭ بولشەكتەرى، ۇشىپ – قونۋ تۇعىرى جانە ۇشقىش بولمەسىنىڭ ىشىندەگى بولشەكتەر قاتارلى ماڭىزدى سىنىقتار تابىلعان. بارلىق سىنىقتاردى شىرعالاڭ تۋىلعان جەردەن ىزدەپ تاۋىپ جيناعان سوڭ، ارناۋلى قويماعا ءبىرتۇتاس جوتكەپ اپارىپ، سول جەردە تازالاۋ، تانۋ جۇمىستارى ورىستەتىلگەن، كەيىنگى تەكسەرۋ – تالداۋ جاساۋ قىزمەتتەرىنە قولايلىلىق جاراتۋ ءۇشىن، بۇل زاتتاردى ۇشاقتىڭ ءىس جۇزىندىك ولشەمى بويىنشا ورىن – ورنىنا تىزگەن.
تەكسەرۋگە قاراعاندا، كەزەكشى ۇشاق قىزمەتكەرلەرى، جولاۋشىلار بولمەسىندەگى ۇشاق قىزمەتكەرلەرى جانە جوندەۋ – ىسكە قوسۋ قىزمەتكەرلەرىنىڭ تولىمدىلىعى تالاپقا ساي كەلەدى؛ شىرعالاڭعا ۇشىراعان ۇشاقتىڭ ۇشۋعا جارامدىلىق كۋالىگى كۇشىنە يە، ۇشاقتى ەڭ سوڭعى رەت A تەكسەرۋ (31A) جانە ەڭ سوڭعى رەت C تەكسەرۋ (3C) ۋاقىتى جوندەۋ جوباسىندا بەلگىلەنگەن تەكسەرۋ شەكتى مەرزىمىنەن اسىپ كەتپەگەن، سول كۇنى ۇشۋ الدىندا جانە قىسقا ۋاقىت توقتاعان سوڭ وتكىزۋ بارىسىندا كلتيپان بايقالعانى جونىندە مالىمەت بەرىلمەگەن، كىلتيپان ساقتالماعان؛ ۇشاقتا حاۋىپتى زات دەپ تىزىمدەۋگە ءوتىنىش ەتكەن زات جوق؛ بۇل رەتكى ۇشۋ مىندەتىنە ساياتىن اۋە جولىنىڭ بويىنداعى جەتەكشىلىك ەتۋ جانە باقىلاۋ قۇرىلعىلارىنان، اسپاپتارىنان قالىپسىز جاعداي بايقالماعان، حاۋىپتى اۋا رايى جونىندە مالىمەت بەرىلمەگەن؛ ۇشۋ بيىكتىگىنەن الشاقتاۋدىڭ الدىندا، ۇشاقتاعى قىزمەتكەرلەر مەن اۆياتسيالىق باسقارۋ قۇرىلىمدارىنىڭ سىمسىز راديومەن حابارلاسۋ جانە باسقارىپ جەتەكشىلىك ەتۋ قىزمەتىندە وزگەشە جاعداي بايقالماعان، ەڭ سوڭعى رەت جەردەگى قۇرىلىمداردىڭ ۇشاقتاعىلارمەن قالىپتى حابارلاسقان ۋاقىت ساعات 14 تەن 16 مينۋت وتكەن كەز؛ ۇشاقتاعى ەستەلىككە الۋ اسپابىنىڭ ەكەۋى دە سوعىلۋ سەبەبىنەن اۋىر بۇلىنگەن، دەرەكتەردى قالپىنا كەلتىرۋ جانە تالداۋ جاساۋ قىزمەتى ءالى دە ورىستەتىلۋدە.
الدا تەحنيكالىق تەكسەرۋ گرۋپپاسى قاتىستى تارتىپتەرگە ساي سىنىقتاردى تانۋ، تۇرگە ءبولۋ جانە تەكسەرۋ، ۇشۋ مىندەتىنە قاتىستى دەرەكتەرگە تالداۋ جاساۋ، قاجەتتى تاجىريبەلىك دالەلدەۋ قاتارلى تەكسەرۋ قىزمەتتەرىن ۇزدىكسىز ىشكەرىلەي ورىستەتىپ، شىرعالاڭنىڭ سەبەبىن عىلىمي تۇردە مۇقيات تەكسەرىپ انىقتايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
