جياڭگوگو ازىق - تۇلىك سەرىكتەستىگى:
شاڭحايعا قۇنى 400 مىڭ يۋاندىق زاتتىق كومەك بەردى
2022.04.20 16:59 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى تۇيا 4 - ايدىڭ 18 - كۇنى ۇرىمجىدەن حابارلايدى. شاڭحاي قالاسىنىڭ ىندەتتەن ساقتانۋ - تىزگىندەۋ قىزمەتىنە قولداۋ كورسەتۋ ءۇشىن، قاشقار جياڭگوگو ازىق - تۇلىك عىلىم - تەحنيكا شەكتى سەرىكتەستىگى (تومەندە قىسقارتىلىپ ”جياڭگوگو ازىق - تۇلىك سەرىكتەستىگى“ دەلىنەدى) 4 - ايدىڭ 17 - كۇنى تۇستەن بۇرىن قاشقار قالاسىندا كومەككە بەرىلگەن زاتتىق ماتەريالداردى جونەلتۋ سالتىن وتكىزدى، شاڭحاي قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى ارقىلى شاڭحاي قالاسىنا جياڭگوگو ازىق - تۇلىك سەرىكتەستىگى وندىرگەن مەيىز، بادام، جۇقا قابىقتى جاڭعاق سياقتى كەپتىرىلگەن، قاتتى جەمىس ونىمدەرىن كومەككە بەردى، ونىڭ جالپى قۇنى 400 مىڭ يۋاننان اسادى.
قاشقار جياڭگوگو اۋىل شارۋاشىلىق عىلىم - تەحنيكا شەكتى سەرىكتەستىگى دەربەس قارجىلاندىرعان بولىمشە سەرىكتەستىك رەتىندە، جياڭگوگو ازىق - تۇلىك سەرىكتەستىگى وسى توپتاعى زاتتىق ماتەريالداردى كۇش سالا دايىندادى. 4 - ايدىڭ 14 - كۇنىنەن باستاپ وسى سەرىكتەستىكتىڭ قىزمەتكەرلەرى ۇستەمە قىزمەت ىستەپ، جىلدام دايىندالا باستادى. 4 - ايدىڭ 17 - كۇنى تۇستەن بۇرىن كومەككە بەرىلەتىن زاتتىق ماتەريالدار تۇگەل دايىندالىپ بولدى ءارى اۆتوموبيلگە تيەلىپ جونەلتىلدى.
جياڭگوگو ازىق - تۇلىك سەرىكتەستىگىنىڭ القا باستىعى ۋاڭ چاۋ مىنالاردى ءبىلدىردى: تالاي جىلدان بەرى شاڭحاي قالاسى قاشقار ايماعىنىڭ ياركەن، پوسكام، قاعىلىق، مارالباسى سياقتى 4 اۋدانىنا باعىتتامالى كومەك كورسەتتى. كاسىپ سالاسى ارقىلى شينجياڭعا كومەكتەسۋ، وقۋ - اعارتۋ ارقىلى شينجياڭعا كومەكتەسۋ، سالاماتتىق ارقىلى شينجياڭعا كومەكتەسۋ، مادەنيەت ارقىلى شينجياڭعا كومەكتەسۋ ارقىلى شاڭحاي قالاسى قاشقار ايماعىنىڭ ەكونوميكالىق، قوعامدىق دامۋىنا جانە حالىقتىڭ تىنىش ءومىر، شات - شادىمان تۇرمىس كەشىرۋىنە كۇش ۇستەپ، ماندىك سەرپىلىستى جۇزەگە اسىردى. شاڭحاي قالاسىنىڭ ىندەت جاعدايىن قاشقار حالقى كوڭىلدەرىنەن شىعارمادى، سەرىكتەستىك ازىن - اۋلاق كۇشى، ءىس جۇزىندىك ارەكەتى ارقىلى شاڭحايدىڭ ىندەتكە قارسى اتتانۋىنا كومەك كورسەتۋدى ءۇمىت ەتىپ، شاڭحايدىڭ ىندەتتى ەرتەرەك جەڭۋىن تىلەدى.
قاعىلىق اۋدانىنىڭ ورىنباسار اكىمى، شاڭحاي قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى قاعىلىق بولىمشە قولباسشىلىق شتابىنىڭ ورىنباسار قولباسشىسى چىن يفىڭ بىلاي دەدى: ”قاشقار جياڭگوگو اۋىل شارۋاشىلىق عىلىم - تەحنيكا شەكتى سەرىكتەستىگى قاشقاردىڭ جەرگىلىكتى كاسىپورنى رەتىندە، جەرگىلىكتى ورىنداعى شارۋالاردىڭ كىرىستەرىن ارتتىرىپ، بايۋىنا ۇلەس قوستى. كاسىپورىن دامۋ، زورايۋمەن بىرگە، قوعامدىق جاۋاپكەرشىلىگىن اتقارۋدى ۇمىتپاي، قوعامعا بەلسەنە قارىمجى قايتارىپ، حالىقتىق كاسىپورىنداردىڭ جاۋاپكەرشىلىك ارقالاۋىن ايگىلەدى“.
2015 - جىلى قاشقار جياڭگوگو اۋىل شارۋاشىلىق عىلىم - تەحنيكا شەكتى سەرىكتەستىگى قۇرىلدى، اۆتونوميالى رايوننىڭ اۋىل شارۋاشىلىعىن كاسىپ سالالاندىرعان ءتۇيىندى باستاماشى كاسىپورنى رەتىندە، سەرىكتەستىك وڭتۇستىك شينجياڭداعى جەمىس شارۋالارىنىڭ ساپالى دا ءدامدى قاۋىن - قاربىز، جەمىس - جيدەكتەرىن باسقا ولكەلەرگە ساتۋىنا كومەكتەسۋدى ماقسات ەتتى. كەزەكتە بۇل سەرىكتەستىكتىڭ ونىمدەرى كەپتىرىلگەن جەمىس، سەيىل - سەرۋەن ازىق - تۇلىگى، سالاماتتىق سۋسىن ونىمدەرى، ماۋسىمدىق جاڭا جەمىس سياقتى كوپ تۇرلەردى قامتىدى، 2021 - جىلى ساتۋ سوماسىن 220 ميلليون يۋانعا جەتكىزىپ، ونىمدەرى، نەگىزىنەن، گۋاڭجوۋ، شىنجىن، شاڭحاي سياقتى جەرلەردە ساتىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
