شينجياڭ ءوندىرىس حاۋىپسىزدىگىن جاپپاي قامتۋ زور تەكسەرۋىن ورىستەتتى
2022.04.20 17:03 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ياڭ شۋحان 4 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنەن ۇعىسۋعا قاراعاندا، اۋىر، ەرەكشە اۋىر شىرعالاڭداردان باتىل ساقتانىپ جانە ونى تەجەپ، حاۋىپسىزدىك جاعدايىن باتىل ورنىقتىرۋ - مەڭگەرۋ ءۇشىن، تاياۋدا اۆتونوميالى رايوندىق ءوندىرىس حاۋىپسىزدىگى كوميتەتى «اۆتونوميالى رايوننىڭ ءوندىرىس حاۋىپسىزدىگىن زور تەكسەرۋ جوباسىن» (تومەندە قىسقارتىلىپ «جوبا» دەلىنەدى) شىعارىپ، تۇتاس رايوندا ءوندىرىس حاۋىپسىزدىگىن جاپپاي قامتۋ زور تەكسەرۋىن ورىستەتىپ، ءوندىرىس حاۋىپسىزدىگى جاعدايىنىڭ ءۇرتىس ورنىقتىلىعىنا شىنايى كەپىلدىك ەتۋدى العا قويدى.
وسى رەتكى ءوندىرىس حاۋىپسىزدىگى زور تەكسەرۋى بارلىق ايماقتاردى (وبلىس، قالا)، بارلىق كاسىپ سالالارىن، بارلىق ءوندىرىس - تيجارات ورىندارىن قامتۋمەن بىرگە، ءاربىر ءتۇيىندى ورىندارعا، ءاربىر ءتۇيىندى تۇستارعا، ءاربىر ءتۇيىندى بۋىندارعا دەيىن كەڭەيدى. نەگىزگى تەكسەرۋ مازمۇنى مىنالاردى قامتيدى: جەرگىلىكتى پارتكومدار مەن ۇكىمەتتەردىڭ ءوندىرىس حاۋىپسىزدىگى جاۋاپكەرشىلىگىن تياناقتاندىرۋ جاعدايى؛ تاراۋلاردىڭ حاۋىپسىزدىكتى باقىلاۋ - باسقارۋ جاۋاپكەرشىلىگىن تياناقتاندىرۋ جاعدايى؛ باسشىلاردىڭ جاۋاپكەرشىلىگى مەن باقىلاۋ - باسقارۋ جاۋاپكەرشىلىگىن قۋزاستىرۋ جاعدايى؛ كاسىپورىن نەگىزگى جاۋاپتىلارىنىڭ ءبىرىنشى جاۋاپتى ادام بولۋ جاۋاپكەرشىلىگىن اتقارۋ جاعدايى؛ حاۋىپسىزدىك حاۋىپ - قاتەرىن، كومەسكى كىناراتتارىن ءبىر - بىرلەپ تەكسەرۋ، رەتتەۋ - وڭاۋ جۇرگىزۋ جاعدايى؛ نىسانداردى تەكسەرىپ بەكىتۋ حاۋىپسىزدىك قىزىل سىزىعىن ساقتاۋ جاعدايى؛ زاڭعا قايشى ءبولىپ كوتەرتۋ، وتكەرمەلەي كوتەرتۋ جانە تولىمدىلىقتى تىركەۋگە الۋ ارەكەتىن تەكسەرىپ، ءبىر جاقتى ەتۋ جاعدايى؛ ەڭبەككۇشتەردى سىرتقا جىبەرۋ جانە جۇمىسشىلاردى يكەمدى پايدالانۋ، قىزمەتكەرلەردىڭ حاۋىپسىزدىگىن باسقارۋ جاعدايى؛ ”زاڭسىز ارەكەتتەرگە سوققى بەرۋ، زاڭعا قايشى ارەكەتتەردى جونگە سالۋ“ قىزمەتىن ورىستەتۋ جاعدايى؛ زاڭنىڭ اتقارىلۋىن تەكسەرۋدە كەڭ بولۋ، بوس بولۋ، ءالسىز بولۋدى رەتتەۋ - جونگە سالۋ جاعدايى؛ حاۋىپسىزدىك باقىلاۋ - باسقارۋ زاڭ اتقارۋ قوسىنى قۇرىلىسى جاعدايى؛ ءوندىرىس حاۋىپسىزدىگىندەگى كومەسكى كىناراتتاردى اشكەرەلەگەندەردى سيلاۋ جاعدايى؛ شىرعالاڭدى جاسىرۋ، جالعان مالىمدەۋ، كەشىگىپ مالىمدەۋ، مالىمدەلمەي قالۋ ارەكەتتەرىن تەكسەرىپ، ءبىر جاقتى ەتۋ جاعدايى؛ ەكونوميكالىق دامۋ، ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگى قىزمەتىن ءبىر تۇتاس جوسپارلاپ ويداعىداي ىستەۋ جاعدايى، ت ب.
وسى رەتكى زور تەكسەرۋ اتتانىسقا كەلتىرىپ ورنالاستىرۋ، ءتۇيىندى تەكسەرۋ، شوعىرلى قامال الۋ جانە بەكەمدەۋ - جوعارىلاتۋ سىندى 4 كەزەڭگە ءبولىندى. «جوبادا» مىنالار تالاپ ەتىلدى: جەر - جەر، تاراۋلار، ورىندار تۇتاس رايوننىڭ ءوندىرىس حاۋىپسىزدىگى جاعدايىنىڭ ورنىقتى بولۋىنا شىنايى كەپىلدىك ەتۋدىڭ ەرەكشە ماڭىزدىلىعىن تولىق تانىپ، ءوندىرىس حاۋىپسىزدىگى زور تەكسەرۋىن كەزەكتەگى ءوندىرىس حاۋىپسىزدىگى سالاسىنداعى ماڭداي الدى مىندەت ەتىپ، دەرەۋ ورنالاستىرۋ جاساپ، دەرەۋ ارەكەتكە كىرىسىپ، ىسكەر قىزمەتكەرلەردى ءبىرىنشى شەپكە شىعارىپ، ابزال كۇشتەردى شوعىرلاندىرىپ، حاۋىپسىزدىككە كەپىلدىك ەتىپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن كۇش سالا قورعاپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىن باتىل تەجەپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
