لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.04.21 16:17 كەلۋ قاينارى : حالىق تورابى
كوكتەمگى اۋىل شارۋاشىلىق ءوندىرىسى شارالارىن اناعۇرلىم ويداعىداي يگەرىپ، استىقتان مول ءونىم الۋعا جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتۋدى؛ ەنەرگيامەن قامداۋدى ارتتىرۋ شارالارىن بەلگىلەپ، ەنەرگيانىڭ ەكونوميكالىق، قوعامدىق دامۋدى قامتاماسىزداندىرۋ قۋاتىن جوعارىلاتۋدى ورنالاستىردى
شينحۋا اگەنتتىگى، 4 - ايدىڭ 20 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 20 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، كوكتەمگى اۋىل شارۋاشىلىق ءوندىرىسى شارالارىن اناعۇرلىم ويداعىداي يگەرىپ، استىقتان مول ءونىم الۋعا جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتۋدى؛ ەنەرگيامەن قامداۋدى ارتتىرۋ شارالارىن بەلگىلەپ، ەنەرگيانىڭ ەكونوميكالىق، قوعامدىق دامۋدى قامتاماسىزداندىرۋ قۋاتىن جوعارىلاتۋدى ورنالاستىردى.
ءماجىلىس بىلاي دەپ اتاپ كورسەتتى: جۇمىستاندىرۋدى ورنىقتىرۋ مەن زات باعاسىن ورنىقتىرۋدىڭ ەكەۋى دە − ەكونوميكالىق اينالىمنىڭ ۇيلەسىمدى ارالىعىن ساقتاۋدىڭ نەگىزگى تىرەگى. استىق سياقتى ماڭىزدى اۋىل شارۋاشىلىق ونىمدەرىن ءوندىرۋدى، قامداۋدى ورنىقتىرۋ ەكونوميكالىق، قوعامدىق جالپى جاعدايدىڭ ورنىقتىلىعىن ساقتاۋدا، اسىرەسە، زات باعاسىن ورنىقتىرۋدا، حالىق تۇرمىسىن قامتاماسىزداندىرۋدا ورنىقتىرعىش رولىن اتقارادى، قازىرگى حالىقارالىق استىق بازارىندا تۇراقسىزدىق ارتقان، كەيبىر ەلدەردە اقشانىڭ قۇنسىزدانۋى جوعارى بولعان جاعدايدا ءتىپتى دە ماڭىزدى. ەلىمىزدىڭ استىقپەن قامداۋى مەن زاپاس قورى جەتكىلىكتى، بيىل كوكتەمگى ەگىس ورنىقتى ورىستەتىلىپ، استىق حاۋىپسىزدىگى قامتاماسىز ەتىلدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، كوكتەمگى اۋىل شارۋاشىلىق ءوندىرىسىن ىشكەرىلەي مىقتى يگەرىپ، استىقتان مول ءونىم الۋعا كەپىلدىك ەتۋ كەرەك. ءبىرىنشى، تۇتاس جىلداعى استىق ەگىلەتىن جەر كولەمى مەن ءونىم مولشەرىن ساتىلار بويىنشا جىكتەپ، جەرگىلىكتى ورىنداردىڭ تولىق ەگۋىنە، تۇقىم سىڭىرۋگە ۇيلەسەتىن مەزگىلدە ەگۋىنە قۋزاۋشىلىق ەتىپ، مىندەتىن ورىنداماعانداردىڭ جاۋاپكەرلىگىن قاتاڭ قۋزاۋ كەرەك. جەر - جەر استىق حاۋىپسىزدىگى جاۋاپكەرلىگىن قاتاڭ تياناقتاندىرىپ، ىندەتتەن ساقتانۋ - تىزگىندەۋ مەن كوكتەمگى اۋىل شارۋاشىلىق ءوندىرىسىن ءبىر تۇتاس جوسپارلاپ، ويداعىداي ىستەۋدى تەكسەرۋ - باعالاۋدىڭ ماڭىزدى مازمۇنى ەتىپ، قىزمەت ارناۋلى گرۋپپالارىن قۇرىپ، كوكتەمگى اۋىل شارۋاشىلىق ءوندىرىسى، اۋىل شارۋاشىلىق ءوندىرىس قۇرال - جابدىقتارىمەن قامداۋعا كەپىلدىك ەتۋ، باعانى ورنىقتىرۋ جانە اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋ سياقتى قىزمەتتەردى ءبىر تۇتاس سايكەستىرىپ، ويداعىداي يگەرۋى كەرەك. جازعى استىق ەگىنجايلارىن باسقارۋعا جەتەكشىلىك ەتۋدى كۇشەيتىپ، جەر جاعدايىنا، مايسانىڭ جەتىلۋىنە قاراي تىڭايتقىش بەرىپ، سۋارىپ، اۋىل شارۋاشىلىق اپاتىنان ءونىمدى ساقتانۋ كەرەك. ەگىنجايدى ءبىر مەزەت قاراۋسىز تاستاپ قويسا، ءبىر جىلعى ەڭبەك تەككە كەتەدى. قازىر − كوكتەمگى ەگىس جۇمىسىنىڭ شەشۋشى مەزگىلى، شارۋالاردى اتىز باپتاۋ جانە تۇقىم سەبۋ، مايسا ءوسىرۋ جۇمىستارىن ويداعىداي ىستەۋگە جەتەكتەۋ كەرەك. جاڭاشا اۋىل شارۋاشىلىق تيجاراتىنىڭ تۇلعالىق رولىن ساۋلەلەندىرىپ، ۋاكىلدىك جەر جىرتۋ، ۋاكىلدىك ەگۋ سياقتى قىزمەت وتەۋمەن قامداپ، شاعىن شارۋا وتباسىلارى مەن ىندەتتىڭ ىقپالىنا ۇشىراعان شارۋالاردىڭ جەر ەگۋىنە كومەكتەسۋ كەرەك. ەكىنشى، كوكتەمگى ەگىس جۇمىستارىنىڭ ءتارتىپتى ورىستەتىلۋىن قامتاماسىز ەتۋ كەرەك. عىلمي ۇيىمداستىرىپ جانە جەتەكتەپ، ەگىس ۋاقىتىن وتكىزىپ الماي، سىرتقا شىققان شارۋالاردىڭ اۋىلىنا قايتىپ ەگىنشىلىكپەن شۇعىلدانۋىن، اۋىل شارۋاشىلىق ءوندىرىس قۇرال - جابدىقتارىنىڭ دۇكەندەرگە، اۋىل - قىستاققا جەتكىزىلۋىن، ەگىس ماشينالارىنىڭ ىركىلىسسىز قاتىناۋىن، عىلىم - تەحنيكا قىزمەتكەرلەرىنىڭ تومەنگە ءتۇسىپ قىزمەت وتەۋىن قامتاماسىزداندىرۋ كەرەك. اۋىل شارۋاشىلىق ماتەريالدارى كاسىپورىندارىنىڭ ءوندىرىسى مەن شيكىزات، ەنەرگيا جاقتارىنان قامدالۋىن قامتاماسىزداندىرۋ كەرەك. ءۇشىنشى، «كوجە قاتىق» قىزمەتىن ويداعىداي يگەرۋ كەرەك. جاڭا، ءتىرى اۋىل شارۋاشىلىق ونىمدەرىن تاسىمالداۋدىڭ جاسىل ارناسى ساياساتىن تياناقتاندىرىپ، كوكونىس سياقتى اۋىل شارۋاشىلىق ونىمدەرىنىڭ ىركىلىسسىز اينالىمعا ءتۇسۋىن جەبەۋ كەرەك. ءتورتىنشى، اۋىل شارۋاشىلىعىن قولداۋ، شارۋالارعا تيىمدىلىك جاساۋ ساياساتتارىن تياناقتاندىرىپ، استىق ءوندىرىسىن سۇيەمەلدەۋ قارجىسىن شارۋالاردىڭ قولىنا تەز ارادا تاراتىپ، ءبيداي باپتاۋ قوسىمشا قاراجاتىن بەرۋ ساياساتىن اتقارۋ كەرەك. بەسىنشى، اۋىل شارۋاشىلىق ءوندىرىس قۇرال - جابدىقتارىنا بەرىلەتىن قوسىمشا قاراجاتتى ارتتىرۋ شارالارىن زەرتتەپ، استىقتى ەڭ تومەنگى شەكتەن تۇسىرمەي ساتىپ الۋدى دەر كەزىندە ويداعىداي ىستەپ، شارۋالاردىڭ استىق ەگۋ بەلسەندىلىگىن قورعاۋ جانە جۇمىلدىرۋ كەرەك.
ءماجىلىس مىنالاردى اتاپ كورسەتتى: ەنەرگيا − ەكونوميكالىق، قوعامدىق دامۋدىڭ نەگىزدىك تىرەگى. ەلىمىزدىڭ مەملەكەت جاعدايىن تياناق ەتىپ، سىرتقى ورتانىڭ جاڭا سىن - سايىسىنا توتەپ بەرىپ، ءتۇيىندى مىقتى يگەرىپ، ەنەرگيامەن قامداۋدى كۇشەيتىپ، شارت - جاعدايى پىسىپ - جەتىلگەن، دامۋعا قاجەتتى ەنەرگيا نىساندارى قۇرىلىسىن ەرتە باستان قامدانىپ ىلگەرىلەتىپ، ەنەرگيا قۇرىلىمىنىڭ ۇزدىكسىز ساپالىلانۋىن جەبەۋ كەرەك. بۇل ءارى ءونىمدى قارجى قوسۋ مەن جۇمىستانۋعا جەتەكشىلىك ەتۋدى كەڭەيتەدى، ءارى قازىر دە، بولاشاقتا دا پايداسىن كورسەتەدى. ءبىرىنشى، كومىردىڭ نەگىزگى ەنەرگيا رولىن ساۋلەلەندىرۋ كەرەك. كومىر كاسىپورىندارىنىڭ ءوندىرىس، نىسان قۇرىلىسى سياقتىلاردى تەكسەرىپ بەكىتۋ ساياساتىن كۇش سالا سەلبەسىپ ساپالىلاندىرىپ، جەرگىلىكتى ورىنداردىڭ ءونىمدى ورنىقتىرۋ، قامداۋ جاۋاپكەرلىگىن تياناقتاندىرىپ، وزىق ءوندىرىس قۋاتىن تولىق ىسكە قوسۋ كەرەك. ءوندىرىس قۋاتىن وزەك ەتە وتىرىپ ارتتىرۋ، ءوندىرىستى كەڭەيتۋ، جاڭادان وندىرىسكە قوسۋ سياقتىلار ارقىلى بيىل 300 ميلليون توننا كومىر ءوندىرۋ قۋاتىن تىڭنان قوسۋ كەرەك. كومىردى تازا، ءونىمدى پايدالانۋدى ىلگەرىلەتىپ، زاپاس قۇرىلعىلار قۇرىلىسىن كۇشەيتۋ كەرەك. بازارلاندىرۋ، زاڭمەن جونگە سالۋ ادىسىنەن پايدالانىپ، كومىر باعاسىنىڭ ۇيلەسىمدى ارالىقتا اينالىمعا تۇسۋىنە جەتەكشىلىك ەتۋ كەرەك. ەكىنشى، كومىر ەلەكتر گەنەراتور اگراگاتتارىندا ەنەرگيا ۇنەمدەپ، بىلعانىش زاتتاردىڭ شىعارىلۋىن ازايتۋدى، يكەمدىلىكپەن وزگەرتۋدى، جىلۋمەن قامداۋدى جاڭالاۋدى ىلگەرىلەتىپ، ەنەرگيانىڭ پايدالانىلۋ ونىمدىلىگىن جوعارىلاتىپ، تۇتاس جىلدا وزگەرتۋ كولەمىن 220 ميلليون كيلوۆاتتان اسىرۋ كەرەك. وزگەرتۋدە اگراگاتتار قالىپتى قاۋىرت جوندەۋ سياقتى ۋاقىت مەزەتىن تاڭداپ، ەلەكتر ەنەرگياسىمەن ورنىقتى قامداۋعا ىقپال جەتكىزۋدەن ساقتانۋ كەرەك. كومىر ەلەكتر گەنەراتور اگراگاتتارىن جاڭالاۋدى قولداۋ فينانس ساياساتىن تياناقتاندىرۋ كەرەك. ءۇشىنشى، قاتاڭ باقىلاۋ - باسقارۋ، مۇلدەم حاۋىپسىزدىككە كەپىلدىك ەتۋ العى شارتىندا يادرو ەلەكترىن تارتىپپەن دامىتۋ كەرەك. كوپ جىلدىق دايىندىق جانە جالپى بەتتىك باعالاۋ، تەكسەرۋ ارقىلى مەملەكەتتىڭ جوسپارىنا ەنگىزىلگەن جىجياڭ ولكەسىنىڭ سانمىن اۋدانىنداعى، شاندۇڭ ولكەسىنىڭ حايياڭ قالاسىنداعى، گۋاڭدۇڭ ولكەسىنىڭ لۋفىڭ قالاسىنداعى 3 يادرو ەلەكتر جاڭا اگراگاتى نىسانىن تەكسەرىپ بەكىتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
